Shashi Tharoor: ‘କ୍ୱକରୱଡ୍‌ଜର’: ‘ଅନ୍ଧଭକ୍ତ’ ଓ ‘ଗୋଦି’ ବଦଳରେ ନୂଆ ଶବ୍ଦ ଦେଲେ ଶଶୀ ଥରୁର

ତିରୁଅନନ୍ତପୁରମ୍‌ର ସାଂସଦ ଥରୁର ବୁଧବାର ସୋସିଆଲ ମିଡିଆ ‘ଏକ୍ସ’ରେ ଏହି ଶବ୍ଦର ଅର୍ଥ ସହ ଏକ ଛବି ପୋଷ୍ଟ କରିଛନ୍ତି। ଏଥିରେ ସେ ଲେଖିଛନ୍ତି, ‘ଅନ୍ଧଭକ୍ତ’, ‘ଗୋଦି’ ଓ ‘ପେଡ୍ ଫଲୋୟର୍ସ’ ଭଳି ଶବ୍ଦ ବ୍ୟବହାର କରି କରି ଯେଉଁମାନେ ଥକିଗଲେଣି, ସେମାନଙ୍କ ପାଇଁ ଏହା ଏକ ଉପଯୁକ୍ତ ବିକଳ୍ପ ହୋଇପାରେ। ତେବେ ଥରୁର ଏହି ଶବ୍ଦକୁ ପ୍ରଥମ ଥର ପାଇଁ ବ୍ୟବହାର କରିନାହାନ୍ତି। ଚଳିତ ବର୍ଷ ସେପ୍ଟେମ୍ବରରେ ମଧ୍ୟ ସେ ‘କ୍ୱକରୱଡ୍‌ଜର’ ଶବ୍ଦ ଓ ଏହାର ଅର୍ଥ ସାମ୍ନାକୁ ଆଣିଥିଲେ। ୨୦୨୨ ଏପ୍ରିଲରେ ମଧ୍ୟ ସେ ଏହି ଶବ୍ଦର ଅର୍ଥ ବୁଝାଇ ଏହାକୁ ରାଜନୈତିକ ଶବ୍ଦଭଣ୍ଡାରରେ ଏକ ଉପଯୋଗୀ ଯୋଗଦାନ ବୋଲି କହିଥିଲେ।