ଜୟପୁର: ରାଜସ୍ଥାନର ଜୟପୁରର ଶିପ୍ରା ପଥ ରୋଡରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩୦ ବର୍ଷ ବୟସ୍କା ମଡେଲ ହର୍ଷିଲ କାଳିଆଙ୍କ ମୃତ୍ୟୁ ଘଟିଛି। ସେ ସୋମବାର ବିଳମ୍ବିତ ରାତି ୧୧ଟା ୩୦ରେ କାମ ସାରି ଘରକୁ ଫେରୁଥିବା ବେଳେ ତାଙ୍କ କାର ନିୟନ୍ତ୍ରଣ ହରାଇ ରୋଡ଼ ଡିଭାଇଡରରେ ଧକ୍କା ଦେଇଥିଲା, ଯାହା ଫଳରେ ଗାଡିଟି ଓଲଟି ପଡ଼ିଥିଲା।
ପୋଷ୍ଟମର୍ଟମ ପରେ ମୃତଦେହ ହସ୍ତାନ୍ତର
ସେ ଗୁରୁତର ଆହତ ହୋଇଥିଲେ। ପାଖରେ ଥିବା ସ୍ଥାନୀୟ ଲୋକମାନେ ଗାଡ଼ିକୁ ସିଧା କରି ହର୍ଷିଲଙ୍କୁ ବାହାରକୁ ଟାଣି ବାହାର କରିଥିଲେ। ମୁଣ୍ଡରେ ଆଘାତ ଲାଗିଥିବାରୁ ତାଙ୍କୁ ଏକ ଘରୋଇ ହସ୍ପିଟାଲକୁ ନିଆଯାଇଥିଲା। ଡାକ୍ତରମାନେ ତାଙ୍କୁ ହସ୍ପିଟାଲରେ ମୃତ ଘୋଷଣା କରିଥିଲେ। ହର୍ଷିଲ ୱେବ୍ ସିରିଜ୍ କ୍ରାଇମ୍ ନେକ୍ସଟ୍ ଡୋର୍ରେ ଅଭିନୟ କରିଥିଲେ।
ସେ ଏକ ନ୍ୟୁଜ୍ ଚ୍ୟାନେଲରେ ମଧ୍ୟ ଆଙ୍କରିଂ କରୁଥିଲେ। ସେ ରାଜସ୍ଥାନୀ ଗୀତରେ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ସେ ମଡେଲିଂ କରୁଥିଲେ। ଶିପ୍ରା ପଥ ପୁଲିସ ଷ୍ଟେସନ୍ ମାମଲାର ତଦନ୍ତ କରୁଛନ୍ତି। ଦୁର୍ଘଟଣାର କାରଣ ତଦନ୍ତ କରାଯାଉଛି। ଗାଡିଟି ଦ୍ରୁତ ଗତିରେ ଯାଉଥିଲା ନା ଅନ୍ୟ କୌଣସି ଗାଡି ତାକୁ ଓଭରଟେକ୍ କରିଥିଲା ତାହା ପୁଲିସ ତଦନ୍ତ କରୁଛି। ତାଙ୍କ ବାପା ମଧ୍ୟ ସାମ୍ବାଦିକତା ସହିତ ଜଡିତ ଏବଂ ଏକ ଘରୋଇ ଖବରକାଗଜରେ କାମ କରନ୍ତି। ପୁଲିସ ପୋଷ୍ଟମର୍ଟମ କରି ମୃତଦେହ ପରିବାରକୁ ହସ୍ତାନ୍ତର କରିଛି।
ସୌଜନ୍ୟ ସମ୍ବାଦ
-
-
-
-
-
