Flood: ରାତି ବଢ଼ିଲେ ଦୁଃଖ ବଢ଼ୁଛି: ନଦୀବନ୍ଧ ରାସ୍ତାରେ ୫ଶହ ପରିବାର, ମଣିଷ-ପଶୁ ଗୋଟିଏ ପାଲ ତଳେ
ବୈତରଣୀ ଓ ଏହାର ଶାଖା କାଣୀ ନଦୀରେ ବନ୍ୟା ପରେ ଲୋକଙ୍କ ଦୁର୍ଦଶା ବଢ଼ିବାରେ ଲାଗିଛି। ରାତିର ଅନ୍ଧକାରରେ ନଦୀବନ୍ଧ ଉପରେ ଶହଶହ ଲୋକ ଆଶ୍ରୟ ନେବା ସହ ଗାଈଗୋରୁ ଓ ମଣିଷ ଗୋଟିଏ ଜାଗାରେ ଶୋଇଥିବା ଦେଖିବାକୁ ମିଳିଛି।
ଗ୍ରାଉଣ୍ଡ ଜିରୋରୁ ଚନ୍ଦ୍ରଶେଖର ସାହୁ
ଦଶରଥପୁର: ବୈତରଣୀ ଓ ଏହାର ଶାଖା କାଣୀ ନଦୀରେ ବନ୍ୟା ପରେ ଲୋକଙ୍କ ଦୁର୍ଦଶା ବଢ଼ିବାରେ ଲାଗିଛି। ରାତିର ଅନ୍ଧକାରରେ ନଦୀବନ୍ଧ ଉପରେ ଶହଶହ ଲୋକ ଆଶ୍ରୟ ନେବା ସହ ଗାଈଗୋରୁ ଓ ମଣିଷ ଗୋଟିଏ ଜାଗାରେ ଶୋଇଥିବା ଦେଖିବାକୁ ମିଳିଛି। ଯାଜପୁରଜିଲ୍ଲା ଦଶରଥପୁର ବ୍ଲକ୍ର କସପା ଓ ତରପଦା ପଞ୍ଚାୟତର ଅଧିକାଂଶ ଗାଁ ପାଣି ଘେରରେ ରହିଛି। ଦୁଇ ପଞ୍ଚାୟତର ୫୦୦ ପରିବାରର ପ୍ରାୟ ୧୫୦୦ ଲୋକ ବନ୍ଧ ଉପରେ ଅଛନ୍ତି। ନଦୀବନ୍ଧର ଦୁଇ ପାର୍ଶ୍ୱରେ ବନ୍ୟା ପାଣି। ବାମପାର୍ଶ୍ୱରେ ନଦୀ ଏବଂ ଡାହାଣ ପାର୍ଶ୍ୱରେ ଘାଇରୁ ନିଷ୍କାସନ ହେଉଥିବା ବନ୍ୟାଜଳ।
ମଣିଷ-ପଶୁ ଗୋଟିଏ ପାଲ ତଳେ
ସବୁଆଡ଼େ ଅନ୍ଧାର, ସରୀସୃପଙ୍କ ଭୟ
ଏହାଛଡ଼ା ବିଷଧର ସାପ ଭୟକୁ ଆଲୋକ ସମସ୍ୟା। ରୋଗୀଙ୍କଠାରୁ ଆରମ୍ଭ କରି ଛୋଟପିଲା, ଗର୍ଭବତୀଙ୍କ ସହ ଗୋଟିଏ ସ୍ଥାନରେ ଗୃହପାଳିତ ପ୍ରାଣୀଙ୍କୁ ରହିବାକୁ ପଡୁଛି। କିଛି ପରିବାର ସର୍ବସ୍ୱାନ୍ତ ହେବା ପରେ ଜୀବନ ବଞ୍ଚାଇବା ସବୁଠାରୁ ବଡ଼ ଆହ୍ବାନ ହୋଇଛି। ବୈତରଣୀ ଓ କାଣୀ ନଦୀବନ୍ଧର ଦୁଇ କିଲୋମିଟର ଅଞ୍ଚଳରେ ଶହଶହ ପରିବାର ରହୁଥିବା ଦେଖିବାକୁ ମିଳିଛି। ରନ୍ଧାଖାଦ୍ୟ ମିଳିବାରେ ସମସ୍ୟା ଥିବାବେଳେ ରିଲିଫ ସାମଗ୍ରୀ ମଧ୍ୟ ମିଳୁନଥିବା ଅଭିଯୋଗ ହୋଇଛି। ଏହାରି ଭିତରେ ମଝିରେ ମଝିରେ ଅସରାଏ ବର୍ଷା ଚିନ୍ତା ବଢ଼ାଉଛି।
ସୌଜନ୍ୟ ସମ୍ବାଦ
