FIFA Ranking: ପାକିସ୍ତାନକୁ ହରାଇ ସାଫ୍ ଚାମ୍ପିଅନସିପ୍ ଟାଇଟଲ ଜିତିବା ସତ୍ତ୍ୱେ କାହିଁକି ୧୪୦ତମ ସ୍ଥାନକୁ ଖସିଗଲା ଭାରତର ଫିଫା ରାଙ୍କିଂ?
ଭାରତୀୟ ଫୁଟବଲ୍ ଦଳ ସାଫ୍ ଚାମ୍ପିଅନସିପ୍ ଫୁଟ୍ବଲ୍ ୨୦୨୬ ଜିତି ପାକିସ୍ତାନ ଉପରେ ନିଜର ପ୍ରାଧାନ୍ୟ ବଜାୟ ରଖିଛି। ଏହା ସତ୍ତ୍ୱେ ଦଳକୁ ସଦ୍ୟତମ ସାଫ ରାଙ୍କିଂରେ ଏକ ବିପର୍ଯ୍ୟୟର ସମ୍ମୁଖୀନ ହେବାକୁ ପଡ଼ିଛି।

ନୂଆଦିଲ୍ଲୀ: ଭାରତୀୟ ଫୁଟବଲ୍ ଦଳ ସାଫ୍ ଚାମ୍ପିଅନସିପ୍ ଫୁଟ୍ବଲ୍ ୨୦୨୬ ଜିତି ପାକିସ୍ତାନ ଉପରେ ନିଜର ପ୍ରାଧାନ୍ୟ ବଜାୟ ରଖିଛି। ଏହା ସତ୍ତ୍ୱେ ଦଳକୁ ସଦ୍ୟତମ ସାଫ ରାଙ୍କିଂରେ ଏକ ବିପର୍ଯ୍ୟୟର ସମ୍ମୁଖୀନ ହେବାକୁ ପଡ଼ିଛି। ଭାରତୀୟ ପୁରୁଷ ଫୁଟବଲ୍ ଦଳ ଦୁଇଟି ସ୍ଥାନ ଖସି ୧୪୦ତମ ସ୍ଥାନରେ ପହଞ୍ଚିଛି। ନ୍ୟୁଜିଲ୍ୟାଣ୍ଡ ବିପକ୍ଷରେ ଲଗାତାର ଦୁଇଟି କଡ଼ା ପରାଜୟ ଯୋଗୁଁ ଏହି ପରିସ୍ଥିତି ହୋଇଛି। ସାଫ ଚାମ୍ପିଅନସିପ୍ରେ ଭାରତୀୟ ଦଳ ଚମତ୍କାର ପ୍ରଦର୍ଶନ କରି ଟାଇଟଲ ଜିତିଛି। ଦଳ ପାକିସ୍ତାନକୁ ୩-୨, ମାଳଦ୍ୱୀପକୁ ୧-୦ ଏବଂ ଭୁଟାନକୁ ୨-୧ରେ ପରାସ୍ତ କରି ଫାଇନାଲରେ ପହଞ୍ଚିଥିଲା। ତା’ପରେ ସେମାନେ ପାକିସ୍ତାନକୁ ୨-୧ ଗୋଲ୍ରେ ପରାସ୍ତ କରି ଟ୍ରଫି ହାସଲ କରିଥିଲେ। ଏହି ଟୁର୍ଣ୍ଣାମେଣ୍ଟରେ ବିଜୟ ଭାରତୀୟ ଦଳର ଫିଫା ରାଙ୍କିଂକୁ ପ୍ରଭାବିତ କରିନଥିଲା।
ନଭେମ୍ବରରେ ଭାରତୀୟ ଦଳ ନ୍ୟୁଜିଲ୍ୟାଣ୍ଡ ବିପକ୍ଷରେ ଦୁଇଟି ମ୍ୟାଚ୍ ଖେଳିଥିଲା। ଉଭୟ ମ୍ୟାଚ୍କୁ ଫିଫା ରାଙ୍କିଂ ପାଇଁ ଆନୁଷ୍ଠାନିକ ଅନ୍ତର୍ଜାତୀୟ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଭାବରେ ଗଣନା କରାଯାଇଥିଲା। ପ୍ରଥମ ମ୍ୟାଚ୍ରେ ଭାରତୀୟ ଦଳ ଅକଲ୍ୟାଣ୍ଡରେ ୦-୫ରେ ଏକ ଶୋଚନୀୟ ପରାଜୟ ବରଣ କରିଥିଲା। ତା’ପରେ କ୍ରାଇଷ୍ଟଚର୍ଚ୍ଚରେ ଖେଳାଯାଇଥିବା ଦ୍ୱିତୀୟ ମ୍ୟାଚ୍ରେ ନ୍ୟୁଜିଲ୍ୟାଣ୍ଡ ଭାରତକୁ ୩-୦ରେ ପରାସ୍ତ କରିଥିଲା। ଏହି ଦୁଇଟି ପରାଜୟ ଭାରତକୁ ମୋଟ ୬.୪୪ ରାଙ୍କିଂ ପଏଣ୍ଟ ହରାଇବାକୁ ପଡିଲା। ଏହି କାରଣରୁ ସାଫ୍ ଚାମ୍ପିଅନସିପ୍ ଜିତିବା ସତ୍ତ୍ୱେ ଭାରତୀୟ ଦଳର ରାଙ୍କିଂ ହ୍ରାସ ପାଇଛି।
ଚାରି ମ୍ୟାଚ୍ରେ ୮.୧୩ ପଏଣ୍ଟ ହରାଇଲା
ଅକ୍ଟୋବରରେ ଭାରତୀୟ ଦଳ ବ୍ରାଜିଲ୍ ଏବଂ ଉରୁଗୁଏ ବିପକ୍ଷରେ ମଧ୍ୟ ପରାଜୟ ବରଣ କରିଛି। ଏହି ଫଳାଫଳ ଯୋଗୁଁ ଦଳର ରାଙ୍କିଂ ପଏଣ୍ଟ ମଧ୍ୟ ହ୍ରାସ ପାଇଛି। ଟିମ୍ ଇଣ୍ଡିଆ ତା’ର ଶେଷ ଚାରି ମ୍ୟାଚ୍ରେ ୮.୧୩ ପଏଣ୍ଟ ହରାଇଛି। ଏହା ଫିଫା ରାଙ୍କିଂରେ ମଧ୍ୟ ହ୍ରାସ ପାଇଛି।
ସୌଜନ୍ୟ ସମ୍ବାଦ




