ambulance workers strike ଭଦ୍ରକରେ ଅଟକିଲା ୧୦୮ ଆମ୍ବୁଲାନ୍ସ ସେବା, ଆନ୍ଦୋଳନକୁ ଓହ୍ଲାଇଲେ କର୍ମଚାରୀ
ବିଭିନ୍ନ ଦାବି ନେଇ ଭଦ୍ରକରେ ଆମ୍ବୁଲାନ୍ସ କର୍ମଚାରୀମାନେ ସେବା ବନ୍ଦ କରି ଧାରଣାରେ ବସିଛନ୍ତି। କମ୍ ଦରମା, ଅଧିକ କାର୍ଯ୍ୟଚାପ ଓ କଲ୍ୟାଣମୂଳକ ସୁବିଧା ଅଭାବକୁ ନେଇ ସେମାନେ ଅସନ୍ତୋଷ ପ୍ରକାଶ କରିଛନ୍ତି।
ଭଦ୍ରକ(ହରିହର ନାୟକ): ବିଭିନ୍ନ ଦାବି ନେଇ ଆଜି (ଶୁକ୍ରବାର) ଭଦ୍ରକ ଆମ୍ବୁଲାନ୍ସ ସେବା ଅଟକି ଯାଇଛି। ସମସ୍ୟାର ତୁରନ୍ତ ସମାଧାନ ଦାବିରେ ଆମ୍ବୁଲାନ୍ସ କର୍ମଚାରୀମାନେ ଆମ୍ବୁଲାନ୍ସ ଚଳାଇବା ବନ୍ଦ କରି ଚିକିତ୍ସାଳୟ ସମ୍ମୁଖରେ ଧାରଣା ଦେଇଛନ୍ତି।
କିଛି ଘଣ୍ଟା ପରେ ସିଡିଏମଓ ଧାରଣାସ୍ଥଳକୁ ଆସି କର୍ମଚାରୀଙ୍କ ସହ ଆଲୋଚନା କରିଥିଲେ। ଯେଉଁ କମ୍ପାନୀ ଅଧୀନରେ ଆମ୍ବୁଲାନ୍ସ କର୍ମଚାରୀ ମାନେ ନିଯୁକ୍ତି ପାଇଛନ୍ତି ସେହି କମ୍ପାନୀ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ।
କର୍ମଚାରୀଙ୍କ ଅଭିଯୋଗ କରିଛନ୍ତି, କର୍ମଚାରୀଙ୍କ ଉପରେ ଅଧିକ କାମ କରିବାର ଚାପ ଦିଆଯାଉଛି, କିନ୍ତୁ ତାତୁଳନାରେ ଦରମା କମ ଦିଆଯାଉଛି। କର୍ମଚାରୀଙ୍କର ସ୍ୱାସ୍ଥ୍ୟ ସମସ୍ୟା ଓ ଦୁର୍ଘଟଣା ହେଲେ କମ୍ପାନୀ କର୍ତ୍ତୃପକ୍ଷ ବିଶେଷ ଭାବରେ କିଛି ସହଯୋଗ ଓ ସାହାଯ୍ୟ କରୁ ନାହାନ୍ତି। ଆମ୍ବୁଲାନ୍ସ କର୍ମଚାରୀ ସଂଘର ସମସ୍ୟା ସମ୍ପର୍କରେ ଦୃଷ୍ଟି ଦିଆନଗଲେ ଆଗାମୀ ଦିନରେ ଆନ୍ଦୋଳନ ଆହୁରି ଜୋରଦାର କରାଯିବ ବୋଲି ଚେତାବନୀ ଦିଆଯାଇଛି।
ସୌଜନ୍ୟ ସମ୍ବାଦ
