Britain: ବ୍ରିଟେନରେ ବିମାନ ଟ୍ରାଫିକ୍ କଣ୍ଟ୍ରୋଲରେ ତ୍ରୁଟି: ହଜାରେରୁ ଅଧିକ ବିମାନ ପ୍ରଭାବିତ
ବ୍ରିଟେନର ବିମାନ ବ୍ୟବସ୍ଥା ସମ୍ପୂର୍ଣ୍ଣ ଭାବରେ ବିପର୍ଯ୍ୟସ୍ତ ହୋଇଯାଇଛି। ଫ୍ଲାଇଟ୍ ଟ୍ରାକିଂ ୱେବସାଇଟ୍ ଫ୍ଲାଇଟ୍ ରାଡାର-୨୪ ଅନୁଯାୟୀ, ବିମାନ ଟ୍ରାଫିକ୍ କଣ୍ଟ୍ରୋଲ ବ୍ୟବସ୍ଥାରେ ଯାନ୍ତ୍ରିକ ତ୍ରୁଟି ଯୋଗୁଁ ସାରା ଦେଶରେ କାର୍ଯ୍ୟ ବାଧାପ୍ରାପ୍ତ ହୋଇଛି।
ଲଣ୍ଡନ: ବ୍ରିଟେନର ବିମାନ ବ୍ୟବସ୍ଥା ସମ୍ପୂର୍ଣ୍ଣ ଭାବରେ ବିପର୍ଯ୍ୟସ୍ତ ହୋଇଯାଇଛି। ଫ୍ଲାଇଟ୍ ଟ୍ରାକିଂ ୱେବସାଇଟ୍ ଫ୍ଲାଇଟ୍ ରାଡାର-୨୪ ଅନୁଯାୟୀ, ବିମାନ ଟ୍ରାଫିକ୍ କଣ୍ଟ୍ରୋଲ ବ୍ୟବସ୍ଥାରେ ଯାନ୍ତ୍ରିକ ତ୍ରୁଟି ଯୋଗୁଁ ସାରା ଦେଶରେ କାର୍ଯ୍ୟ ବାଧାପ୍ରାପ୍ତ ହୋଇଛି। ୟୁକେ ବିମାନବନ୍ଦରରେ ହଜାରେରୁ ଅଧିକ ବିମାନର ଉଡ଼ାଣ ବାତିଲ କରାଯାଇଛି। ଯାନ୍ତ୍ରିକ ତ୍ରୁଟି ସମ୍ପର୍କରେ, ନ୍ୟାସନାଲ ଏୟାର ଟ୍ରାଫିକ୍ ସର୍ଭିସେସ୍ (ଏନଏଟିଏସ) ସୂଚନା ଦେଇଛି ଯେ ଫ୍ଲାଇଟ୍ ପ୍ରୋସେସିଂ ସିଷ୍ଟମରେ ଏକ ବଡ଼ ଧରଣର ସମସ୍ୟା ଚିହ୍ନଟ କରାଯାଇଛି। ଇଞ୍ଜିନିୟରମାନେ ଏହାର ସମାଧାନ କରିବା ପାଇଁ ଦ୍ରୁତ ଗତିରେ କାମ କରୁଛନ୍ତି। ବ୍ରିଟିଶ ଏୟାରୱେଜ୍-ଲୁଫ୍ଥାନସା ସମେତ ଅନେକ ବିମାନ ପ୍ରଭାବିତ ହୋଇଛି
ବିମାନ ବନ୍ଦରରେ ଯାତ୍ରୀଙ୍କ ଭିଡ଼
ଲଣ୍ଡନର ହିଥ୍ରୋ ବିମାନବନ୍ଦର ଏବଂ ୟୁକେର ଅନ୍ୟାନ୍ୟ ବିମାନବନ୍ଦରକୁ ଚଳାଚଳ କରୁଥିବା ସମସ୍ତ ବିମାନ ବାତିର କରାଯାଇଛି। ଫଳରେ ବ୍ରିଟିଶ ଏୟାରୱେଜ୍, ଇଜିଜେଟ୍, କେଏଲଏମ ଏବଂ ଲୁଫଥାନସା ଭଳି ପ୍ରମୁଖ ବିମାନ କମ୍ପାନିଗୁଡ଼ିକର ବିମାନ ଚଳାଚଳ ଗୁରୁତର ଭାବେ ପ୍ରଭାବିତ ହୋଇଛି। ଯାନ୍ତ୍ରିକ ତ୍ରୁଟି ଅନେକ ବିମାନବନ୍ଦରର କାର୍ଯ୍ୟକୁ ଗୁରୁତର ଭାବରେ ପ୍ରଭାବିତ କରିଛି, ଯାହା ଫଳରେ ୟୁକେରେ ଯାତ୍ରୀମାନଙ୍କ ପାଇଁ ଯାତ୍ରା ସମସ୍ୟା ସୃଷ୍ଟି ହୋଇଛି। ଏନଏଟିଏସ ପରେ ଘୋଷଣା କରିଛି ,ସମସ୍ୟାର ସମାଧାନ କରାଯାଇଛି ଏବଂ ସିଷ୍ଟମଗୁଡ଼ିକ ଏବେ ସ୍ୱାଭାବିକ ଅବସ୍ଥାକୁ ଫେରୁଛି। ଅନେକ ବିମାନ ଏବେ ବି ଚାଲୁଛି ଏବଂ ଆକାଶପଥ ଖୋଲା ଅଛି, କିନ୍ତୁ ପରିସ୍ଥିତି ସ୍ୱାଭାବିକ ହେବାକୁ କିଛି ସମୟ ଲାଗିବ ବୋଲି ଏନଏଟିଏସ କହିଛି।
ଫ୍ଲାଇଟ୍ଆୱେର ତଥ୍ୟ ଦର୍ଶାଉଛି ଯେ ହିଥ୍ରୋରେ ପ୍ରାୟ ୧୦୦ ବିମାନ ଉଡ଼ାଣ ବାତିଲ କରାଯାଇଥିଲା, ଯେତେବେଳେ ୩୬୭ ଟି ଉଡ଼ାଣ ବିଳମ୍ବିତ ହୋଇଥିଲା। ହିଥ୍ରୋ ବ୍ୟତୀତ, ଗାଟୱିକ୍ରେ ପ୍ରାୟ ୨୫୦ ବିମାନ ବିଳମ୍ବ ହୋଇଛି, ଯାହା ବିମାନବନ୍ଦରର ମୋଟ ବିମାନର ପ୍ରାୟ ୩୧% ଅଟେ। ପ୍ରଭାବିତ ବିମାନବନ୍ଦରଗୁଡ଼ିକରେ ପ୍ରାୟ ୩୦୦ବିମାନ ବାତିଲ କରାଯାଇଛି।
ଲଣ୍ଡନ ବାହାରେ ଥିବା ଅନେକ ବିମାନବନ୍ଦର ମଧ୍ୟ ପ୍ରଭାବିତ ହୋଇଛି। ଏଡିନବର୍ଗ ବିମାନବନ୍ଦର ଯାତ୍ରୀମାନଙ୍କୁ ସତର୍କ କରାଇ ଦେଇଛି ଯେ ଯାନ୍ତ୍ରିକ ତ୍ରୁଟି କାର୍ଯ୍ୟକୁ ପ୍ରଭାବିତ କରିପାରେ। ଡବଲିନ୍ ବିମାନବନ୍ଦର ୟୁକେକୁ ଏବଂ ସେଠାରୁ ବିମାନରେ ବାଧା ସୃଷ୍ଟି ହୋଇଥିବା ରିପୋର୍ଟ କରିଛି। ଲୁଟନ୍ ଏବଂ ବର୍ମିଂହାମ ବିମାନବନ୍ଦର, ଏବଂ ଆବରଡିନ୍ ଏବଂ ଗ୍ଲାସଗୋ ବିମାନବନ୍ଦର ମଧ୍ୟ ବିମାନ ବିଳମ୍ବ କିମ୍ବା ବାତିଲ ହୋଇଥିବା ରିପୋର୍ଟ କରିଛି। ଇଜିଜେଟ୍ କହିଛି ଯେ ଏହି ସମସ୍ୟା ଯୋଗୁଁ ସମଗ୍ର ୟୁରୋପରେ ଉଡ଼ାଣ ବିଳମ୍ବ ହେଉଛି। ବ୍ରିଟିଶ ଏୟାରୱେଜ୍ ସର୍ବାଧିକ ୯୬ଟି, ଇଜିଜେଟ୍ ୯୨ଟି, କେଏଲଏମ୍ ୨୦ଟି, ଲୁଫଥାନସାର ୧୨ଟି ଏବଂ ସ୍ୱିସ୍ ଏୟାରଲାଇନ୍ସ ୧୧ଟି ଉଡ଼ାଣ ବାତିଲ କରିଛି।
ସୌଜନ୍ୟ ସମ୍ବାଦ
