Network: ଆମେରିକାରେ ବ୍ୟାଙ୍କ ସେବା ଏବଂ ୟୁନାଇଟେଡ୍ ଏୟାରଲାଇନ୍ସ ନେଟୱାର୍କ ଠପ୍
ଇରାନ ସହ ଉତ୍ତେଜନା ବୃଦ୍ଧି ପାଉଥିବାବେଳେ ମଧ୍ୟବର୍ତ୍ତିକାଳୀନ ନିର୍ବାଚନର ଗ୍ଲାନି ଭୁଲିପାରିନଥିବା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାର ଏବେ ଏକ ନୂଆ ସମସ୍ୟାରେ ପଡ଼ିଛନ୍ତି। ଦେଶରେ ଗୋଟିଏ ପରେ ଗୋଟିଏ ଯାନ୍ତ୍ରିକ ବିଭ୍ରାଟ ଘଟିବାରେ ଲାଗିଛି।

ୱାସିଂଟନ: ଇରାନ ସହ ଉତ୍ତେଜନା ବୃଦ୍ଧି ପାଉଥିବାବେଳେ ମଧ୍ୟବର୍ତ୍ତିକାଳୀନ ନିର୍ବାଚନର ଗ୍ଲାନି ଭୁଲିପାରିନଥିବା ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାର ଏବେ ଏକ ନୂଆ ସମସ୍ୟାରେ ପଡ଼ିଛନ୍ତି। ଦେଶରେ ଗୋଟିଏ ପରେ ଗୋଟିଏ ଯାନ୍ତ୍ରିକ ବିଭ୍ରାଟ ଘଟିବାରେ ଲାଗିଛି। ପ୍ରଥମେ ମାଇକ୍ରୋସଫ୍ଟ ଭଳି ଏକ ବଡ଼ କମ୍ପାନିରେ ସମସ୍ୟା ସୃଷ୍ଟି ହୋଇଥିଲା। ଫଳରେ ବିଶ୍ୱସ୍ତରୀୟ କମ୍ପାନିଗୁଡ଼ିକର କାର୍ଯ୍ୟ ଠପ୍ ହୋଇ ଯାଇଛି। ଏହା ସହିତ ଫେଡେରାଲ୍ ଏଭିଏସନ୍ ଆଡମିନିଷ୍ଟ୍ରେସନ୍(ଏଫଏଏ)ର ବିମାନ ଟ୍ରାଫିକ୍ ନିୟନ୍ତ୍ରଣ ନେଟୱାର୍କରେ ଏକ ତ୍ରୁଟି ଯୋଗୁଁ ଦୁଇ ଦିନ ପାଇଁ ଆମେରିକାର ବିମାନ ଚଳାଚଳ ବାଧାପ୍ରାପ୍ତ ହୋଇଥିଲା। ଏବେ ବ୍ୟାଙ୍କ ସେବା ଏବଂ ୟୁନାଇଟେଡ୍ ଏୟାରଲାଇନ୍ସ ନେଟୱାର୍କ ପୁଣି ଥରେ ବାଧାପ୍ରାପ୍ତ ହୋଇଛି।
ଅନେକ ପ୍ରମୁଖ ଆମେରିକୀୟ ବ୍ୟାଙ୍କ ମଧ୍ୟ ସମସ୍ୟାର ସମ୍ମୁଖୀନ ହୋଇଛନ୍ତି। ଲକ୍ଷ ଲକ୍ଷ ଲୋକଙ୍କ ପାଇଁ ଅନଲାଇନ୍ ବ୍ୟାଙ୍କିଂ ସେବା ହଠାତ୍ ବନ୍ଦ ହୋଇଗଲା। ଆମେରିକାର ସବୁଠାରୁ ବଡ଼ ବ୍ୟାଙ୍କ, ଜେପିମୋର୍ଗାନ ଚେସ୍ର ସିଷ୍ଟମରେ ଏକ ସଫ୍ଟୱେର୍ ବଗ୍ କାର୍ଯ୍ୟ ବନ୍ଦ କରିଦେଲା। ଚେସ୍ ଏବଂ ବ୍ୟାଙ୍କ ଅଫ୍ ଆମେରିକା ୱେଲ୍ସ ଫାର୍ଗୋ, ୟୁଏସ୍ ବ୍ୟାଙ୍କ ଏବଂ ଜେଲ୍ର ଗ୍ରାହକମାନେ ମଧ୍ୟ ସମସ୍ୟାର ସମ୍ମୁଖୀନ ହେଉଛନ୍ତି।
ସେବା ବର୍ତ୍ତମାନ ଉପଲବ୍ଧ ହେଉ ନାହିଁ
ଆମେରିକୀୟମାନେ ଅନଲାଇନରେ ଆକାଉଣ୍ଟ ଖୋଲିବା ସେମାନଙ୍କର ବାଲାନ୍ସ ଯାଞ୍ଚ କରିବା ଏବଂ ଅନଲାଇନରେ ପେମେଣ୍ଟ କାରବାର କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି। ଅନେକ ଲୋକ ଚେସ୍ ଆପରେ ଏକ ବାର୍ତ୍ତା ପାଇଛନ୍ତି ଯେ, କିଛି ସେବା ବର୍ତ୍ତମାନ ଉପଲବ୍ଧ ହେଉ ନାହିଁ। ଏହା ବ୍ୟତୀତ, ଚେସ୍ ସୋସିଆଲ ମିଡ଼ିଆ ଏକ୍ସରେ ଏକ ପୋଷ୍ଟରେ ବ୍ୟାଖ୍ୟା କରିଛନ୍ତି ଯେ, କାରବାର ବିଳମ୍ବ ଏହାର ଆଭ୍ୟନ୍ତରୀଣ ହାର୍ଡୱେର୍ ସିଷ୍ଟମରେ ଏକ ସଫ୍ଟୱେର୍ ତ୍ରୁଟି ଯୋଗୁଁ ହୋଇଥିଲା। ତେବେ ଏହା ଏକ ସାଇବର ଆକ୍ରମଣ ନଥିଲା।
ଆମେରିକୀୟ ବ୍ୟାଙ୍କିଂ ସେବାରେ ୮ କୋଟି ୬୦ ଲକ୍ଷରୁ ଅଧିକ ଗ୍ରାହକ ଅଛନ୍ତି ଯେଉଁମାନେ ଅନଲାଇନ୍ ବ୍ୟାଙ୍କିଂ ସମସ୍ୟାର ସମ୍ମୁଖୀନ ହେଉଛନ୍ତି। ଏହାର ୫ ହଜାର ଶାଖା ଅଛି ଏବଂ ଏହା ମୋଟ ଆମେରିକୀୟ ଜମାର ୧୦% ରୁ ଅଧିକ ଧାରଣ କରେ। ସୋସିଆଲ ମିଡିଆରେ ଲୋକମାନେ ବ୍ୟାଙ୍କରେ ଚେକ୍ କ୍ୟାସ୍ କରିବା, ଏଟିଏମ କାର୍ଡ ବ୍ୟବହାର କରିବା ଏବଂ ଶାଖାଗୁଡ଼ିକରେ ମଧ୍ୟ କାରବାର କରିବାରେ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି।
ସୌଜନ୍ୟ ସମ୍ବାଦ




