Lost life over: ୧୭ ଲକ୍ଷ ସୁଧ ଟଙ୍କା ପାଇଁ ଜୀବନ ହାରିଲେ: ନିଆଁ ଲଗାଇ ଜଳିଗଲେ ଯୁବକ, ଶଳା ଗିରଫ, ଭିଣୋଇକୁ ଖୋଜୁଛି ପୁଲିସ
ଅଧିକ ସୁଧ ଦେବାର ଲୋଭ ଦେଖାଇ ଶଳା ଓ ଭିଣୋଇ ମିଶି କେୟାରଟେକର୍ଙ୍କଠାରୁ ଲକ୍ଷାଧିକ ଟଙ୍କା ନେଲେ। ହେଲେ ବର୍ଷ ବର୍ଷ ଧରି ନା ସୁଧ ଦେଲେ ନା ଟଙ୍କା ଫେରାଇଲେ। ଶେଷରେ ଟଙ୍କା ଦେଇଥିବା ଯୁବକ ମାନସିକ ଚାପ....
ଭୁବନେଶ୍ବର: ଅଧିକ ସୁଧ ଦେବାର ଲୋଭ ଦେଖାଇ ଶଳା ଓ ଭିଣୋଇ ମିଶି କେୟାରଟେକର୍ଙ୍କଠାରୁ ଲକ୍ଷାଧିକ ଟଙ୍କା ନେଲେ। ହେଲେ ବର୍ଷ ବର୍ଷ ଧରି ନା ସୁଧ ଦେଲେ ନା ଟଙ୍କା ଫେରାଇଲେ। ଶେଷରେ ଟଙ୍କା ଦେଇଥିବା ଯୁବକ ମାନସିକ ଚାପ ଓ ହତାଶା ମଧ୍ୟରେ ରହି ଦେହରେ ପେଟ୍ରୋଲ ଢାଳି ନିଆଁ ଲଗାଇ ଜୀବନ ହାରିଲେ। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଚନ୍ଦ୍ରଶେଖରପୁର ଥାନା କମଳାପ୍ଲାଜା ଆପାର୍ଟମେଣ୍ଟ ସମ୍ମୁଖରେ। ମୃତ ଯୁବକ ହେଲେ ଚନ୍ଦ୍ରଶେଖରପୁର ଥାନା ମହାବୀର ବସ୍ତିର ଅଶ୍ୱିନୀ କୁମାର ତାଣ୍ଡିଆ (୪୦)। ଏ ସଂପର୍କରେ ଚନ୍ଦ୍ରଶେଖରପୁର ଥାନା ପୁଲିସ ନଂ-୯୪୨ରେ ବିଏନ୍ଏସ୍ ଦଫା ୧୦୮, ୩୧୮ (୪), ୩(୫)ରେ ମାମଲା ରୁଜୁ କରି ଶଳା ବାଲେଶ୍ବର ସଦର ଥାନା ରସାଳପୁର ଅଞ୍ଚଳର ପ୍ରଭାସ ପଣ୍ଡା ଓରଫ ଜୁବ୍ଲି (୪୧)କୁ ଗିରଫ କରିଛି। ଭିଣୋଇ ଆଶିଷ ଦାସ ଫେରାର ଥିବାରୁ ତାକୁ ଗିରଫ ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ସୂଚନା ମୁତାବକ ପାଖାପାଖି ୨ବର୍ଷ ତଳେ ଅଶ୍ୱିନୀ କମଳାପ୍ଲାଜା ନିକଟରେ ଥିବା ଏକ ଆପାର୍ଟମେଣ୍ଟରେ କେୟାରଟେକର୍ ଭାବେ କାର୍ଯ୍ୟ କରୁଥିଲେ। ଏହି ସମୟରେ ନିକଟ ଆପାର୍ଟମେଣ୍ଟରେ ରହୁଥିବା ଆଶିଷଙ୍କ ସହ ତାଙ୍କର ସାକ୍ଷାତ ହୋଇଥିଲା। ଆଶିଷ ନିଜକୁ ଏକ ମାଇନିଂ ସଂସ୍ଥାର ପ୍ରଭାବଶାଳୀ ବ୍ୟକ୍ତି ଭାବେ ପରିଚୟ ଦେବା ସହ ଟଙ୍କା ନିବେଶ କଲେ ଉଚ୍ଚ ସୁଧହାରରେ ଅର୍ଥ ମିଳିବ ବୋଲି ପ୍ରତିଶ୍ରୁତି ଦେଇଥିଲା। ପାଖରେ ରହୁଥିବା ଶଳା ପ୍ରଭାସ ବି ଭିଣୋଇକୁ ପ୍ରଶଂସାରେ ପୋତି ପକାଇଥିଲା। ଶଳା-ଭିଣୋଇଙ୍କ ଚକ୍ରବ୍ୟୂହରେ ଫସି ଅଶ୍ବିନୀ ବିଭିନ୍ନ ଲୋଙ୍କଠାରୁ ଟଙ୍କା ଆଣି ଉଭୟଙ୍କୁ ଦେଇଥିଲେ। ବିଭିନ୍ନ ପର୍ଯ୍ୟାୟରେ ପାଖାପାଖି ୧୭ ଲକ୍ଷ ଟଙ୍କା ଦେଇଥିଲେ। କିଛିଦିନ ସେ ସୁଧ ପାଇଥିଲେ। ପରେ ଶଳା-ଭିଣୋଇ ଆଉ ଟଙ୍କା ଦେଇନଥିଲେ। ଯାହାକୁ ନେଇ ଚିନ୍ତାରେ
ପଡ଼ିଥିଲେ ଅଶ୍ବିନୀ। ବାରମ୍ବାର ଦୌଡ଼ିଥିଲେ ବି ସେମାନେ ଟଙ୍କା ଫେରସ୍ତ କରିବେ କଣ, ଓଲଟା ଧମକଚମକ ଦେଇଥିଲେ।
ସୌଜନ୍ୟ ସମ୍ବାଦ
