ନୂଆପଡ଼ା,୨ା୯ (ମକାରୁ ବେମାଲ):ନୂଆପଡ଼ା ଜିଲା କୋମନା ଥାନା ତରବୋଡ ଗଁାର ଜଣେ ଶ୍ରମିକ ମହାରାଷ୍ଟ୍ରର ପୁଣେକୁ ଦାଦନ ଖଟିବାକୁ ଯାଇଥିବାବେଳେ ସେଠାରେ ତାଙ୍କର ମୃତ୍ୟୁ ଘଟିଛି। ସେ ହେଲେ ଗଁାର ରୁପଧର ନାଗ (୩୨)। ସୂଚନା ଅନୁଯାୟୀ ରୂପଧର ନାଗ ଅନ୍ୟ କେତେଜଣ ଶ୍ରମିକଙ୍କ ସହ କାମ ଅନ୍ବେଷଣରେ ଅଗଷ୍ଟ ୨୪ରେ ଘରୁ ବାହାରି ମହାରାଷ୍ଟ୍ରର ପୁଣେକୁ ଯାଇଥିଲେ। ୨୭ରେ ପହଞ୍ଚତ୍ବା ପରେ ସେଠାରେ ଏକ ଗୃହ ନିର୍ମାଣ କମ୍ପାନୀକୁ ଯାଇ କାମ କରିବା ପାଇଁ କଥାବାର୍ତ୍ତା ହୋଇଥିଲେ। ଏପରି ସମୟରେ ହଠାତ୍ ରୂପଧର ଅସୁସ୍ଥ ଅନୁଭବ କରି ସ୍ଥାନୀୟ ହସ୍ପିଟାଲକୁ ଯାଇ ସ୍ବାସ୍ଥ୍ୟ ପରୀକ୍ଷା କରାଇ ଔଷଧ ଖାଉଥିଲେ। ହେଲେ ସ୍ବାସ୍ଥ୍ୟାବସ୍ଥା ଆହୁରି ବିଗିଡିବାରୁ ୩୦ରେ ପୁଣି ହସ୍ପିଟାଲ ଯାଇ ରକ୍ତ ପରୀକ୍ଷା କରାଇଥିଲେ। ରକ୍ତ ପରୀକ୍ଷାରେ ଡାକ୍ତର ଡେଙ୍ଗୁ ମ୍ୟାଲେରିଆ ହୋଇଛି ବୋଲି ସାଥୀ ଶ୍ରମିକମାନଙ୍କୁ ଜଣାଇଥିଲେ। ସେଠାରୁ ଇଞ୍ଜେକ୍ସନ ଓ ଔଷଧ ନେଇ ପୁଣି ରହିବା ସ୍ଥଳକୁ ଚାଲିଆସିଲେ। ୩୧ରେ ବହୁତ ଅସୁସ୍ଥ ହୋଇ ଶୋଇ ପଡିଥିଲେ। ଅର୍ଦ୍ଧରାତ୍ର ପର୍ଯ୍ୟନ୍ତ ନ ଉଠିବାରୁ ସାଥୀ ଶ୍ରମିକମାନେ ତାଙ୍କୁ ଉଠାଇଥିଲେ ମଧ୍ୟ ନ ଉଠିବାରୁ ମଙ୍ଗଳବାର ସକାଳେ ପୁଣି ହସ୍ପିଟାଲକୁ ନେଇଥିଲେ। ସେଠାରେ ଡାକ୍ତର ମୃତ ଘୋଷଣା କରିଥିଲେ ା ଖବର ପାଇ ପୁଣେ ପୋଲିସ ହସ୍ପିଟାଲରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପରେ ସାଥୀ ଶ୍ରମିକମାନଙ୍କୁ ହସ୍ତାନ୍ତର କରିଛି। ସାଥୀ ଶ୍ରମିକ ଏକ ଆମ୍ବୁଲାନ୍ସ ଯୋଗେ ମୃତଦେହକୁ ଗଁାକୁ ଆଣୁଛନ୍ତି। ବୁଧବାର ଗଁାରେ ମୃତଦେହ ପହଞ୍ଚତ୍ବ ବୋଲି ପରିବାର ପକ୍ଷରୁ ସୂଚନା ମିଳିଛି। ସେ ପରିବାରର ଜଣେ ମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ। ତାଙ୍କୁ ହରାଇ ପରିବାର ଦୁଃଖରେ ଭାଙ୍ଗି ପଡିଛନ୍ତି। ଘରେ ସ୍ତ୍ରୀ ସହ ୪ ବର୍ଷର ଏକ ଶିଶୁପୁତ୍ର ବେସାହାରା ହୋଇଯାଇଛନ୍ତି। ଏହି ପରିବାରକୁ ସରକାରୀ ସହାୟତା ଯୋଗାଇଦେବା ପାଇଁ ଗ୍ରାମବାସୀ ଦାବି କରିଛନ୍ତି ା ଶିଶୁପୁତ୍ରର ସମସ୍ତ ଖର୍ଚ୍ଚ ବହନ କରିବା ସହ ଏକ ଆବାସିକ ବିଦ୍ୟାଳୟରେ ପାଠ ପଢାଇବା ଲାଗି ଜିଲା ପ୍ରଶାସନଠାରେ ଜିଲା ଶ୍ରମିକ ମହାସଂଘ ସହ ଆବାହକ ଭକ୍ତବନ୍ଧୁ ଧରୁଆ ଦାବି କରିଛନ୍ତି।
ସୌଜନ୍ୟ ଧରିତ୍ରୀ
