Indian Navy: ତୈଳ ଟ୍ୟାଙ୍କରରୁ ଅଫୁଟା କ୍ଷେପଣାସ୍ତ୍ର ହଟାଇଲା ଭାରତୀୟ ନୌସେନା
ଅଶୋଧିତ ତୈଳ ଟ୍ୟାଙ୍କର ଏମ୍ଟି ଅଲିମ୍ପିକ୍ ଲାଇଫରୁ ମିଳିଥିବା ଏକ ଅଫୁଟା କ୍ଷେପଣାସ୍ତ୍ରକୁ ଭାରତୀୟ ନୌସେନା ସଫଳତାର ସହ ବାହାର କରିଛି। ମାର୍ଶାଲ ଦ୍ୱୀପପୁଞ୍ଜର ପତାକା ଥିବା ଏହି ଜାହାଜରେ କୌଣସି ଭାରତୀୟ ନାଗରିକ ନ ଥିଲେ।
ନୂଆଦିଲ୍ଲୀ: ଅଶୋଧିତ ତୈଳ ଟ୍ୟାଙ୍କର ଏମ୍ଟି ଅଲିମ୍ପିକ୍ ଲାଇଫରୁ ମିଳିଥିବା ଏକ ଅଫୁଟା କ୍ଷେପଣାସ୍ତ୍ରକୁ ଭାରତୀୟ ନୌସେନା ସଫଳତାର ସହ ବାହାର କରିଛି। ମାର୍ଶାଲ ଦ୍ୱୀପପୁଞ୍ଜର ପତାକା ଥିବା ଏହି ଜାହାଜରେ କୌଣସି ଭାରତୀୟ ନାଗରିକ ନ ଥିଲେ। ୟୁଏଇର ଫୁଜେରାରୁ କୋଚି ଆସୁଥିବା ଜାହାଜରେ ମେ ୨୬ରେ ଓମାନ ଉପକୂଳରେ ବିସ୍ଫୋରଣ ହୋଇଥିବା ସୂଚନା ମିଳିଥିଲା। ପରେ ଟ୍ୟାଙ୍କରଟି କୋଚି ଅଭିମୁଖେ ଯାତ୍ରା ଜାରି ରଖିଥିବା ବେଳେ ଏକ ଅଫୁଟା କ୍ଷେପଣାସ୍ତ୍ରର ଉପସ୍ଥିତି ବିଷୟରେ ଅଧିକାରୀମାନଙ୍କୁ ସୂଚନା ଦିଆଯାଇଥିଲା।
ସତର୍କ ସୂଚନା ପାଇବା ପରେ ଭାରତୀୟ ନୌସେନା କୋଚିସ୍ଥିତ ଦକ୍ଷିଣ ନୌସେନା କମାଣ୍ଡର ବିସ୍ଫୋରକ ଅସ୍ତ୍ରଶସ୍ତ୍ର ନିଷ୍କାସନ (ଇଓଡି) ଟିମ୍କୁ ନିୟୋଜିତ କରିଥିଲା। ଦଳ ଜାଣିବାକୁ ପାଇଲା ଯେ, ଏକ ପ୍ରୋଜେକ୍ଟାଇଲ୍ ଜାହାଜର ଏକାଧିକ ଆଭ୍ୟନ୍ତରୀଣ ବିଭାଗ ଦେଇ ଯାଇ ଏକ ଇନ୍ଧନ ଟାଙ୍କି ଭିତରେ ରହିଯାଇଛି।
ଇନ୍ଧନ ସଂରକ୍ଷିତ ଅଞ୍ଚଳରେ ବିସ୍ଫୋରଣ ହୋଇନଥିବା ଯୁଦ୍ଧାସ୍ତ୍ରକୁ ପରିଚାଳନା କରିବାର ବିପଦକୁ ବିଚାରକୁ ନେଇ ନୌସେନା ଦଳ ଯୋଜନାବଦ୍ଧ ଢଙ୍ଗରେ ଏହି ଅପରେସନ କରିଥିଲା। ଆବଶ୍ୟକ ସୁରକ୍ଷା ପ୍ରଣାଳୀ ଅନୁସରଣ କରି ଇଓଡି ଦଳ ଯୁଦ୍ଧାସ୍ତ୍ର ଓ ଆନୁଷଙ୍ଗିକ ଆବର୍ଜନାକୁ ହଟାଇବା ପୂର୍ବରୁ ବିସ୍ଫୋରଣ ପ୍ରଣାଳୀକୁ ଖୋଜିବା ଓ ଅକ୍ଷମ କରିବା ପାଇଁ ସ୍ୱତନ୍ତ୍ର ଉପକରଣ ବ୍ୟବହାର କରିଥିଲା। ଉଦ୍ଧାର ହୋଇଥିବା ଗୋଳାବାରୁଦକୁ ଅଧିକ ପରୀକ୍ଷା ପାଇଁ ଏକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି।
ସୌଜନ୍ୟ ସମ୍ବାଦ
