ନୂଆଦିଲ୍ଲୀ: ଆମ୍ ଆଦମୀ ପାର୍ଟିର ସାଂସଦ ସଞ୍ଜୟ ସିଂହ ମୁଖ୍ୟ ନିର୍ବାଚନ କମିସନର (ସିଇସି) ଜ୍ଞାନେନ୍ଦ୍ର କୁମାରଙ୍କୁ ଏକ ଚିଠି ଲେଖି ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ତୁରନ୍ତ କାର୍ଯ୍ୟକାରୀ କରିବାକୁ ଦାବି କରିଛନ୍ତି।
ଏହି ନିର୍ଦ୍ଦେଶାବଳୀ ଅନୁଯାୟୀ,
ଏସଆଇଆର ପ୍ରକ୍ରିୟା ସମୟରେ ଭୋଟର ତାଲିକାରୁ ବାଦ୍ ଦିଆଯାଇଥିବା ଏବଂ ଅନୁପସ୍ଥିତ, ସ୍ଥାନାନ୍ତରିତ, ମୃତ ଏବଂ ଡୁପ୍ଲିକେଟ୍ (ଏଏସଡିଡି) ତାଲିକାରେ ଅନ୍ତର୍ଭୁକ୍ତ ହୋଇଥିବା ଭୋଟରମାନଙ୍କୁ ଭୋଟର ତାଲିକାରେ ପୁନଃ ଅନ୍ତର୍ଭୁକ୍ତ କରିବା ପାଇଁ ଗଣନା ଫର୍ମ ୮ ଦାଖଲ କରିବାକୁ ଅନୁମତି ଦିଆଯିବା ଉଚିତ୍। ସେ ବିଜେପିର ୩ କୋଟି ବାଂଲାଦେଶୀ ଅନୁପ୍ରବେଶକାରୀଙ୍କ ବିଷୟରେ ଥିବା ମନ୍ତବ୍ୟକୁ କଡ଼ା ସମାଲୋଚନା କରି ପଚାରିଛନ୍ତି, ଯଦି ଦେଶରେ ୩ କୋଟି ବାଂଲାଦେଶୀ ଅନୁପ୍ରବେଶକାରୀ ଅଛନ୍ତି, ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହ ଗତ ୧୨ ବର୍ଷ ଧରି କ’ଣ କରୁଛନ୍ତି? ସେମାନେ କ’ଣ ବସି ଘାସ କାଟୁଛନ୍ତି। ଅନୁପ୍ରବେଶକାରୀଙ୍କୁ ଏପର୍ଯ୍ୟନ୍ତ କାହିଁକି ବହିଷ୍କାର କରାଯାଇ ନାହିଁ?ସେ ଦାବି କରିଛନ୍ତି ଯେ, ସିଇସି ଜ୍ଞାନେଶ କୁମାର ୩ କୋଟି ନାମ ସାର୍ବଜନୀନ କରନ୍ତୁ। ନାମ ଦେଶ ସମ୍ମୁଖରେ ପ୍ରକାଶ କରନ୍ତୁ। ନଚେତ ମିଥ୍ୟା ପ୍ରଚାର କରିବା ବନ୍ଦ କରନ୍ତୁ।ସରକାର ଚୋର ଚୋର ମାଉସୀପୁଅ ଭାଇର ଖେଳ ଖେଳୁଛନ୍ତି । ମୁଁ ପ୍ରଥମ ଦିନରୁ କହିଆସୁଛି ଯେ ଏଥିରୁ କିଛି ବାହାରିବ ନାହିଁ, କାରଣ କିଏ ଚୋରି କରୁଛି? ବିଜେପି ଲୋକ। ଚୋରିର ଷଡ଼ଯନ୍ତ୍ର କିଏ କରୁଛି? ବିଜେପି ଲୋକ। ସେହି ଚୋରି ଟଙ୍କାରେ କିଏ ବଡ଼ ବଡ଼ କାର୍ଯ୍ୟାଳୟ ନିର୍ମାଣ କରୁଛି? ବିଜେପି ଲୋକ। ସେହି ଚୋରି ଟଙ୍କାରେ ସାଂସଦ ଏବଂ ବିଧାୟକଙ୍କୁ କିଏ କିଣୁଛି ବୋଲି ସେ ପ୍ରଶ୍ନ କରିଛନ୍ତି।
