BJP: ମତଦାନ ବେଳେ ବଡ଼ ଧରଣର ନିର୍ବାଚନୀ ଅନିୟମିତତା, ପଦ୍ମ ଚିହ୍ନ ଉପରେ ଟେପ୍ ଲଗାଇ ଭୋଟରଙ୍କୁ ରୋକାଯାଉଥିବା ଅଭିଯୋଗ
କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ୱିତୀୟ ତଥା ଚୂଡ଼ାନ୍ତ ପର୍ଯ୍ୟାୟ ମତଦାନ ଚାଲିଥିବା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ଅଭିଷେକ ବାନାର୍ଜୀଙ୍କ ଗଡ଼ କୁହାଯାଉଥିବା ଡାଇମଣ୍ଡ ହାର୍ବରର ଫାଲଟା ନିର୍ବାଚନ ମଣ୍ଡଳୀରେ ବ୍ୟାପକ ନିର୍ବାଚନୀ ଅନିୟମିତତା ହୋଇଥିବା ବିଜେପି ଅଭିଯୋଗ କରିଛି। ବିଜେପିର ଦାବି ଅନୁଯାୟୀ, ଅନେକ ବୁଥରେ ଇଭିଏମରେ ଥିବା ”ପଦ୍ମ” ଚିହ୍ନକୁ ଟେପ୍ ଲଗାଇ ବନ୍ଦ କରିଦିଆଯାଇଛି, ଯାହାଫଳରେ ଭୋଟରମାନେ ସେମାନଙ୍କର ଗଣତାନ୍ତ୍ରିକ ଅଧିକାର ସାବ୍ୟସ୍ତ କରିବାରେ ବଞ୍ଚିତ ହେଉଛନ୍ତି।
ପୁନଃ ମତଦାନ ପାଇଁ ବିଜେପି କରିଛି ଦାବି
ବିଜେପି ଆଇଟି ସେଲ୍ ମୁଖ୍ୟ ଅମିତ ମାଲବ୍ୟ ଏକ ଭିଡିଓ ସୋସିଆଲ ମିଡିଆରେ ପୋଷ୍ଟ କରି ଏହାକୁ କୁଖ୍ୟାତ “ଡାଇମଣ୍ଡ ହାର୍ବର ମଡେଲ” ବୋଲି କହିଛନ୍ତି ଏବଂ ଏହି ସମାନ ରଣନୀତି ପ୍ରୟୋଗ କରି ଅଭିଷେକ ବାନାର୍ଜୀ ପୂର୍ବରୁ ନିଜର ସଂସଦୀୟ ଆସନ ସୁରକ୍ଷିତ କରିଥିଲେ ବୋଲି ମଧ୍ୟ ସାଂଘାତିକ ଅଭିଯୋଗ ଆଣିଛନ୍ତି । ଏହା ସହ ପ୍ରଭାବିତ ସମସ୍ତ ବୁଥରେ ପୁନଃ ମତଦାନ ପାଇଁ ବିଜେପି ଦାବି କରିଛି।
ଅନ୍ୟପକ୍ଷରେ, ଟିଏମସି ମୁଖପାତ୍ର ରିଜୁ ଦତ୍ତ ଏହି ଅଭିଯୋଗକୁ ପ୍ରତ୍ୟାଖ୍ୟାନ କରି କହିଛନ୍ତି ଯେ, ଯଦି ଇଭିଏମରେ କୌଣସି ତ୍ରୁଟି ଅଛି, ତେବେ ଏଥିପାଇଁ ନିର୍ବାଚନ କମିଶନ ଏବଂ ପୋଲିସ ପର୍ଯ୍ୟବେକ୍ଷକ ଅଜୟ ପାଲ୍ ଶର୍ମା ଦାୟୀ। ସେ କଟାକ୍ଷ କରି କହିଛନ୍ତି ଯେ, ବିଜେପି ନିଜର ପରାଜୟ ସୁନିଶ୍ଚିତ ଜାଣି ଏବେ ମିଛ ଅଭିଯୋଗର ସହାରା ନେଉଛି। ଏହି ବୈଚାରିକ ଯୁଦ୍ଧ ମଧ୍ୟରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ମନୋଜ ଅଗ୍ରୱାଲ ସ୍ପଷ୍ଟ କରିଛନ୍ତି ଯେ, ଯେଉଁଠାରୁ ଅଭିଯୋଗ ଆସୁଛି ସେଠାରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।
ସୌଜନ୍ୟ ସମ୍ବାଦ
