Oman: ଓମାନ ସହ ବାଣିଜ୍ୟ ରାଜିନାମା: ୯୮% ଭାରତୀୟ ସାମଗ୍ରୀ ଟିକସମୁକ୍ତ

ଚୁକ୍ତି କରି ଏହାର ବ୍ୟବସାୟ ପରିସରକୁ ବଢ଼ାଇଛି। ୨୦୨୪-୨୫ରେ ଭାରତ-ଓମାନ ଦ୍ବିପାକ୍ଷିକ ବାଣିଜ୍ୟ କାରବାର ପରିମାଣ ୯୫,୭୦୦ କୋଟି ଡଲାର ଥିଲା। ସ୍ବାକ୍ଷରିତ ଚୁକ୍ତି ଅଧୀନରେ ଚିକିତ୍ସା ସୁବିଧା ପାଇଁ ଓମାନରୁ ଲୋକ ଭାରତ ଆସିବେ। ଫଳରେ ଦେଶରେ ମେଡିକାଲ୍ ପର୍ଯ୍ୟଟନ ବଢ଼ିବ। ଭାରତର ଛୋଟ ବ୍ୟବସାୟ ଓ ଉଦ୍ୟୋଗଗୁଡ଼ିକର ଜିନିଷ ଓମାନ ବଜାରରେ ପହଞ୍ଚିପାରିବ। ତେବେ ଏହି ଗୁରୁତ୍ବପୂର୍ଣ୍ଣ ଚୁକ୍ତିରେ ଦୁଗ୍ଧଜାତ ସାମଗ୍ରୀ, ସୁନା, ରୁପା ଓ ଚକୋଲେଟ୍‌କୁ ସାମିଲ କରାଯାଇନାହିଁ। ଦେଶର ଚାଷୀ ଏବଂ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମ୍ଏସ୍‌ଏମ୍ଇ) ସ୍ବାର୍ଥର ସୁରକ୍ଷା ପାଇଁ ଏହି ନିଷ୍ପତ୍ତି ନିଆଯାଇଛି। ଓମାନର ସେବା କ୍ଷେତ୍ର ଯଥା କମ୍ପ୍ୟୁଟର ସେବା, ବ୍ୟବସାୟ ଓ ପେସାଦାର ସେବା, ଶିକ୍ଷା, ସ୍ବାସ୍ଥ୍ୟ ଏବଂ ଗବେଷଣା ଓ ବିକାଶ କ୍ଷେତ୍ରରେ ଭାରତୀୟ କମ୍ପାନିଗୁଡ଼ିକ ୧୦୦ ପ୍ରତିଶତ ପୁଞ୍ଜିନିବେଶ କରିପାରିବେ।

ଏହି ସହଯୋଗିତା ସମ୍ପର୍କରେ ଶିଳ୍ପ ଓ ବାଣିଜ୍ୟମନ୍ତ୍ରୀ ପୀୟୂଷ ଗୋୟଲ କହିଛନ୍ତି ଯେ ବର୍ଷ ବର୍ଷ ଧରି ଦୁଇ ଦେଶ ଭିତରେ ଥିବା ପୁରୁଣା ସମ୍ପର୍କରେ ଏହା ହେଉଛି ଏକ ଐତିହାସିକ ମୁହୂର୍ତ୍ତ। ଏହା ଭାରତୀୟ ରପ୍ତାନିକାରୀ ଓ ପେସାଦାରମାନଙ୍କ ପାଇଁ ଆଗକୁ ବଢ଼ିବାର ନୂଆ ବାଟ ଖୋଲିବ ବୋଲି ସେ କହିଛନ୍ତି। ଗ୍ଲୋବାଲ ଟ୍ରେଡ୍‌ ଆଣ୍ଡ୍‌ ରିସର୍ଚ୍ଚଇନିସିଏଟିଭ୍ (ଜିଟିଆର୍‌ଆଇ)ର ପ୍ରତିଷ୍ଠାତା ଅଜୟ ଶ୍ରୀବାସ୍ତବ କହିଛନ୍ତି ଯେ ଏହା ଦ୍ବାରା ମଧ୍ୟପ୍ରାଚ୍ୟରେ ଭାରତର ଉପସ୍ଥିତି ଦୃଢ଼ ହେବ।

ସୌଜନ୍ୟ ସମ୍ବାଦ