Earthquake in Israel: ଇସ୍ରାଏଲର ନେଗେଭ୍‌ ମରୁଭୂମିରେ ଭୂମିକମ୍ପ: ଇରାନ ସଙ୍କଟ ମଧ୍ୟରେ ପରମାଣୁ ପରୀକ୍ଷଣ ସନ୍ଦେହ

ତେଲ୍‌ ଅଭିଭ୍‌: ଇସ୍ରାଏଲର ନେଗେଭ୍‌ ମରୁଭୂମି ଆଜି ୪.୨ ତୀବ୍ରତାର ଭୂମିକମ୍ପରେ ଥରି ଉଠିଛି। ସକାଳ ୯ଟାରେ ହୋଇଥିବା ଏହି ଭୂକମ୍ପ ଲୋକଙ୍କ ମଧ୍ୟରେ ଆତଙ୍କ ଓ ଦ୍ବନ୍ଦ୍ବ ସୃଷ୍ଟି କରିଥିଲା। ଆଖପାଖ ଅଞ୍ଚଳରେ ଆଲାର୍ମ ବାଜିବାରୁ ଲୋକେ ଘର ଛାଡ଼ି ଦୌଡ଼ିଥିଲେ। ଇରାନ ସହିତ ଇସ୍ରାଏଲର ତିକ୍ତତା ବୃଦ୍ଧି ଭିତରେ ଏହା ଏକ ପରମାଣୁ ପରୀକ୍ଷଣଜନିତ ଭୂକମ୍ପ ବୋଲି କୁହାଯାଉଛି। କେନ୍ଦ୍ରୀୟ ଇସ୍ରାଏଲ ଏବଂ ଜେରୁଜେଲମର ଉତ୍ତରରେ ଥିବା ଅଞ୍ଚଳ ପର୍ଯ୍ୟନ୍ତ ଏହି ଭୂକମ୍ପର ତୀବ୍ର ଝଟ୍‌କା ଅନୁଭୂତ ହୋଇଥିଲା। ସୂଚନାଯୋଗ୍ୟ, ନେଗେଭ୍‌ ମରୁଭୂମିର ଡିମୋନା ଅଞ୍ଚଳରେ ଇସ୍ରାଏଲର ଏକ ପରମାଣୁ କେନ୍ଦ୍ର ରହିଛି । ଇସ୍ରାଏଲ ଏବେ ଇରାନକୁ ସବୁଠାରୁ ବଡ଼ ବିପଦ ବୋଲି ବିବେଚନା କରୁଥିବାରୁ  ସର୍ବାଧିକ ସତର୍କତା ଅବଲମ୍ବନ କରିଛି।