ଶୋଚନୀୟ ପରାଜୟ ପରେ ରାଗିଗଲେ କ୍ୟାପଟେନ, ଡଗ୍ ଆଟରେ ଯୁକ୍ତିତର୍କର ଭିଡିଓ ଭାଇରାଲ…..

ନୂଆଦିଲ୍ଲୀ ୨୩/୦୨: ୨୦୨୬ ମସିହାର ICC T-୨୦ ବିଶ୍ୱକପ୍‌ରେ ଚାଲିଛି ସୁପର-୮ ମୁକାବିଲା । ରବିବାର ଥିଲା ଭାରତୀୟ ଦଳର ସୁପର ୮ ମ୍ୟାଚ୍ । ତେବେ ଦକ୍ଷିଣ ଆଫ୍ରିକା ବିପକ୍ଷରେ ୭୬ ରନ୍ରେ ପରାଜୟ ବରଣ କରିଥିଲା । ଆଉ ଏହି ପରାଜୟ ସହ ଗ୍ରୁପ୍ ୧ର ଦୃଶ୍ୟପଟ ସମ୍ପୂର୍ଣ୍ଣ ବଦଳାଇ ଦେଇଥିଲା । ଯାହା ଫଳରେ ଭାରତର ପରବର୍ତ୍ତୀ ଦୁଇଟି ମ୍ୟାଚ୍ କର କିମ୍ବା ମର ପରି ସ୍ଥିତି ଉପୁଜିଛି ।

ଲିଗ୍ ପର୍ଯ୍ୟାୟରେ ଲଗାତାର ଚାରି ବିଜୟ ସେମାନଙ୍କର ତ୍ରୁଟିକୁ ଘୋଡାଇ ଦେଇଥାଇପାରେ । କିନ୍ତୁ ଟିକିଏ ସ୍ଲୋ ଓ କଳା ମାଟି ପିଚ୍ରେ ଭାରତୀୟ ବ୍ୟାଟ୍ସମ୍ୟାନମ୍ୟାନ୍ ଖୋଲାଖୋଲି ଭାବରେ ପ୍ରଦର୍ଶନ କରିଥିଲେ । ୧୮୮ ରନ୍ର ଟାର୍ଗେଟ୍‌କୁ ପିଛା କରି, ଦଳ ୧୮.୫ ଓଭରରେ ମାତ୍ର ୧୧୧ ରନ୍ରେ ପତନବରଣ କରିଥିଲା।ଜସପ୍ରିତ ବୁମରାହ ଚମତ୍କାର ବୋଲିଂ କରି ତିନୋଟି ୱିକେଟ୍ ନେଇଥିଲେ । ଦକ୍ଷିଣ ଆଫ୍ରିକାକୁ ୧୮୭/୭ରେ ସୀମିତ ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

ସେ ପ୍ରାରମ୍ଭିକ ଓଭରରେ ଦୁଇଟି ୱିକେଟ୍ ନେଇ ପ୍ରୋଟିୟା ଦଳକୁ ୨୦/୩ରେ ସୀମିତ କରିଥିଲେ। ତଥାପି, ଭାରତୀୟ ବ୍ୟାଟସମ୍ୟାନଙ୍କ ବିଫଳତା ଯୋଗୁଁ ତାଙ୍କର ପ୍ରୟାସ ବ୍ୟର୍ଥ ହୋଇଥିଲା।ଦକ୍ଷିଣ ଆଫ୍ରିକା ପାଇଁ, ଡେଭିଡ୍ ମିଲର ୩୫ ବଲ୍ ରୁ ୬୩ ରନ୍ ର ଏକ ଆକ୍ରମଣାତ୍ମକ ଇନିଂସ ଖେଳିଥିଲେ । ତାଙ୍କୁ ଯୁବ ବ୍ୟାଟସମ୍ୟାନ୍ ଡେୱାଲ୍ଡ ବ୍ରେଭିସ୍ (୪୫ ରନ୍) ଏବଂ ଟ୍ରିଷ୍ଟାନ୍ ଷ୍ଟବ୍ସ (୪୪*) ପୂର୍ଣ୍ଣ ସମର୍ଥନ କରିଥିଲେ। ଭାରତୀୟ ସ୍ପିନର ବରୁଣ ଚକ୍ରବର୍ତ୍ତୀ ବିଶେଷ ସଫଳ ହୋଇନଥିଲେ, ଚାରି ଓଭରରେ ୪୭ ରନ୍ ଦେଇଥିଲେ।

ସୌଜନ୍ୟ Prameya News7