କର୍ଲାମୁଣ୍ଡା,୧୭।୭(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ତିନି ଛାତ୍ରୀଛାତ୍ର ସଫଳତା ପାଇଛନ୍ତି। ଏଥିମଧ୍ୟରୁ ଗୋଟିଏ ପରିବାରର ଦୁଇ ଭଉଣୀ ଏକା ସାଙ୍ଗେ ନିଟ ପରୀକ୍ଷାରେ ଉତ୍ତୀର୍ଣ୍ଣ ହେବା ଖବର ଜଣାପଡ଼ିବା ପରେ ଅଞ୍ଚଳରେ ଖୁସିର ଲହରୀ ଖେଳିଯାଇଛି। ସେମାନେ ହେଲେ ରେଗଡ଼ା ଗ୍ରାମର ପିତା ଜୟଦ୍ରଥ କମ୍ପ ଓ ମାତା ରମ୍ଭାବତି କମ୍ପଙ୍କ ଦୁଇ ଝିଅ ପ୍ରେମଲତା କମ୍ପ ୬୧୩ ମାର୍କ ଓ ପୁଷ୍ପଲତା କମ୍ପ ୫୭୭ ମାର୍କ ରଖି ସର୍ବଭାରତୀୟ ନିଟ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି। ଉଭୟ ଭଉଣୀ ପୂର୍ବରୁ ଓଡିଶା ଆଦର୍ଶ ବିଦ୍ୟାଳୟରେ ମାଟ୍ରିକ ପରୀକ୍ଷାରେ ଜିଲା ଟପର ହୋଇଥିଲେ। ଠିକ ସେହପରି ସ. ମାଲପଡା ପଞ୍ଚାୟତର ବାଗ ବୁରେଇ ଗ୍ରାମର ଡ୍ରାଇଭର କୈଳାସ ଚନ୍ଦ୍ର ସାହୁ ଓ ସସ୍ମିତା ସାହୁଙ୍କ ପୁତ୍ର ଚୈତନ୍ୟ ସାହୁ ନିଟ ପରୀକ୍ଷାରେ ୬୦୨ ମାର୍କ ରଖି ଅଞ୍ଚଳ ପାଇଁ ଗର୍ବ ଆଣିଛନ୍ତି ।ଚୈତନ୍ୟଙ୍କ ଏହି ସଫଳତା ପାଇଁ ପରିବାର, ଗ୍ରାମବାସୀ ଓ ଅଞ୍ଚଳବାସୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ବିଭିନ୍ନ ମହଳରୁ ତାଙ୍କୁ ଅଭିନନ୍ଦନ ଓ ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭେଚ୍ଛା ଜଣାଯାଇଛି। ପ୍ରକାଶଥାଉ କି ଉତ୍ତୀର୍ଣ୍ଣ ହୋଇଥିବା ତିନି ଛାତ୍ରୀଛାତ୍ର ଚାଷୀ ପରିବାରର ହୋଇଥିବାବେଳେ ସେମାନଙ୍କ ପରିଶ୍ରମ ଓ ନିଷ୍ଠା ହେତୁ ସଫଳତା ପାଇଥିବାରୁ ଅଞ୍ଚଳବାସୀ ସାଧୁବାଦ ଜଣାଇଛନ୍ତି l
ସୌଜନ୍ୟ ଧରିତ୍ରୀ
