US-Iran War: ପୁଣି ମହାଯୁଦ୍ଧ ଆରମ୍ଭ ! ଇରାନ୍ ଦ୍ୱୀପରେ ଆମେରିକାର ଧ୍ୱଂସଲୀଳା,ତେହେରାନ୍ ବି ଦାଗିଲା ମିସାଇଲ୍
ନୂଆଦିଲ୍ଲୀ,୩୧/୦୮: ଘନ ଘନ ମିସାଇଲ୍ ମାଡ । କେହି କାହାକୁ ଛାଡୁ ନାହାନ୍ତି । ଜଳୁଛି ଦ୍ୱୀପ । ତୈଳ ଦୁର୍ଗରେ ଧ୍ୱଂସଲୀଳା । କିଛି ଦିନର ନୀରବତା ପରେ ପୁଣି ଆମେରିକା ଏବଂ ଇରାନ୍ ମଧ୍ୟରେ ଯୁଦ୍ଧ ଆରମ୍ଭ ହୋଇଛି । ଇରାନର ଲାର୍କ ଏବଂ ଖର୍ଗ ଦ୍ୱୀପ ଉପରେ ଆମେରିକା ଏକ ବଡ଼ ଧରଣର ଆକ୍ରମଣ କରିଛି । ଇରାନ ଦ୍ୱୀପ ଉପରେ ଆମେରିକା ଆଟାକ୍ କରିବା ପରେ ସ୍ଥିତି ସାଙ୍ଘାତିକ ହୋଇଛି । ଆମେରିକାର ସେନା ଲାର୍କ ଉପରେ ଆକ୍ରମଣ କରିଥିଲା । ବର୍ତ୍ତମାନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ ଖର୍ଗ ଦ୍ୱୀପକୁ ମଧ୍ୟ ଟାର୍ଗେଟ କରାଯାଇଛି। ଟ୍ରମ୍ପ ଏକ ସାମାଜିକ ପୋଷ୍ଟରେ ଲେଖିଛନ୍ତି, “ଖର୍ଗ ଦ୍ୱୀପ ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି । ଇରାନ୍ ବି ଚୁପ୍ ବସିନାହିଁ । ଜୋର୍ଡାନରେ ଆମେରିକୀୟ ବେସ୍ ଉପରେ ଆକ୍ରମଣ କରିଛି ।
ଖର୍ଗ ଉପରେ ଇରାନ୍ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ଏହା ଉତ୍ତର ପାରସ୍ୟ ଉପସାଗରରେ ଅବସ୍ଥିତ । ହୋର୍ମୁଜ ଷ୍ଟ୍ରେଟ୍ ଠାରୁ ଏହା ପ୍ରାୟ ୪୮୩ କିଲୋମିଟର ଉତ୍ତର-ପଶ୍ଚିମ ଦିଗରେ ଅବସ୍ଥିତ । ଏହା ଇରାନର ବୁଶେହର ପ୍ରଦେଶର ଅଂଶ । ଖର୍ଗକୁ ଇରାନର ମୁଖ୍ୟ ତୈଳ ରପ୍ତାନି ଟର୍ମିନାଲ୍ ଭାବରେ ମଧ୍ୟ ବିବେଚନା କରାଯାଏ । ଦେଶର ଅଶୋଧିତ ତୈଳ ରପ୍ତାନିର ୯୦ ପ୍ରତିଶତ ପର୍ଯ୍ୟନ୍ତ ପରିଚାଳନା କରେ । ଏହାର ଭାରୀ ସାମରିକ ଏବଂ ଅର୍ଥନୈତିକ ପ୍ରତିବନ୍ଧକ ହେତୁ ଏହାକୁ ପ୍ରାୟତଃ ‘ନିଷେଧ ଦ୍ୱୀପ’ କୁହାଯାଏ । ଏହା ପୂର୍ବରୁ ଆମେରିକା ଲାର୍କ ଦ୍ୱୀପ ଉପରେ ଆକ୍ରମଣ କରିଥିଲା । ୟୁଏସ୍ ସେଣ୍ଟ୍ରାଲ୍ କମାଣ୍ଡ (ସେଣ୍ଟକମ୍ ) ଅନୁଯାୟୀ ଏହି କାର୍ଯ୍ୟାନୁଷ୍ଠାନରେ ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ୍ (ଆଇଆରଜିସି) ଦୁଇଟି ସାମରିକ ଉଦକ୍ଷେପଣ ପ୍ରଣାଳୀକୁ ଟାର୍ଗେଟ୍ କରିଥିଲା । ଆମେରିକାର ଗୁଇନ୍ଦା ସୂଚନା ଅନୁଯାୟୀ, ଆଇଆରଜିସି କର୍ମଚାରୀମାନେ ଏହି ରକେଟ୍ ଲଞ୍ଚର୍ ସହିତ ହର୍ମୁଜ୍ ଷ୍ଟ୍ରେଟ୍ ରେ ସମୁଦ୍ର ଖଣି ସ୍ଥାପନ କରିବାକୁ ପ୍ରସ୍ତୁତ ହେଉଥିଲେ ।
ସୌଜନ୍ୟ ପ୍ରମେୟ
