Arrested: ଗୌହାଟୀ ବିଶ୍ୱବିଦ୍ୟାଳୟ ଛାତ୍ରୀଙ୍କ ମୃତ୍ୟୁ, ପ୍ରେମିକ ଗିରଫ

ଏହି ଘଟଣାରେ ନିମିଷାଙ୍କ ସହ ହୋମ୍‌ଷ୍ଟେରେ ରହୁଥିବା ୨୬ ବର୍ଷୀୟ ଆସିକ୍‌ ଅଲିଙ୍କୁ ପୁଲିସ ଗିରଫ କରିଛି। ତାଙ୍କ ବିରୋଧରେ ଭାରତୀୟ ନ୍ୟାୟ ସଂହିତାର ଅପହରଣ ସଦୃଶ ଅବୈଧ ଅଟକ, ଗୁରୁତର ଆଘାତ, ଗଣଦୁଷ୍କର୍ମ ଓ ହତ୍ୟା ସମ୍ପର୍କିତ ଧାରାରେ ମାମଲା ରୁଜୁ ହୋଇଥିବା ଜଣାପଡ଼ିଛି। ଆସିକ୍‌ ପୁଲିସକୁ ନିମିଷା ଆତ୍ମହତ୍ୟାକରିଥିବା କହିଥିଲେ। ତେବେ ତାଙ୍କର ଏହି ଦାବିକୁ ପୁଲିସ ଏପର୍ଯ୍ୟନ୍ତ ସତ୍ୟ ବୋଲି ଗ୍ରହଣ କରିନାହିଁ। ଘଟଣାର ସମସ୍ତ ଦିଗରୁ ତଦନ୍ତ ଚାଲିଛି। ନିମିଷାଙ୍କ ପରିବାରର କହିବା ଅନୁସାରେ, ସେପ୍ଟେମ୍ବର ୨୫ ସନ୍ଧ୍ୟା ପ୍ରାୟ ୫ଟାରେ ସେ ଘରୁ ବାହାରିଥିଲେ। ସାଙ୍ଗମାନଙ୍କ ସହ ଗୌହାଟୀ ବିଶ୍ୱବିଦ୍ୟାଳୟ ହଷ୍ଟେଲ୍‌ରେ ରାତି କାଟିବେ ବୋଲି ମା’ଙ୍କୁ କହିଥିଲେ। ରାତି ପ୍ରାୟ ୧୦ଟାରେ ମଧ୍ୟ ସେ ଏହି କଥା କହିଥିଲେ। କିନ୍ତୁ ଶନିବାର ଭୋର ପ୍ରାୟ ୨ଟାରେ ମା’ଙ୍କୁ ଫୋନ୍‌ କରି ତାଙ୍କୁ ମାଡ଼ ମରାଯାଉଥିବା ଓ ସେ ଆହତ ହୋଇଥିବା କହିଥିବା ନିମିଷାଙ୍କ ବାପା ଦୀପ ଠାକୁରିଆ କହିଛନ୍ତି। ଏହାପରେ ତାଙ୍କ ଫୋନ୍‌ ବନ୍ଦ ହୋଇଯାଇଥିଲା। ପରିବାର ଆଜାରା ଥାନାରେ ଯୋଗାଯୋଗ କରି ତାଙ୍କ ଠିକଣା ଖୋଜିବାକୁ ସହାୟତା ମାଗିଥିଲେ।