India: ଡବ୍ଲ୍ୟୁଟିଓର ମନ୍ତ୍ରୀସ୍ତରୀୟ ସମ୍ମିଳନୀ: ଚୀନ ପ୍ରସ୍ତାବକୁ ଅଟକାଇଲା ଭାରତ

କାମେରୁନର ୟାଉଣ୍ଡେରେ ଚାଲିଥିବା ଡବ୍ଲ୍ୟୁଟିଓର ୧୪ତମ ମନ୍ତ୍ରୀସ୍ତରୀୟ ବୈଠକରେ ଯୋଗେଦଇଥିବା ଶିଳ୍ପ ଓ ବାଣିଜ୍ୟ ମନ୍ତ୍ରୀ ପୀୟୂଷ ଗୋୟଲ କହିଛନ୍ତ ଯେ ବିକାଶ ପାଇଁ ନିବେଶ ସୁବିଧା ଚୁକ୍ତିନାମାର ବିବାଦୀୟ ପ୍ରସଙ୍ଗ ବିରୋଧରେ ଭାରତ ଏକାକୀ ଠିଆ ହେବାର ସାହସ ଦେଖାଇଛି। ଆମେ ଏହାକୁ ଡବ୍ଲ୍ୟୁଟିଓ ଢାଞ୍ଚାରେ ଯୋଡ଼ିବାକୁ ଚାହୁନାହୁଁ ବୋଲି ସେ କହିଛନ୍ତି। ଚୀନ ନେତୃତ୍ବରେ ଏକ ଗୋଷ୍ଠୀ ଗଳାବାଟରେ ଏହି ବିବାଦୀୟ ପ୍ରସ୍ତାବକୁ ଡବ୍ଲ୍ୟୁଟିଓ ଢାଞ୍ଚାରେ ସାମିଲ କରିବାକୁ ଉଦ୍ୟମ କରୁଛନ୍ତି। ଏହି ପ୍ରସ୍ତାବ କେବଳ ସେହି ଦେଶମାନଙ୍କ ପାଇଁ ପଯୁର୍ଯ୍ୟ ଯେଉଁମାନେ ସେଥିରେ ସ୍ବାକ୍ଷର କରିଛନ୍ତି। ଚୀନ ଉପରେ ନିର୍ଭରଶୀଳ ଦେଶଗୁଡ଼ିକ ପ୍ରଥମେ ୨୦୧୭ରେ ଏହି ଚୁକ୍ତିର ପ୍ରସ୍ତାବ ଦେଇଥିଲେ। ଏହା ଏକ ବହୁପାକ୍ଷସକ ଚୁକ୍ତି। ୧୬୦ଟି ଦେଶ ମଧ୍ୟରୁ ୧୨୮ଟି ଦେଶ ଏଥିରେ ରାଜି ହୋଇଛନ୍ତି। ଏହା ଉପରେ ବିଶ୍ବ ବାଣିଜ୍ୟ ସଂଗଠନକୁ ସତର୍କ କରାଇ ଭାରତ କହିଛି ଯେ ଶୁଳ୍କକୁ ଯଥାର୍ଥ କିମ୍ବା ବୈଧ କରିବାର ଘରୋଇ ନୀତିକୁ ଚ୍ୟାଲେଞ୍ଜ କରିବା ପାଇଁ ଡବ୍ଲ୍ୟୁଟିଓର ସ୍ବଚ୍ଛତା ବ୍ୟବସ୍ଥାର ଅପବ୍ୟବହାର ନ କରାଯାଉ।