ICMR: ଭାରତରେ ଫ୍ଲୁ ଆକ୍ରାନ୍ତଙ୍କ ୯୮% ମାମଲା, ଏଚ୍‌୧ଏନ୍‌୧-ଜନିତ ଭୟର କାରଣ ନ ଥିବା କହିଲା ଆଇସିଏମ୍‌ଆର୍‌

ଡା. ବାହଲ୍‌ କହିଛନ୍ତି, ଗତ କିଛି ସପ୍ତାହ ହେବ ଇନ୍‌ଫ୍ଲୁଏଞ୍ଜା ସଂକ୍ରମଣ ବଢ଼ୁଛି। ତେବେ ହସ୍ପିଟାଲ୍‌ରେ ଭର୍ତ୍ତି ହେବା ଭଳି ଗୁରୁତର ମାମଲା ସଂଖ୍ୟା ଅସ୍ୱାଭାବିକ ଭାବେ ବଢ଼ିନାହିଁ। ଗୁରୁତର ଅବସ୍ଥାରେ ଥିବା ଅଧିକାଂଶ ରୋଗୀଙ୍କର ପୂର୍ବରୁ ଅନ୍ୟ ରୋଗ ବା ସ୍ୱାସ୍ଥ୍ୟ ସମସ୍ୟା ରହିଛି। ଇନ୍‌ଫ୍ଲୁଏଞ୍ଜା ଯୋଗୁ ଏପର୍ଯ୍ୟନ୍ତ କୌଣସି ମୃତ୍ୟୁ ରିପୋର୍ଟ ହୋଇନଥିବା ମଧ୍ୟ ସେ କହିଛନ୍ତି। ଭାରତରେ ସାଧାରଣତଃ ଇନ୍‌ଫ୍ଲୁଏଞ୍ଜା ସଂକ୍ରମଣର ଦୁଇଟି ଶୀର୍ଷ ସମୟ ରହିଥାଏ।

ଗୋଟିଏ ମୌସୁମୀ ବର୍ଷା ସମୟରେ ଏବଂ ଅନ୍ୟଟି ଶୀତ ଋତୁରେ। ବର୍ତ୍ତମାନର ସଂକ୍ରମଣ ବୃଦ୍ଧି ମଧ୍ୟ ସାଧାରଣ ଋତୁକାଳୀନ ଧାରା ଅନୁସାରେ ରହିଛି। ଏଥିରେ କୌଣସି ଅସ୍ୱାଭାବିକ ଧାରା ଦେଖାଯାଇ ନ ଥିବାରୁ ଲୋକଙ୍କୁ ଆତଙ୍କିତ ନ ହୋଇ ସତର୍କ ରହିବାକୁ ଡା. ବାହଲ୍‌ ପରାମର୍ଶ ଦେଇଛନ୍ତି।