Mahima Makwana: ୧୪ ବର୍ଷରେ ଘର-ଗାଡ଼ି କିଣିଲେ ସତ, ହେଲେ ହରାଇଲେ ସବୁଠୁ ବଡ଼ ଜିନିଷ ! ସାମ୍ନାକୁ ଆସିଲା ଅଭିନେତ୍ରୀଙ୍କ ଅସଲ କାହାଣୀ
ନୂଆଦିଲ୍ଲୀ ୩୧।୦୭; ଅଧିକାଂଶ କଳାକାର ନିଜ ସ୍ୱପ୍ନ ପୂରଣ କରିବା ପାଇଁ ଶିଳ୍ପରେ ପ୍ରବେଶ କରନ୍ତି, କିନ୍ତୁ ମହିମା ମକୱାନା ତାଙ୍କ ପରିବାରକୁ ସାହାଯ୍ୟ କରିବା ପାଇଁ ଶିଳ୍ପରେ ଏଣ୍ଟ୍ରି କରିଥିଲେ। ବର୍ତ୍ତମାନ, ସେ ତାଙ୍କର ନୂତନ ସିରିଜ, ମୁସାଫିର କାଫେ ପାଇଁ ଚର୍ଚ୍ଚାରେ ଅଛନ୍ତି। ମହିମା OTT, ଫିଲ୍ମ ଏବଂ ଟିଭି ଶିଳ୍ପରେ ଏକ ଜଣାଶୁଣା ଚେହେରା। ସେ ନିଜ ଇଚ୍ଛାରେ ଅଭିନେତ୍ରୀ ହୋଇନଥିଲେ; ପରିସ୍ଥିତି ତାଙ୍କୁ ଅଭିନୟ କରିବାକୁ ବାଧ୍ୟ କରିଥିଲା।
୨୦୨୧ ମସିହାରେ, ରଣବୀର ଆଲ୍ଲାହାବାଦିଆଙ୍କ ପୋଡକାଷ୍ଟରେ ମହିମା କହିଥିଲେ, “ମୁଁ କେବଳ ୫ ମାସର ଥିଲି । ଯେତେବେଳେ ମୋ ବାପାଙ୍କ ଦେହାନ୍ତ ହୋଇଥିଲା। ମୋ ମାଆ ସେତେବେଳେ ଏକ NGOରେ କାମ କରୁଥିଲେ। ମୋ ଭାଇ ୨ ବର୍ଷର ଥିଲେ। ମୋ ମାଆ ସବୁବେଳେ ଜଣେ ଅଭିନେତ୍ରୀ ହେବାକୁ ଚାହୁଁଥିଲେ, କିନ୍ତୁ ହୋଇପାରିଲେ ନାହିଁ। ତେଣୁ ସେ ମୋତେ ଅଭିନୟ ଆଡ଼କୁ ଠେଲି ଦେଇଥିଲେ।
ସେ କହିଥିଲେ, “ମୁଁ ୯ ବର୍ଷ ବୟସରେ ଅଡିସନ୍ ଦେବା ଆରମ୍ଭ କରିଥିଲି। ମୁଁ ମୋ ମାଆଙ୍କୁ କହିଥିଲି ଯେ ମୁଁ ଅଭିନୟ କରିବାକୁ ଚାହୁଁନାହିଁ। ମୁଁ ଏହି ଦୁନିଆ ବିଷୟରେ ବୁଝିପାରୁନି । ମୁଁ ସ୍କୁଲରେ ଦିନର ଅଧା ପାଠ ପଢିକି ବସ୍ ଧରି ଅଡିସନ୍ ପାଇଁ ଯାଏଁ। କିନ୍ତୁ ମୋ ମାଆ ମୋତେ ଆଗକୁ ବଢାଇ ଚାଲିଥିଲେ।
ମହିମା କହିଛନ୍ତି ଯେ ଏହି ଶିଳ୍ପରେ ପ୍ରବେଶ କରିବାର ମୁଖ୍ୟ କାରଣ ଥିଲା ଯେ ସେ ତାଙ୍କ ପରିବାରକୁ ସାହାଯ୍ୟ କରିବାକୁ ଚାହୁଁଥିଲେ। ଏହି ଦାୟିତ୍ୱ ତାଙ୍କ ପିଲାଦିନକୁ ଛଡ଼ାଇ ନେଇଥିଲା। ମହିମା କୁହନ୍ତି ଯେ ସେ ସ୍କୁଲ ଏବଂ କଲେଜରେ ଅନ୍ୟ ପିଲାମାନଙ୍କ ପରି ଜୀବନଯାପନ କରିନଥିଲେ। ପରିବାରରେ ଅନ୍ୟ କୌଣସି ରୋଜଗାରକ୍ଷମ ସଦସ୍ୟ ନଥିଲେ। ଆମେ ଏକ ବସ୍ତିରେ ରହୁଥିଲୁ। ସମାଜ ଏବଂ ସମ୍ପର୍କୀୟମାନେ ମଧ୍ୟ ଆମକୁ ତଳସ୍ତରର ଭାବୁଥିଲେ।
