ସଲମାନଙ୍କୁ ବ୍ୟାଡ୍‌ ବୟ, ଶାହାରୁଖ ଜେଣ୍ଟଲମ୍ୟାନ୍‌… କାହିଁକି ଏମିତି କହିଲେ ଅର୍ଶଦ ଓ୍ୱାରସୀ

ନୂଆଦିଲ୍ଲୀ ୨୯।୧୨; ବଲିଉଡ ଅଭିନେତା ଅର୍ଶଦ ୱାରସୀ ପ୍ରାୟ ୩୦ ବର୍ଷ ଧରି ଇଣ୍ଡଷ୍ଟ୍ରିର ଅଂଶ ହୋଇ ଅଛନ୍ତି। ସେ ଅନେକ ବଡ଼ ତାରକାଙ୍କ ସହିତ ଫିଲ୍ମରେ କାମ କରିଛନ୍ତି। ଏହି ଅଭିନେତା ତାଙ୍କର କମେଡି ଅନ୍ଦାଜ ପାଇଁ ପ୍ରସିଦ୍ଧ। ସେ “ଗୋଲମାଲ” ଏବଂ “ଧମାଲ” ଭଳି ଦମ୍ଦାର ଫିଲ୍ମ ଫ୍ରାଞ୍ଚାଇଜରେ କାମ କରିଛନ୍ତି। ଯାହା ଆଜି ସବୁଠାରୁ ଲୋକପ୍ରିୟ ଫିଲ୍ମ ମଧ୍ୟରୁ ଗୋଟିଏ। ଅର୍ଶଦ ବଲିଉଡର ଦୁଇ ସୁପରଷ୍ଟାର, ସଲମାନ ଖାନ ଏବଂ ଶାହରୁଖ ଖାନଙ୍କ ସହ ମଧ୍ୟ କାମ କରିଛନ୍ତି। ଏବେ ସେ ଖୁବ୍ ଶୀଘ୍ର ତାଙ୍କ ସହିତ “କିଙ୍ଗ” ରେ ନଜର ଆସିବେ।

ହେଲେ ନିକଟରେ ଏକ ସାକ୍ଷାତକାରରେ, ଅର୍ଶଦ ଉଭୟ ସୁପରଷ୍ଟାରଙ୍କ ବିଷୟରେ ଖୁବ୍‌ ଆଲୋଚନା କରିଥିଲେ। ଯେଉଁଥିରେ ଶାହରୁଖ ଏବଂ ସଲମାନଙ୍କ ବିଷୟରେ ପଚରାଗଲା, ସେ ପ୍ରଥମେ ଶାହରୁଖଙ୍କ ବିଷୟରେ କହିଥିଲେ, “ଶାହୁରୁଖ ତାଙ୍କ କଳାକୁ ବହୁତ ଭଲ ଭାବରେ ଜାଣନ୍ତି। ତାଙ୍କର ସେହି ପୁରୁଣା ଦିନର ଥିଏଟର ଅନ୍ଦାଜ ଏବଂ ସମସ୍ତ ଲାଇନ ଆଜି ବି ମନେ ଅଛି। ସେ ସବୁଠାରୁ ନମ୍ର ଏବଂ ଦାନଶୀଳ ଅଭିନେତା। ଏହା ବହୁତ ଭଲ ଲାଗେ। ମୁଁ ତାଙ୍କୁ କେବେ ଚିତ୍କାର କରିବା କି ରାଗିବାର ଦେଖିନାହିଁ। ତାଙ୍କ ସହିତ ମୋର ବହୁତ ନିକଟତର ସମ୍ପର୍କ। ଏତିକି ନୁହେଁ “ସୁହାନା ଏବଂ ଆର୍ଯ୍ୟନଙ୍କୁ ବହୁତ ଭଲ ଭାବରେ ପାଳିଛନ୍ତି। ସେମାନେ ବହୁତ ଭଲ ପିଲା। ଯେତେବେଳେ ମୋତେ କିଙ୍ଗ୍ ଫିଲ୍ମ ବିଷୟରେ କୁହାଗଲା, ମୁଁ ଗୋଟିଏ ସେକେଣ୍ଡରେ ରାଜି ହୋଇଗଲି। କାରଣ ମୁଁ ତାଙ୍କୁ ବହୁତ ଭଲ ପାଏ ଏବଂ ତାଙ୍କର ବଡ଼ ପ୍ରଶଂସକ। ତାଙ୍କ ସହ କାମ କରିବାରେ ମଜା ଆସେ ।

ଅର୍ଶଦ କାହିଁକି ସଲମାନଙ୍କୁ “ବ୍ୟାଡ୍ ବୟ” କହିଥିଲେ?

ସେହି ଆଲୋଚନାରେ ଅର୍ଶଦ ସଲମାନ ଖାନଙ୍କ ବିଷୟରେ ମଧ୍ୟ କହିଥିଲେ। ସେ ସୁପରଷ୍ଟାରଙ୍କ ବିଷୟରେ କହିଥିଲେ, “ସଲମାନ ଜଣେ ବ୍ୟାଡ ବୟ। ସେ କ୍ଲାସିକ୍ ହ୍ୟାଣ୍ଡସମ୍ ବ୍ୟାଡ୍ ବୟ। ଶାହରୁଖ ଜଣେ ଭଦ୍ରଲୋକ, ଟିକେ ଅଧିକ ସ୍ଥିର।” ଉଭୟଙ୍କ ମଧ୍ୟରେ କୌଣସି ଖରାପ ଗୁଣ ନାହିଁ। କିନ୍ତୁ ସଲମାନ ବ୍ୟକ୍ତିଗତ ଭାବରେ ସମ୍ପୂର୍ଣ୍ଣ ଭିନ୍ନ, ତାଙ୍କ ବାହ୍ୟ ସ୍ୱଭାବ ପରି ନୁହେଁ। ସର୍ବସାଧାରଣରେ ତାଙ୍କର ସ୍ଵାଗ୍ ଅଛି, କିନ୍ତୁ ଘରେ ସେ ବହୁତ ଭିନ୍ନ ବ୍ୟକ୍ତି। ସେ ବହୁତ ମଜା-ଥଟ୍ଟା କରନ୍ତି । ସମସ୍ତଙ୍କ ସହ ସାଙ୍ଗ ଭଳି ମିଶିି ଯାଆନ୍ତି ଅର୍ଶଦ ୱାରସୀଙ୍କ ପ୍ରୋଜେକ୍ଟ ବିଷୟରେ କହିବାକୁ ଗଲେ, ସେ ଖୁବ୍ ଶୀଘ୍ର “ଧମାଲ୍ ୪” ରେ ନଜର ଆସିବେ, ଯାହା ଆସନ୍ତା ବର୍ଷ ଇଦରେ ମୁକ୍ତିଲାଭ କରିବାର ଥିଲା। କିନ୍ତୁ, “ଧୁରନ୍ଧର ୨” ଏବଂ “ଟକ୍ସିକ” ଯୋଗୁଁ ଏହାକୁ ସ୍ଥଗିତ ରଖାଯାଇଥିଲା। ଏବେ ଦେଖିବାକୁ ବାକି ଅଛି ଯେ ଏହି ଫିଲ୍ମ କେବେ ମୁକ୍ତିଲାଭ କରିବ।

ସୌଜନ୍ୟ ସମ୍ବାଦ