Punjab Farmers : ଦିଲ୍ଲୀ ଅଭିମୁଖେ ହଜାର ହଜାର ଚାଷୀ, FTA ରଦ୍ଦ କରିବା ଦାବିରେ ବିରାଟ ଶୋଭାଯାତ୍ରା

ନୂଆଦିଲ୍ଲୀ: ମୁକ୍ତ ବାଣିଜ୍ୟ ଚୁକ୍ତି ରଦ୍ଦ କରିବା ଦାବିରେ ଚାଷୀଙ୍କ ବିରାଟ ଶୋଭାଯାତ୍ରା । ପଞ୍ଜାବରୁ ହଜାର ହଜାର ଚାଷୀ ଆଜି ଦିଲ୍ଲୀ ଅଭିମୁଖେ ବହାରିପଡ଼ିଛନ୍ତି । ଚାଷୀଙ୍କ ଏହି ଶୋଭାଯାତ୍ରା ଶମ୍ଭୁ ବର୍ଡର ଦେଇ ଦିଲ୍ଲୀରେ ପହଞ୍ଚିବେ । ତେବେ ଭାରତ ଏବଂ ଆମେରିକା ମଧ୍ୟରେ ପ୍ରସ୍ତାବିତ ମୁକ୍ତ ବାଣିଜ୍ୟ ଚୁକ୍ତି (FTA) ବିରୋଧରେ ଏହି ବିକ୍ଷୋଭ କରାଯାଉଛି।  FTA  ଚୁକ୍ତିକୁ ରଦ୍ଦ କରିବା ଦାବିରେ ‘ଦେଶ ବଞ୍ଚାଓ ମୋର୍ଚ୍ଚା’ ଏହି ଆନ୍ଦୋଳନ ପାଇଁ ଆହ୍ୱାନ ଦେଇଛି।

ସୁରକ୍ଷା ଦୃଷ୍ଟିରୁ ସମ୍ପୃକ୍ତ ଅଞ୍ଚଳରେ କଡ଼ା ବ୍ୟବସ୍ଥା ଗ୍ରହଣ କରାଯାଇଛି ଏବଂ ଧାରା ୧୬୩ ଲାଗୁ କରାଯାଇଛି। ରାସ୍ତାର ଉଭୟ ପାର୍ଶ୍ୱରେ ବାରିକେଡ୍ ଲଗାଯାଇଛି ଏବଂ ଯାନବାହାନ ଚଳାଚଳକୁ ସମ୍ପୂର୍ଣ୍ଣ ରୂପେ ବନ୍ଦ କରିଦିଆଯାଇଛି। ଚାଷୀମାନଙ୍କର ମୁଖ୍ୟ ଦାବି ହେଉଛି ଯେ ଭାରତ ଏବଂ ଆମେରିକା ମଧ୍ୟରେ ପ୍ରସ୍ତାବିତ FTAକୁ ତୁରନ୍ତ ରଦ୍ଦ କରାଯାଉ। ଚାଷୀଙ୍କ କହିବା ଅନୁଯାୟୀ, ଯଦି ଏହି ଚୁକ୍ତି ଲାଗୁ ହୁଏ, ତେବେ ଏହାର ସିଧାସଳଖ ପ୍ରଭାବ ଭାରତୀୟ କୃଷି, ଦୁଗ୍ଧ ଶିଳ୍ପ ଏବଂ ଗ୍ରାମାଞ୍ଚଳରେ ରହୁଥିବା ଲୋକଙ୍କ ଜୀବିକା ଉପରେ ପଡ଼ିବ। ସେମାନଙ୍କର ବିଶ୍ୱାସ ଯେ ବିଦେଶୀ ଉତ୍ପାଦ ବଜାରକୁ ଆସିବା ଦ୍ୱାରା ସ୍ଥାନୀୟ ଚାଷୀମାନେ ବହୁତ କ୍ଷତି ସହିବେ ଏବଂ କ୍ଷୁଦ୍ର ଚାଷୀଙ୍କ ରୋଜଗାର ବନ୍ଦ ହୋଇଯାଇପାରେ।

ସୌଜନ୍ୟ ସମ୍ବାଦ