ଅଭିନେତ୍ରୀ କହିଛନ୍ତି ଯେ ଗୋଟିଏ ଦିନ ତାଙ୍କ ମାଆ ତାଙ୍କୁ କହିଥିଲେ ଯେ ଏହି ଦୁନିଆ ଛାଡିବା ପୂର୍ବରୁ ତାଙ୍କର ଇଚ୍ଛା ଥିଲା ତାଙ୍କର ନିଜସ୍ୱ ଘର ହେବା। ମହିମା ୨୦୧୨ ରେ ଜୀ ଟିଭି ଶୋ ‘ସପନେ ସୁହାନେ ଲଡକପନ କେ’ ସହିତ ଫେମ୍ ପାଇଥିଲେ। ସେତେବେଳେ ତାଙ୍କର ବୟସ ମାତ୍ର ୧୩ ବର୍ଷ ଥିଲା। ଶୋ’ର ସଫଳତା ତାଙ୍କ ପରିବାରର ଆର୍ଥିକ ପରିସ୍ଥିତିକୁ ବଦଳାଇ ଦେଇଥିଲା।
ମହିମା କହିଛନ୍ତି, “ତା’ପରେ, ମୁଁ ମୋର ପ୍ରଥମ ଘର କିଣିଥିଲି। ମୁଁ ମାତ୍ର ୧୪ ବର୍ଷ ବୟସର ଥିଲି। ମୁଁ ମୀରା ରୋଡରେ ଏକ ଘର ଏବଂ ମୋର ପ୍ରଥମ କାର ମଧ୍ୟ କିଣିଥିଲି। ମୁଁ ମୋ ଜୀବନର ସୁନ୍ଦର ଦିନ, ସ୍କୁଲ ହରାଇଥିଲି। ମୁଁ କେବଳ ପରୀକ୍ଷା ପାଇଁ ସ୍କୁଲ ଯାଉଥିଲି। ଟିଭି ଷ୍ଟାର ହେବା ପୂର୍ବରୁ ମହିମା କିଛି ବର୍ଷ ପର୍ଯ୍ୟନ୍ତ ଶିଶୁ କଳାକାର ଏବଂ ଜୁନିଅର ଆର୍ଟିଷ୍ଟ ଭାବରେ କାମ କରିଥିଲେ। ସେହି ପ୍ରାରମ୍ଭିକ ଦିନଗୁଡ଼ିକରେ, ସେ ଅନେକ ନିରାଶାର ସମ୍ମୁଖୀନ ହୋଇଥିଲେ। ଶିଶୁ କଳାକାରମାନଙ୍କୁ ପ୍ରାୟତଃ କମ୍ ପାରିଶ୍ରମିକ ଦିଆଯାଉଥିଲା।
ମହିମାଙ୍କୁ ବାଳିକା ବଧୂର ସେଟରେ ମଧ୍ୟ ଅପମାନର ସମ୍ମୁଖୀନ ହେବାକୁ ପଡ଼ିଥିଲା। ଡାଏଲଗ କହିବା ସମୟରେ ନିର୍ଦ୍ଦେଶକ ତାଙ୍କୁ ପଚାରିଥିଲେ, “ଯଦି ତୁମେ ଅଭିନୟ କରିବାକୁ ଜାଣିନାହଁ, ତେବେ ତୁମେ ସେଠାରେ କାହିଁକି ଅଛ?” ମହିମା ଅସୁବିଧାର ସମ୍ମୁଖୀନ ହୋଇଥିଲେ, କିନ୍ତୁ ସେ ହାର ମାନିନଥିଲେ। ସେ କାମ ଜାରି ରଖିଥିଲେ।
୧୪ ବର୍ଷ ବୟସରେ ତାଙ୍କର ପ୍ରଥମ ଘର କିଣିବାର ପ୍ରାୟ ଏକ ଦଶନ୍ଧି ପରେ, ମହିମା ଆଉ ଏକ ସ୍ୱପ୍ନ ପୂରଣ କରିଥିଲେ। ଗତ ବର୍ଷ, ସେ ତାଙ୍କର ମୁମ୍ବାଇ ଦ୍ୱିତୀୟ ଘରର ଏକ ଝଲକ ସେୟାର କରିଥିଲେ, ଯେଉଁଠାରେ ସେ ତାଙ୍କ ମାଆଙ୍କ ସହିତ ରୁହନ୍ତି। ବାପା ନଥିବା ସତ୍ତ୍ୱେ, ସେ ବର୍ତ୍ତମାନ ମାତ୍ର ୨୬ ବର୍ଷ ବୟସରେ ଏକ ଘର, ଏକ ଗାଡ଼ି ଏବଂ ଲକ୍ଷ ଲକ୍ଷ ଟଙ୍କାର ମାଲିକାଣି। ଏଥିପାଇଁ, ତାଙ୍କର ଯେତେ ପ୍ରଶଂସା କଲେ ବି କମ୍ ହେବ ।
ସୌଜନ୍ୟ Prameya News7
