ବ୍ରେଟ୍ ରାଣ୍ଡେଲ୍ ଜଣେ ଡାହାଣହାତୀ ଦ୍ରୁତ ବୋଲର ଏବଂ ଘରୋଇ କ୍ରିକେଟରେ ସେଣ୍ଟ୍ରାଲ୍ ଡିଷ୍ଟ୍ରିକ୍ଟସ୍ ପାଇଁ ଖେଳନ୍ତି। ୩୧ ବର୍ଷୀୟ ବୋଲର ମାର୍ଚ୍ଚ ୨୦୧୬ରେ ପ୍ଲଙ୍କେଟ୍ ସିଲ୍ଡ ମ୍ୟାଚ୍ରେ କ୍ରମାଗତ ପାଞ୍ଚ ବଲ୍ରେ ପାଞ୍ଚଟି ୱିକେଟ୍ ନେଇ ଇତିହାସ ରଚିଥିଲେ। ପ୍ରଥମ ଶ୍ରେଣୀ କ୍ରିକେଟ୍ରେ ଏପରି କରିବାରେ ସେ ପ୍ରଥମ ବୋଲର ହୋଇଥିଲେ। ବର୍ତ୍ତମାନ, ତାଙ୍କୁ ପ୍ରଥମ ଥର ପାଇଁ ନ୍ୟୁଜିଲ୍ୟାଣ୍ଡ୍ ଜାତୀୟ ଦଳରେ ସାମିଲ କରାଯାଇଛି।
ଫର୍ଗୁସନ୍, ଟିକନର ଆହତ
ଏହି ସିରିଜ୍ରେ ଆହତ ହେତୁ ନ୍ୟୁଜିଲ୍ୟାଣ୍ଡ୍ ମଧ୍ୟ ସମସ୍ୟାର ସମ୍ମୁଖୀନ ହୋଇଛି। ଦ୍ରୁତ ବୋଲର ଲକି ଫର୍ଗୁସନ୍ ଏବଂ ବ୍ଲେୟାର ଟିକନର ଚତୁର୍ଥ ଦିନିକିଆ ପାଇଁ ଉପଲବ୍ଧ ନାହାଁନ୍ତି, ଯାହା ଫଳରେ ଦଳରେ ପରିବର୍ତ୍ତନ କରାଯାଇଛି। ଚତୁର୍ଥ ଦିନିକିଆ ପାଇଁ ମ୍ୟାଟ୍ ହେନରୀ ଏବଂ କାଇଲ୍ ଜାମିସନ୍ଙ୍କୁ ଦଳରେ ସାମିଲ କରାଯାଇଛି। ପଞ୍ଚମ ଦିନିକିଆରେ ସେମାନଙ୍କ ସ୍ଥାନରେ ଜୋଶ୍ କ୍ଲାର୍କସନ୍ ଏବଂ ବ୍ଲେୟାର ଟିକନରଙ୍କୁ ସ୍ଥାନ ଦିଆଯାଇଛି।
ଭାରତ ସିରିଜ୍ରେ ୨-୦ରେ ଆଗୁଆ
ଭାରତୀୟ ଦଳ ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ରେ ଏକ ଦୃଢ଼ ଆରମ୍ଭ କରିଛି। ଭାରତ ପ୍ରଥମ ଦିନିକିଆରେ ୫ ୱିକେଟ୍ରେ ଏବଂ ଦ୍ୱିତୀୟ ମ୍ୟାଚ୍ରେ ୪ ରନ୍ରେ ନ୍ୟୁଜିଲ୍ୟାଣ୍ଡ୍କୁ ପରାସ୍ତ କରିଛି। ବର୍ଷା ଯୋଗୁଁ ତୃତୀୟ ମ୍ୟାଚ୍ଟି ବାତିଲ ହୋଇଥିଲା। ଭାରତ ବର୍ତ୍ତମାନ ସିରିଜ୍ରେ ୨-୦ରେ ଆଗୁଆ ଅଛି। ସିରିଜ୍ ସିଲ୍ କରିବା ପାଇଁ ଟିମ୍ ଇଣ୍ଡିଆ ଶେଷ ଦୁଇଟି ମ୍ୟାଚ୍ ଜିତିବାକୁ ଚେଷ୍ଟା କରିବ। ଚତୁର୍ଥ ଦିନିକିଆ ମ୍ୟାଚ୍ ୧୩ ନଭେମ୍ବରରେ ଏବଂ ପଞ୍ଚମ ମ୍ୟାଚ୍ ୧୫ ନଭେମ୍ବରରେ ମାଉଣ୍ଟ ମାଉଙ୍ଗାନୁଇରେ ଖେଳାଯିବ।
ଚତୁର୍ଥ ଦିନିକିଆ ପାଇଁ ନ୍ୟୁଜିଲ୍ୟାଣ୍ଡ ଦଳ: ମିଚେଲ୍ ସାଣ୍ଟନର (ଅଧିନାୟକ), ଫିନ୍ ଆଲେନ୍, ମାଇକେଲ୍ ବ୍ରେସୱେଲ୍, କ୍ରିଷ୍ଟିଆନ୍ କ୍ଲାର୍କ, ଜାକବ୍ ଡଫି, ମ୍ୟାଟ୍ ଫିସର୍, ଡିନ୍ ଫକ୍ସକ୍ରଫ୍ଟ, ମିଚ୍ ହେ (ୱିକେଟକିପର), ମ୍ୟାଟ୍ ହେନରୀ, କାଇଲ୍ ଜାମିସନ୍, ନିକ୍ କେଲି, ବ୍ରେଟ୍ ରାଣ୍ଡେଲ୍, ଟିମ୍ ସେଫର୍ଟ ଏବଂ ୱିଲ୍ ୟଙ୍ଗ
ପଞ୍ଚମ ଦିନିକିଆ ପାଇଁ ନ୍ୟୁଜିଲ୍ୟାଣ୍ଡ: ମିଚେଲ୍ ସାଣ୍ଟନର (ଅଧିନାୟକ), ଫିନ୍ ଆଲେନ୍, ମାଇକେଲ୍ ବ୍ରେସୱେଲ୍, କ୍ରିଷ୍ଟିଆନ୍ କ୍ଲାର୍କ, ଜୋଶ୍ କ୍ଲାର୍କସନ୍, ଜାକବ୍ ଡଫି, ମ୍ୟାଟ୍ ଫିଶର୍, ଡିନ୍ ଫକ୍ସକ୍ରଫ୍ଟ, ମିଚ୍ ହେ (ୱିକେଟକିପର), ନିକ୍ କେଲି, ବ୍ରେଟ୍ ରାଣ୍ଡେଲ୍, ଟିମ୍ ସେଫର୍ଟ, ବ୍ଲେୟାର ଟିକନର ଏବଂ ୱିଲ୍ ୟଙ୍ଗ
ଶେଷ ୨ଟି ଦିନିକିଆ ପାଇଁ ଭାରତ: ଶ୍ରେୟସ୍ ଆୟର (ଅଧିନାୟକ), ରୋହିତ ଶର୍ମା, ବିରାଟ କୋହଲି, ତିଲକ ବର୍ମା, ଈଶାନ କିଶନ (ୱିକେଟ୍ ରକ୍ଷକ ଏବଂ ଉପଅଧିନାୟକ), ନୀତୀଶ କୁମାର ରେଡ୍ଡୀ, ଅକ୍ଷର ପଟେଲ, ନମନ ଧୀର, ଆକିବ ନବି, ଗୁରୁନୁର ବ୍ରାର୍, ରୁତୁରାଜ ଗାଏକ୍ବାର୍ଡ, ଅର୍ଶଦୀପ ସିଂହ, କୁମାର କୁଶାଗ୍ରେ, ମହମ୍ମଦ ସିରାଜ, ୟଶ ଠାକୁର ଏବଂ କୁଲଦୀପ ଯାଦବ
