Sikkim Tunnel Landslide: ସିକ୍କିମ ଭୂସ୍ଖଳନରେ ୭ ଜଣଙ୍କ ମୃତ୍ୟୁ, ଟନେଲରେ ଫସିଛନ୍ତି ୨୭ ଶ୍ରମିକ
ସିକ୍କିମରେ ବଡ଼ ଦୁର୍ଘଟଣା । ନାମଚି ଜିଲ୍ଲାରେ ଏକ ନିର୍ମାଣାଧୀନ ଟନେଲ ବାହାରେ ଭୂସ୍ଖଳନ ଯୋଗୁଁ ୨୭ ଜଣ ଶ୍ରମିକ ଭିତରେ ଫସି ରହିଛନ୍ତି । ଫସି ରହିଥିବା ଶ୍ରମିକମାନଙ୍କୁ ଉଦ୍ଧାର ଅଭିଯାନ ଜାରି ରହିଛି । ସୂଚନା ଅନୁଯାୟୀ, ଜିଲ୍ଲା ପ୍ରଶାସନ ସାତ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରିଛି।
ଗାଙ୍ଗଟକ୍: ସିକ୍କିମରେ ବଡ଼ ଦୁର୍ଘଟଣା । ସିକ୍କିମର ନାମଚି ଜିଲ୍ଲାରେ ଏକ ନିର୍ମାଣାଧୀନ ଟନେଲ ବାହାରେ ଭୂସ୍ଖଳନ ଯୋଗୁଁ ୨୭ ଜଣ ଶ୍ରମିକ ଭିତରେ ଫସି ରହିଛନ୍ତି । ଫସି ରହିଥିବା ଶ୍ରମିକମାନଙ୍କୁ ବାହାର କରିବା ଉଦ୍ଧାର ଅଭିଯାନ ଜାରି ରହିଛି । ସୂଚନା ଅନୁଯାୟୀ, ଜିଲ୍ଲା ପ୍ରଶାସନ ସାତ ଜଣଙ୍କର ମୃତ୍ୟୁ ହୋଇଥିବା ନିଶ୍ଚିତ କରିଛି।
କୁହାଯାଉଛି ଯେ ଟନେଲ ଭିତରେ ମିଥେନ୍ ଗ୍ୟାସ୍ ଥିବା ଆଶଙ୍କା କରାଯାଉଛି । ଏହି କାରଣରୁ ଉଦ୍ଧାର କାର୍ଯ୍ୟରେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି। ଗ୍ୟାସର ସମ୍ଭାବ୍ୟ ପ୍ରଭାବ ଯୋଗୁଁ ଅନେକ ଉଦ୍ଧାରକାରୀ କର୍ମଚାରୀଙ୍କ ସ୍ୱାସ୍ଥ୍ୟାବସ୍ଥା ମଧ୍ୟ ବିଗିଡି ଯାଇଥିବା ସୂଚନା ମିଳିଛି । ଏହି ସମୟରେ, ନାମଚି ଜିଲ୍ଲା ପ୍ରଶାସନ NHPC ଅଧିକାରୀ, SDRF, NDRF, ସିକ୍କିମ ପୁଲିସ, ଅଗ୍ନିଶମ ଏବଂ ଜରୁରୀକାଳୀନ ସେବା, ସ୍ୱାସ୍ଥ୍ୟ ବିଭାଗ ଏବଂ ଅନ୍ୟାନ୍ୟ ସମ୍ପୃକ୍ତ ବିଭାଗ ସହିତ ମିଶି କ୍ରମାଗତ ଭାବରେ ଉଦ୍ଧାର ଅଭିଯାନ ଚଳାଇଛନ୍ତି। SSDMA ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି ।
ସୌଜନ୍ୟ ସମ୍ବାଦ
