MI vs KKR IPL 2026: ଆଇପିଏଲ୍ ୨୦୨୬ର ଦ୍ଵିତୀୟ ମ୍ୟାଚ୍ରେ ମୁହାଁମୁହିଁ ହୋଇଛନ୍ତି ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ୍ ରାଇଡର୍ସ। ବ୍ୟାଟିଂକୁ ସୁହାଉଥିବା ଓ୍ଵାଙ୍ଖେଡ଼େ ଷ୍ଟାଡିୟମ ପିଚରେ କୋଲକାତା ପ୍ରଥମେ ବ୍ୟାଟିଂ କରି ବିଶାଳ ସ୍କୋର କରିଛି। ଅଧିନାୟକ ଆଜିଙ୍କ୍ୟ ରାହାଣେଙ୍କ ୬୭ ରନ, ଅଙ୍ଗକୃଷ ରଘୁବଂଶୀଙ୍କ ୫୪ ରନ ବଳରେ କୋଲକାତା ୪ ଓ୍ଵିକେଟ୍ ହରାଇ ୨୨୦ ରନ କରିଛି। ଆଉ ମୁମ୍ବାଇ ସାମ୍ନାରେ ରହିଛି ୨୨୧ ରନର ବିଶାଳ ବିଜୟ ଲକ୍ଷ୍ୟ। ଫିନ ଆଲେନ ୩୭ ରନ କରିଥିବା ବେଳେ ରିଙ୍କୁ ସିଂ ୩୩ ରନ କରିଥିଲେ।
ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରି କୋଲକାତା ଭଲ ଆରମ୍ଭ କରିଥିଲା। ପାୱାରପ୍ଲେରେ, ଅର୍ଥାତ୍ ପ୍ରଥମ ଛଅ ଓଭରରେ ଦଳ ୧ ୱିକେଟ୍ ହରାଇ ୭୮ ରନ୍ କରିଥିଲା। ଓପନର ଦଳକୁ ଏକ ଦୃଢ଼ ଆରମ୍ଭ ଦେଇଥିଲେ। କୋଲକାତାର ଶେଷ ଭାଗ ମଧ୍ୟ ଭଲ ଥିଲା। ଇନିଂସର ଶେଷ ଦୁଇ ଓଭରରୁ ୨୧ ରନ୍ ଆସିଥିଲା। ରାହାଣେ ଆରମ୍ଭରେ ମୁମ୍ବାଇ ବୋଲରମାନଙ୍କୁ ଚାପରେ ରଖିଥିଲେ। ତା’ପରେ, ରଘୁବଂଶୀଙ୍କ ଚମତ୍କାର ବ୍ୟାଟିଂ ଦଳକୁ ୨୨୦ ରନ୍ ପର୍ଯ୍ୟନ୍ତ ପହଞ୍ଚାଇବାରେ ସାହାଯ୍ୟ କରିଥିଲା।
କେକେଆର୍ର ଇନିଂସ୍
କୋଲକାତା ପାଇଁ ରାହାଣେ ଏବଂ ଫିନ୍ ଆଲେନ୍ ପ୍ରଥମ ୱିକେଟ୍ ପାଇଁ ୬୯ ରନ୍ ଯୋଡ଼ିଥିଲେ, ଯେଉଁଥିରେ ଆଲେନ୍ ୩୭ ରନ୍ କରିଥିଲେ। ତା’ପରେ ଅଜିଙ୍କ୍ୟ ରାହାଣେ ଏବଂ କ୍ୟାମେରନ ଗ୍ରୀନ୍ ଦ୍ୱିତୀୟ ୱିକେଟ୍ ପାଇଁ ୨୧ ବଲରୁ ୪୦ ରନ୍ ଯୋଡ଼ିଥିଲେ। ରାହାଣେ ଅଙ୍ଗକୃଷ ରଘୁବଂଶୀଙ୍କ ସହିତ ତୃତୀୟ ୱିକେଟ୍ ପାଇଁ ୩୬ ରନ୍ ଯୋଡ଼ିଥିଲେ।
ତା’ପରେ ଅଙ୍ଗକୃଷ ରଘୁବଂଶୀ ରିଙ୍କୁ ସିଂହଙ୍କ ସହିତ ଚତୁର୍ଥ ୱିକେଟ ପାଇଁ ୬୦ ରନ (୩୦ ବଲ) ଯୋଡି ଦଳକୁ ଏକ ଭଲ ସ୍କୋରରେ ପହଞ୍ଚାଇବାରେ ସାହାଯ୍ୟ କରିଥିଲେ। ଉପ-ଅଧିନାୟକ ରିଙ୍କୁ ୨୧ ବଲରୁ ୪ ଚୌକା ସହାୟତାରେ ଅପରାଜିତ ୩୩ ରନ କରିଥିଲେ। ଶେଷରେ କୋଲକାତା ୪ ଓ୍ଵିକେଟ୍ ହରାଇ ୨୨୦ ରନ କରିଥିଲେ।
ସୌଜନ୍ୟ Prameya News7
-
-
-
-
-
