CJP Protest: ୧୧୮ ପୁଲିସ କର୍ମଚାରୀ ଆହତ, ୭୮ ଜଣ ପ୍ରଦର୍ଶନକାରୀ ଅଟକ

ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀରେ ପ୍ରଦର୍ଶନକାରୀ ଏବଂ ସୁରକ୍ଷା କର୍ମୀଙ୍କ ମଧ୍ୟରେ ସୋମବାର ଦିନ ତମାମ ସଂଘର୍ଷରେ ୧୦୦ରୁ ଅଧିକ ପୁଲିସ କର୍ମଚାରୀ ଏବଂ ବିକ୍ଷୋଭକାରୀ ଆହତ ହୋଇଛନ୍ତି। ଦିଲ୍ଲୀ ପୁଲିସ ଅନୁଯାୟୀ ଅଞ୍ଚଳରେ ‘ସିଜେପି’ର ପ୍ରତିବାଦ ସମୟରେ ପରିସ୍ଥିତି ଅଣାୟତ୍ତ ହୋଇଥିଲା। ପ୍ରତିବାଦକାରୀମାନଙ୍କୁ ବାରମ୍ବାର ବୁଝାସୁଝା କରାଯାଇଥିଲା ଏବଂ ଘଉଡ଼ାଇବାକୁ କୁହାଯାଇଥିଲା। କିନ୍ତୁ ସେମାନେ ଶୁଣିବାକୁ ମନା କରିଦେଇଥିଲେ ଏବଂ ସେଠାରେ ଥିବା ନିଷିଦ୍ଧ ନିର୍ଦ୍ଦେଶକୁ ଉଲ୍ଲଂଘନ କରିଥିଲେ।

ପୁଲିସ ଦାବି କରିଛି ଯେ ପ୍ରତିବାଦକାରୀମାନେ ବ୍ୟାରିକେଡ୍ ଭାଙ୍ଗିବାକୁ ଚେଷ୍ଟା କରିଥିଲେ। ପୁଲିସ କର୍ମଚାରୀଙ୍କ ଉପରେ ପଥର ଏବଂ ଅନ୍ୟାନ୍ୟ ଜିନିଷ ଫିଙ୍ଗିଥିଲେ। ସରକାରୀ ଯାନବାହାନ ଭଙ୍ଗାରୁଜା କରିଥିଲେ ଏବଂ ହିଂସାକାଣ୍ଡ ଘଟାଇଥିଲେ, ଯାହା ଆଇନ ଶୃଙ୍ଖଳା ଏବଂ ସୁରକ୍ଷାକୁ ପ୍ରଭାବିତ କରିଥିଲା।

୧୧୮ ଜଣ ପୁଲିସ କର୍ମଚାରୀ ଆହତ
ପୁଲିସ ଅନୁଯାୟୀ ଏହି ସଂଘର୍ଷରେ ୧୧୮ରୁ ଅଧିକ ପୁଲିସ କର୍ମଚାରୀ ଆହତ ହୋଇଛନ୍ତି, ଯେଉଁଥିରେ ସ୍ପେଶାଲ୍ ସିପି, ଜଏଣ୍ଟ ସିପି, ଅତିରିକ୍ତ ସିପି, ଡିସିପି, ଅତିରିକ୍ତ ଡିସିପି ଏବଂ ଏସିପି ପଦାଧିକାରୀ ମଧ୍ୟ ସାମିଲ ଅଛନ୍ତି। ଅନେକ ମହିଳା ପୁଲିସ ଅଧିକାରୀ ମଧ୍ୟ ଆହତ ହୋଇଛନ୍ତି। ପ୍ରାୟ ୬୦ ଜଣ ପ୍ରତିବାଦକାରୀ ମଧ୍ୟ ଆହତ ହୋଇଥିବା ଜଣାପଡ଼ିଛି। ଆହତ ପୁଲିସ କର୍ମଚାରୀଙ୍କୁ ଚିକିତ୍ସା କରାଯାଉଛି। ପୁଲିସ କହିଛି ଯେ ପ୍ରତିବାଦ ସମୟରେ ୧୫ରୁ ୨୦ ସରକାରୀ ଯାନ ଏବଂ ଅନ୍ୟାନ୍ୟ ସରକାରୀ ସମ୍ପତ୍ତି କ୍ଷତିଗ୍ରସ୍ତ ହୋଇଛି।

ସୌଜନ୍ୟ ସମ୍ବାଦ