Retired employees: କରିତକର୍ମା କିରାଣିଙ୍କ ସାଂଘାତିକ କାରନାମା: ଅବସରପ୍ରାପ୍ତ କର୍ମଚାରୀଙ୍କ ନାଁରେ ୩ କୋଟି ହଡ଼ପ

କେଳେଙ୍କାରୀ ଧରିଲେ ଜିଲ୍ଲା କୋଷାଗାର ଅଧିକାରୀ

ସେଥିମଧୢରେ ଡେରାବିଶ ବ୍ଲକ୍‌ର ୧କୋଟି ୬ଲକ୍ଷ ୩ହଜାର ୫୯୫ଟଙ୍କା ରହିଛି। ଏହି ଅର୍ଥ ରାଶି ମଧୢରୁ ଶ୍ରୀ ରଣା ଓ ତାଙ୍କ ପତ୍ନୀଙ୍କ ଆକାଉଣ୍ଟକୁ ୧ କୋଟି ୧ ଲକ୍ଷରୁ ଅଧିକ ଟଙ୍କା ଯାଇଥିବା ବେଳେ ପୂର୍ବତନ ଭିଏଲ୍‌ଡବ୍ଲୁ ମନ୍ମଥ କୁମାର ମାହୁନ୍ତଙ୍କ ଆକାଉଣ୍ଟ୍‌କୁ ୫ ଲକ୍ଷ ୮୯ ହଜାର ଟଙ୍କା ଯାଇଛି। ରାଜକନିକାରେ ଏଯାଏଁ ୧ କୋଟି ୮୦ ଲକ୍ଷରୁ ଅଧିକ ଟଙ୍କା ଶ୍ରୀ ରଣା ଚଳୁ କରିଥିବା ଜଣାପଡ଼ିଛି। ଚାକିରିରୁ ଅବସର ନେଉଥିବା କର୍ମଚାରୀ ଓ ଅଧିକାରୀଙ୍କ ନାମକୁ ବ୍ୟବହାର କରି ସେ ଏପରି କେଳେଙ୍କାରୀ ୨୦୨୦ ମସିହାରୁ କରି ଆସୁଥିଲେ। ଅବସର ନେଇଥିବା ଅଧିକାରୀ/କର୍ମଚାରୀ ଅବସରକାଳୀନ ପ୍ରାପ୍ୟ ପାଇବାର ଛଅରୁ ଆଠ ମାସ ପରେ ସେମାନଙ୍କ ନାମରେ କିରାଣି ଶ୍ରୀ ରଣା ଆଉ ଥରେ ମିଥ୍ୟା ବିଲ ପ୍ରସ୍ତୁତ କରୁଥିଲେ। ବଳକା ଛୁଟି, ପ୍ରୋଭିଜନାଲ୍‌ ଗ୍ରାଚ୍ୟୁଇଟି, ବକେୟା ଦରମା, ଆଡଜଷ୍ଟମେଣ୍ଟ୍‌ ଆଦି ଦର୍ଶାଯାଇ ଏହି ବିଲ୍‌ କରାଯାଉଥିଲା। ବିଲ୍‌ରେ ଅବସରପ୍ରାପ୍ତ କର୍ମଚାରୀଙ୍କ ନାଁ ରହୁଥିଲା; କିନ୍ତୁ ବ୍ୟାଙ୍କ୍‌ ଆକାଉଣ୍ଟ୍‌ ନମ୍ବର ସ˚ପୃକ୍ତ କର୍ମଚାରୀଙ୍କ ବଦଳରେ ଶ୍ରୀ ରଣା ନିଜର ଅଥବା ପତ୍ନୀ କିମ୍ବା ଶାଳୀଙ୍କର ଦେଉଥିଲେ। ଏହିଭଳି ଉପାୟରେ ଗଲା ଚାରି ବର୍ଷ ଭିତରେ ଶ୍ରୀ ରଣା କୋଟି କୋଟି ଟଙ୍କା ସରକାରୀ ଅର୍ଥ ଆତ୍ମସାତ୍‌ କରିଛନ୍ତି।