ନୂଆଦିଲ୍ଲୀ : ଚାଲି ପାରୁନି ସଂସଦ। ଆଜି ମୌସୁମୀ ଅଧିବେଶନର ଚତୁର୍ଥ ଦିନ। ଗତ ତିନି ଦିନ ଧରି ବିରୋଧୀ ଦଳ ସଂସଦର ଉଭୟ ଗୃହରେ ହଟ୍ଟଗୋଳ ଜାରି ରଖିଛନ୍ତି, ଯାହା ଫଳରେ ଅନେକ ଥର ଗୃହ ମୁଲତବୀ ରହିଛି। ଆଜି ମଧ୍ୟ ଲୋକସଭା ଏବଂ ରାଜ୍ୟସଭା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ମୁଲତବୀ କରାଯାଇଛି।
ଗୁରୁବାର ଦିନ ବିରୋଧୀ ଦଳର ସାଂସଦମାନେ ସଂସଦ ପରିସରର ମକର ଗେଟ୍ ନିକଟରେ ପ୍ରତିବାଦ କରିଥିଲେ। ପରୀକ୍ଷା ପତ୍ର ଲିକ୍ ମାମଲାରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିକୁ ସେମାନେ ପୁନର୍ବାର ଦୋହରାଇଥିଲେ। କଂଗ୍ରେସ ସଂସଦୀୟ ଦଳ (ସିପିପି) ଅଧ୍ୟକ୍ଷା ସୋନିଆ ଗାନ୍ଧୀ ମଧ୍ୟ ପ୍ରତିବାଦରେ ଯୋଗ ଦେଇଥିଲେ।
ସୌଜନ୍ୟ ସମାଜ
