ତେହେରାନ/କୁଏତ ସିଟି: ଉପସାଗରୀୟ ଦେଶର ବିମାନ ଚଳାଚଳ ମନ୍ତ୍ରଣାଳୟ ବୁଧବାର ଦିନ କହିଛି, କୁଏତ୍ ଅନ୍ତର୍ଜାତୀୟ ବିମାନବନ୍ଦରରେ ଏକ ଇରାନୀ ଡ୍ରୋନ୍ ଇନ୍ଧନ ଟାଙ୍କି ଉପରେ ମାଡ଼ ହୋଇଛି। ଯାହା ଫଳରେ ନିଆଁ ଲାଗିଯାଇଛି। ଏହି ଘଟଣାରେ କୌଣସି କ୍ଷୟକ୍ଷତିର ଖବର ନାହିଁ।
ଆକ୍ରମଣ କେବଳ ସୀମିତ କ୍ଷତି କରିଛି
ପ୍ରାରମ୍ଭିକ ସୂଚନା ଅନୁସାରେ, ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ଜେନେରାଲ ଅନଲାଇନରେ ପ୍ରକାଶିତ ଏକ ବିବୃତିରେ କହିଛି ଯେ, ଆକ୍ରମଣ କେବଳ ସୀମିତ କ୍ଷତି କରିଛି। ମୁଖପାତ୍ର ଅବଦୁଲ୍ଲା ଅଲ-ରାଜି କହିଛନ୍ତି, ସମ୍ପୃକ୍ତ କର୍ତ୍ତୃପକ୍ଷ ଜରୁରୀକାଳୀନ ପ୍ରକ୍ରିୟା କାର୍ଯ୍ୟକାରୀ କରିଛନ୍ତି ଏବଂ ନିଆଁ ନିୟନ୍ତ୍ରଣ ପାଇଁ ଅଗ୍ନିଶମ କର୍ମଚାରୀମାନଙ୍କୁ ନିୟୋଜିତ କରାଯାଇଛି।
ପୂର୍ବରୁ ମାର୍ଚ୍ଚ ୧୪ ତାରିଖରେ, ବେସାମରିକ ବିମାନ ଚଳାଚଳ କର୍ତ୍ତୃପକ୍ଷ ରିପୋର୍ଟ କରିଥିଲେ ଯେ ଏକାଧିକ ଡ୍ରୋନ୍ ଦ୍ୱାରା ଆକ୍ରମଣ ବିମାନବନ୍ଦରକୁ ଟାର୍ଗେଟ କରି କରାଯାଇଥିଲା। ଫଳରେ ରାଡାର ସିଷ୍ଟମ କ୍ଷତିଗ୍ରସ୍ତ ହୋଇଥିଲା। ସେହିପରି ମାର୍ଚ୍ଚ ୮ ତାରିଖରେ, ବିମାନ ବନ୍ଦରରେ ଇନ୍ଧନ ଟାଙ୍କିଗୁଡ଼ିକୁ ଟାର୍ଗେଟ କରି ଡ୍ରୋନ୍ ଆକ୍ରମଣ କରାଯାଇଥିଲା।
ସୌଜନ୍ୟ ସମ୍ବାଦ
-
-
-
-
-
