ନୂଆଦିଲ୍ଲୀ ୧୬।୦୪:ଅଭିନେତା ଅକ୍ଷୟ କୁମାର ବର୍ତ୍ତମାନ ତାଙ୍କ ଫିଲ୍ମ ‘ଭୂତ ବଙ୍ଗଳା’ କୁ ନେଇ ଚର୍ଚ୍ଚାରେ । ସେ ଏବେ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି। ଫିଲ୍ମ ସହିତ, ଅକ୍ଷୟ ଟିଭି କ୍ୱିଜ୍ ରିଆଲିଟି ଶୋ ‘ହ୍ୱିଲ୍ ଅଫ୍ ଫର୍ଚ୍ୟୁନ୍’ ମଧ୍ୟ ହୋଷ୍ଟ କରୁଛନ୍ତି। ଏହି ଶୋ’ ସମୟରେ, ଖିଲାଡି କୁମାର ପ୍ରକାଶ କରିଥିଲେ ଯେ ସେ ଗତ ୧୫ ବର୍ଷ ହେବ ସିଙ୍ଗଡା ଖାଉନାହାଁନ୍ତି।
ଶୋ’ ସମୟରେ, ପ୍ରତିଯୋଗୀ ବିଧି ଭରଣୀ ଅକ୍ଷୟ କୁମାରଙ୍କୁ ପ୍ରଶ୍ନ କରିଥିଲେ, “ସାର୍, କ’ଣ ଏହା ସତ ଆପଣ ଗତ ୧୫ ବର୍ଷ ମଧ୍ୟରେ ଗୋଟିଏ ବି ସିଙ୍ଗଡା ଖାଇ ନାହାଁନ୍ତି ? ଅକ୍ଷୟ ହସି ହସି ଉତ୍ତର ଦେଲେ, “ଏଥିରେ କ’ଣ ଅସୁବିଧା ଅଛି?” ଏହାପରେ ବିଧି ପଚାରିଲେ ଯେ ସେ ଏତେ ସ୍ୱାଦିଷ୍ଟ ଷ୍ଟ୍ରିଟ୍ ଫୁଡ୍ କିପରି ଛାଡିପାରିବେ, ଅକ୍ଷୟ ଏହାର ପ୍ରକୃତ କାରଣ ପ୍ରକାଶ କରିଥିଲେ। ସେ କହିଥିଲେ ଯେ ଏହା ଡାଏଟିଂ କିମ୍ବା ଓଜନ ବୃଦ୍ଧି ପାଇଁ ନୁହେଁ।ଅକ୍ଷୟ କୁମାର କହିଛନ୍ତି, “ଡାଏଟିଂ କିମ୍ବା ଓଜନ ବୃଦ୍ଧି ଚିନ୍ତା ଯୋଗୁଁ ମୁଁ ସିଙ୍ଗଡା ଖାଇବା ବନ୍ଦ କରିନାହିଁ। ପ୍ରକୃତରେ, ସିଙ୍ଗଡା ଖାଇବା ଦ୍ୱାରା ମୋର ଏସିଡିଟି ହୁଏ। ତେଣୁ, ଏହାଠାରୁ ମୁଁ ନିଜକୁ ଦୂରେଇ ରଖେ, ଯେପରି କୌଣସି ସମସ୍ୟା ନହେବ।” କଥାବାର୍ତ୍ତା ସମୟରେ ଅକ୍ଷୟ ଏକ ମଜାଦାର କାହାଣୀ ମଧ୍ୟ ସେୟାର କରିଥିଲେ।
ସେ କହିଥିଲେ, “ଯେତେବେଳେ ମୁଁ ‘ଜବ ତକ୍ ରହେଗା ସମୋସା ମେ ଆଲୁ’ ଗୀତ ସୁଟିଂ କରୁଥିଲି, ସେତେବେଳେ ମଧ୍ୟ ମୁଁ ଗୋଟିଏ ବି ସିଙ୍ଗଡା ଖାଇ ନଥିଲି।” ଏହା ଶୁଣି ଦର୍ଶକମାନେ ହସି ଉଠିଥିଲେ। ତେବେ ଅକ୍ଷୟ କୁମାର ତାଙ୍କ ସ୍ୱାସ୍ଥ୍ୟ ପ୍ରତି ବେଶ୍ ସଚେତନ । ସେ ବହୁତ ଫିଟ୍ ଏବଂ ସୁସ୍ଥ ଜୀବନଶୈଳୀ ବଜାୟ ରଖନ୍ତି। ଅଭିନେତା ଅନେକ ଥର ପ୍ରକାଶ କରିଛନ୍ତି ଯେ ସେ ଠିକ୍ ସମୟରେ ଶୋଇବାକୁ ଯାଆନ୍ତି ଏବଂ ସୂର୍ଯ୍ୟୋଦୟ ପୂର୍ବରୁ ଉଠିଯାଆନ୍ତି। ସେ ପ୍ରାୟତଃ ସନ୍ଧ୍ୟା ୭ଟା ପୂର୍ବରୁ ରାତ୍ରୀ ଭୋଜନ କରନ୍ତି।
ସୌଜନ୍ୟ Prameya News7