Sergio Gor: ୨୮ ସଦସ୍ୟ ବିଶିଷ୍ଟ ଆମେରିକୀୟ ପ୍ରତିନିଧିଦଳ ବି ସାମିଲ ‘ଖଲିସ୍ତାନ ଜିନ୍ଦାବାଦ’ ନାରା

ଗୋର୍‌ଙ୍କ ଦର୍ଶନ ସମୟରେ ଶ୍ରୀହରିମନ୍ଦିର ସାହିବର ମୁଖ୍ୟ ପ୍ରବେଶଦ୍ୱାର ବାହାରେ କେତେକ ଲୋକ ପ୍ରଦର୍ଶନ କରିଥିଲେ। ଶିରୋମଣି ଅକାଳୀ ଦଳ ଅମୃତସରର କାର୍ଯ୍ୟକାରୀ ଅଧ୍ୟକ୍ଷ ଇମାନ ସିଂହ ମାନ ଦଳୀୟ କର୍ମୀଙ୍କ ସହ ସେଠାରେ ପହଞ୍ଚିଥିଲେ। ପ୍ରଦର୍ଶନକାରୀମାନେ କିଛି ସମୟ ପାଇଁ ‘ଖଲିସ୍ତାନ ଜିନ୍ଦାବାଦ’ ଓ ‘ଗଡ୍ ବ୍ଲେସ୍ ଆମେରିକା’ ନାରା ଦେଇଥିଲେ। ପରେ ସୁରକ୍ଷାକର୍ମୀମାନେ ଭିଡ଼କୁ ସେଠାରୁ ହଟାଇ ସ୍ଥିତି ନିୟନ୍ତ୍ରଣକୁ ଆଣିଥିଲେ। ଗୋର୍‌ଙ୍କ ଗସ୍ତକୁ ନେଇ ଅମୃତସରରେ ପୂର୍ବରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା। ପୁଲିସ ଅନୁସାରେ, ଶ୍ରୀହରିମନ୍ଦିର ସାହିବ ଭିତର ଓ ବାହାରେ ପ୍ରାୟ ୧୫୦ ଜଣ ସାଧା ପୋଷାକଧାରୀ ଓ ୟୁନିଫର୍ମଧାରୀ ପୁଲିସକର୍ମୀ ମୁତୟନ ହୋଇଥିଲେ। ଗସ୍ତ ସମୟରେ ସୁରକ୍ଷା ଓ ଆଇନଶୃଙ୍ଖଳା ବଜାୟ ରଖିବା ପାଇଁ ସହରର ବିଭିନ୍ନ ସ୍ଥାନରେ ମଧ୍ୟ ଅତିରିକ୍ତ ବ୍ୟବସ୍ଥା ହୋଇଥିଲା।