Asian Para Games: ୬ ବର୍ଷ ବୟସରେ ହାତ କଟିଥିଲା, ଡବଲ୍ ସ୍ୱର୍ଣ୍ଣ ପଦକ ଜିତି ଇତିହାସ ରଚିଲେ ନିଶାଦ
ନୂଆଦିଲ୍ଲୀ,୨୧/୧୦: ଭାରତୀୟ ପାରା ଆଥଲେଟ୍ ନିଶାଦ କୁମାର ଏସୀୟ ପାରା ଗେମ୍ସରେ ଐତିହାସିକ ପ୍ରଦର୍ଶନ କରି ଇତିହାସର ପୃଷ୍ଠାରେ ନିଜ ନାମ ପଞ୍ଜିକରଣ କରିଛନ୍ତି । ପୁରୁଷ ହାଇଜମ୍ପ ଟି-୪୭ ଇଭେଣ୍ଟରେ ନିଶାଦ ନୂଆ ଗେମ୍ସ ରେକର୍ଡ ସହ ଶୀର୍ଷ ସ୍ଥାନ ହାସଲ କରି ସ୍ୱର୍ଣ୍ଣ ପଦକ ଜିତିଛନ୍ତି । ଏହା ପୂର୍ବରୁ ସେ ସୋମବାର ପୁରୁଷ ଲଙ୍ଗଜମ୍ପ ଟି-୪୭ ଇଭେଣ୍ଟରେ ସ୍ୱର୍ଣ୍ଣ ପଦକ ଜିତିଥିଲେ । ଏହି ସ୍ୱର୍ଣ୍ଣିମ ସଫଳତା ସହିତ ନିଶାଦ କୁମାର ତୃତୀୟ ଭାରତୀୟ ଆଥଲେଟ୍ ଭାବେ ଏସୀୟ ପାରା ଗେମ୍ସର ଗୋଟିଏ ସଂସ୍କରଣରେ ଦୁଇଟି ସ୍ୱର୍ଣ୍ଣ ପଦକ ଜିତିଛନ୍ତି ।
୨.୦୪ ମିଟରର ଐତିହାସିକ ଲମ୍ଫ- ମଙ୍ଗଳବାର ଅନୁଷ୍ଠିତ ପୁରୁଷ ହାଇଜମ୍ପ ଟି୪୭ ପ୍ରତିଯୋଗିତାରେ ନିଶାଦ କୁମାରଙ୍କ ପ୍ରଦର୍ଶନ ଅତୁଳନୀୟ ଥିଲା । ସେ କେବଳ ସ୍ୱର୍ଣ୍ଣପଦକ ଜିତିନାହାନ୍ତି ବରଂ ୨.୦୪ ମିଟର ଉଚ୍ଚତା ଅତିକ୍ରମ କରି ନୂଆ କ୍ରୀଡ଼ା ରେକର୍ଡ ମଧ୍ୟ ସ୍ଥାପନ କରିଛନ୍ତି । ଟି୪୭ ବର୍ଗ ପାରା-ଆଥଲେଟମାନଙ୍କ ପାଇଁ ଉଦ୍ଦିଷ୍ଟ, ଯେଉଁମାନଙ୍କର ଅଙ୍ଗ ଯେପରି ହାତ କିମ୍ବା ଗୋଡ)ରେ କୌଣସି ସମସ୍ୟା ରହିଛି । ଲଗାତାର ଦୁଇ ଦିନ ମଧ୍ୟରେ ଦୁଇଟି ଭିନ୍ନ ଜମ୍ପ ଇଭେଣ୍ଟରେ ସ୍ୱର୍ଣ୍ଣ ଜିତି ସେ ନିଜର ପ୍ରତିଭା ପ୍ରମାଣ କରିଛନ୍ତି ।
ସୌଜନ୍ୟ ପ୍ରମେୟ
