ପାର୍ଲେ କମ୍ପାନିର ଉପସଭାପତି ମୟଙ୍କ ଶାହ କହିଛନ୍ତି ଯେ ଏଲ୍‌ପିଜି ଯୋଗାଣରେ ଉନ୍ନତି ଆସିବା ଫଳରେ କାରଖାନାରେ ଉତ୍ପାଦନ ପୂର୍ବସ୍ଥିତିକୁ ଫେରୁଛି। ପ୍ୟାକେଜ୍‌ଡ ଫୁଡ୍‌କୁ ଅଗ୍ରାଧିକାର ବର୍ଗରେ ସାମିଲ କରିବା ପାଇଁ ସେ ସରକାରଙ୍କୁ ଅନୁରୋଧ କରିଛନ୍ତି। ଇପ୍ୟାକ୍‌ ଡ୍ୟୁରେବଲ୍ସର ମୁଖ୍ୟ କାର୍ଯ୍ୟନିର୍ବାହୀ ଅଜୟ ଡିଡି ସିଂଘାନିଆ ମଧ୍ୟ କହିଛନ୍ତି ଯେ କାରଖାନାରେ କାର୍ଯ୍ୟ କରିବା ପାଇଁ ଶ୍ରମଶକ୍ତିଙ୍କୁ ରଖିବା ବର୍ତ୍ତମାନ ସେତେଟା ଅସୁବିଧା ନାହିଁ । ଆମେ ସେମାନଙ୍କୁ ମିଲ୍‌ ଦେଉଛୁ କିମ୍ବା ରୋଷେଇ ପାଇଁ ବିକଳ୍ପ ସମାଧାନ ଯୋଗାଇ ଦେଉଛୁ। ତେବେ ଗତ ମାସକ ମଧ୍ୟରେ ଉତ୍ପାଦନରେ ଯେଉଁ କ୍ଷତି ହୋଇଛି ତାହା ଫେରିବନି। କ୍ୟାଣ୍ଟିନରେ ମିଲ୍‌ ଯୋଗାଇ ଦେବା ଫଳରେ ଅନେକ କାରଖାନାରେ କର୍ମଚାରୀଙ୍କ ଉପସ୍ଥାନ ବଢ଼ିଛି। ପୂର୍ବରୁ ଏଲ୍‌ପିଜି ଯୋଗାଣ ବନ୍ଦ ହେବା, କଳାବଜାରରେ ଏହାର ଦର ବଢ଼ିବା ଏବଂ ହୋଟେଲ, ରେସ୍ତୋରାଁ ଆଦି ବନ୍ଦ ହୋଇଯିବା ଦ୍ବାରା ପ୍ରବାସୀ ଶ୍ରମିକମାନେ ଘରକୁ ପଳାଇଥିଲେ।