ରଙ୍ଗିନ ସାବୁନର ଫେଣ ଧଳା କାହିଁକି

ଓଦା ଲୁଗାପଟାରେ ସାବୁନ ଘଷିଲେ ଫେଣ ବାହାରେ। ପ୍ରକୃତରେ ଫେଣ ହେଉଛି ଅସଂଖ୍ୟ ଫୋଟକାର ସମାହାର। ପ୍ରତିଟି ଫୋଟକା ହେଉଛି ପବନ ପଶିଥିବା ଗୋଟିଏ ଗୋଟିଏ ସାବୁନପାଣି ପକେଟ୍‌ ବା ମୁଣା। ଏହି ଫୋଟକାଗୁଡ଼ିକର ବଙ୍କାଳିଆ ଉପରିଭାଗରେ ଆଲୁଅ ପଡ଼ି‌ଲେ ତାହା ଚାରିଆଡ଼କୁ ବିଛାଡ଼ି ହୋଇଯାଏ।
ଅସଲ କଥା ହେଉଛି, ବିଭିନ୍ନ ରଙ୍ଗର ଆଲୁଅ ମିଶିଲେ ଧଳା ଆଲୁଅ ସୃଷ୍ଟି ହୁଏ। ରଙ୍ଗ ଥିଲେ ମଧ୍ୟ ଏହି ଆଲୁଅ ମଣିଷ ଆଖିକୁ ଧଳା ଦେଖାଯାଏ। ଠିକ୍‌ ସେହିପରି, ସାବୁନ ଫେଣରେ ଆଲୁଅ ପଡ଼ି ଚାରିଆଡ଼କୁ ବିଛାଡ଼ି ହୋଇଯାଉଥିବାରୁ ମଣିଷ ଆଖିକୁ ସାବୁନ ଫେଣ ଧଳା ଦେଖାଯାଏ।