ଖେଳ

Hockey Asian Champions Trophy: ଭାରତର ବିଜୟ ଅଭିଯାନ, ୪-୧ ଗୋଲରେ ମାଲେସିଆକୁ ଦେଲା ମାତ୍

ନୂଆଦିଲ୍ଲୀ,୨୦/୧୧; ମହିଳା ଏସିଆନ ଚାମ୍ପିଅନ୍ସ ଟ୍ରଫି ହକିର ନବମ ସଂସ୍କରଣ ଭୋପାଳରେ ଆରମ୍ଭ ହୋଇଛି । ଆୟୋଜକ ଡିଫେଣ୍ଡିଂ ଚାମ୍ପିଅନ ଭାରତ ୪-୧ ଗୋଲରେ ମାଲେସିଆକୁ ପରାଜିତ କରି ବିଜୟରୁ ଅଭିଯାନ ଆରମ୍ଭ କରିଛି । ନବମ ସଂସ୍କରଣରେ ମୋଟ୍ ୬ଟି ଦଳ (ଆୟୋଜକ ଦଳ ସମେତ ଚୀନ, ଜାପାନ, ଦକ୍ଷିଣ କୋରିଆ, ମାଲେସିଆ ଓ ଥାଇଲାଣ୍ଡ) ଭାଗ ନେଇଛନ୍ତି । ପ୍ରଥମ ଦିବସରେ ୩ଟି ମ୍ୟାଚ ଖେଳାଯାଇଥିଲା । ପ୍ରଥମ ମ୍ୟାଚରେ ଚୀନ ୭-୦ ଗୋଲରେ ଥାଇଲାଣ୍ଡକୁ ଏବଂ ଜାପାନ ୧-୦ ଗୋଲରେ ଦକ୍ଷିଣ କୋରିଆକୁ ପରାଜିତ କରିଥିଲା ।

ଭାରତ-ମାଲେସିଆ: ପ୍ରଥମ କ୍ୱାର୍ଟର ଖେଳ ସଂଘର୍ଷପୂର୍ଣ୍ଣ ହୋଇଥିଲା । ତେଣୁ ଏହି ଭାଗ ଖେଳ ଗୋଲଶୂନ୍ୟ ରହିଥିଲା । ଦ୍ୱିତୀୟ କ୍ୱାର୍ଟରରେ ପ୍ରଥମେ ମାଲେସିଆ ଖାତା ଖୋଲିବାରେ ସଫଳ ହୋଇଥିଲା । ୧୯ ମିନିଟରେ ଦଳ ଗୋଲ ଦେଇ ୧-୦ ଗୋଲରେ ଆଗୁଆ ରହିଥିଲା । ମାତ୍ର ଏକ ମିନିଟ ମଧ୍ୟରେ ଭାରତ ଏହି ଗୋଲ ପରିଶୋଧ କରି ସ୍ଥିତି ୧-୧ କରିଥିଲା । ମମତାଜ ଖାନ ଏହି ଗୋଲ ଦେବାରେ ସଫଳ ରହିଥିଲେ । ତୃତୀୟ କ୍ୱାର୍ଟରକୁ ଭାରତ ନିୟନ୍ତ୍ରଣରେ ରଖିଥିଲା । ୩୫ ମିନିଟରେ ଦଳକୁ ମିଳିଥିବା ପେନାଲ୍ଟି କର୍ଣ୍ଣରକୁ (ପିସି) ଅଧିନାୟିକା ସଲିମା ଟେଟେ ଗୋଲରୂପ ଦେବାରେ ସଫଳ ରହିଥିଲେ । ପୁଣି ୩୯ ମିନିଟରେ ଓଡ଼ିଆ ଡିଫେଣ୍ଡର ପୂଜା ସାହୁ ଆଉ ଏକ ପିସିକୁ ଗୋଲରେ ରୂପାନ୍ତରିତ କରିବାରେ ସଫଳ ରହିଥିଲେ । ସେ ଏହି ମ୍ୟାଚରେ ପଦାର୍ପଣ କରିଥିଲେ ।

 

 

 

 

 

 

 

ସୌଜନ୍ୟ ପ୍ରମେୟ

Show More

Leave a Reply

Your email address will not be published. Required fields are marked *

Back to top button