Russia informed NIA: ଆମେରିକୀୟ ନାଗରିକ ଏବଂ ଛଅ ଜଣ ୟୁକ୍ରେନୀୟ ଗିରଫ ମାମଲା; ଏନ୍ଆଇଏକୁ ସୂଚନା ଦେଇଥିଲା ରୁଷ
ମିଆଁମାରରେ ଜାତିଗତ ସଶସ୍ତ୍ର ଗୋଷ୍ଠୀଗୁଡ଼ିକୁ ତାଲିମ ଦେବା ଅଭିଯୋଗରେ ଜାତୀୟ ତଦନ୍ତ ସଂସ୍ଥା (ଏନ୍ଆଇଏ) ଛଅ ଜଣ ୟୁକ୍ରେନୀୟ ନାଗରିକ ଏବଂ ଜଣେ ଆମେରିକୀୟ ନାଗରିକଙ୍କୁ ଗିରଫ କରାଯାଇଛି। ଯାହାଦ୍ବାରା ସେମାନଙ୍କୁ ଏନ୍ଆଇଏ ଗିରଫ କରିବାରେ ସଫଳ ହୋଇଥିଲା।
ନୂଆଦିଲ୍ଲୀ: ମିଆଁମାରରେ ଜାତିଗତ ସଶସ୍ତ୍ର ଗୋଷ୍ଠୀଗୁଡ଼ିକୁ ତାଲିମ ଦେବା ଅଭିଯୋଗରେ ଜାତୀୟ ତଦନ୍ତ ସଂସ୍ଥା (ଏନ୍ଆଇଏ) ଛଅ ଜଣ ୟୁକ୍ରେନୀୟ ନାଗରିକ ଏବଂ ଜଣେ ଆମେରିକୀୟ ନାଗରିକଙ୍କୁ ଗିରଫ କରାଯାଇଛି। ସେମାନେ କାର୍ଯ୍ୟକଳାପ ବିଷୟରେ ରୁଷ କର୍ତ୍ତୃପକ୍ଷ ସେମାନଙ୍କ ଭାରତୀୟ ପ୍ରତିପକ୍ଷଙ୍କ ସହ ସୂଚନା ଅଂଶୀଦାର କରିଥିବା କୁହାଯାଉଛି। ଯାହାଦ୍ବାରା ସେମାନଙ୍କୁ ଏନ୍ଆଇଏ ଗିରଫ କରିବାରେ ସଫଳ ହୋଇଥିଲା। ଭାରତୀୟ ଏଜେନ୍ସିଗୁଡ଼ିକ ଏବେ ଆମେରିକୀୟ ନାଗରିକ ମାଥ୍ୟୁ ଆରୋନ୍ ଭାନଡାଇକ୍ ଏବଂ ୟୁକ୍ରେନୀୟ ନାଗରିକଙ୍କୁ ସାହାଯ୍ୟ କରିଥିବା ଲୋକଙ୍କୁ ଚିହ୍ନଟ କରିବା ଉପରେ ଧ୍ୟାନ ଦେଉଛନ୍ତି। ଅଧିକାରୀମାନେ କହିଛନ୍ତି ଯେ ଭାରତୀୟ ଏଜେନ୍ସିଗୁଡ଼ିକ ଏବେ ସେହି ଲୋକମାନଙ୍କୁ ଚିହ୍ନଟ କରିବା ଉପରେ ଧ୍ୟାନ ଦେଉଛନ୍ତି ଯେଉଁମାନେ ଆମେରିକୀୟ ନାଗରିକ ମାଥ୍ୟୁ ଆରୋନ୍ ଭାନଡାଇକ୍ ଏବଂ ୟୁକ୍ରେନୀୟ ନାଗରିକମାନଙ୍କୁ ମିଜୋରାମ ଯାତ୍ରା ଏବଂ ମିଆଁମାର ପାର କରିବାରେ ସାହାଯ୍ୟ କରିଥିବେ। ଏହି ଗୋଷ୍ଠୀ ୨୦୨୪ ମସିହାରୁ ମିଆଁମାର ଯାତ୍ରା କରିଆସୁଥିଲେ। ଏନଆଇଏ କହିଛି ଯେ, ଏହି ବ୍ୟକ୍ତିମାନେ ବେଆଇନ ଭାବରେ ମିଆଁମାରରେ ପ୍ରବେଶ କରିଥିଲେ ଏବଂ ସେମାନେ ମିଆଁମାର-ଭିତ୍ତିକ ଜାତିଗତ ସଶସ୍ତ୍ର ଗୋଷ୍ଠୀ ପାଇଁ ଏକ ପୂର୍ବ-ନିର୍ଦ୍ଧାରିତ ତାଲିମ ପ୍ରଦାନ କରିଥିଲେ।
ମିଆଁମାର ଜୁଣ୍ଟାକୁ ଟାର୍ଗେଟ କରି ଡ୍ରୋନ୍ ଯୁଦ୍ଧ, ଡ୍ରୋନ୍ ଅପରେସନ୍, ସମାବେଶ ଏବଂ ଜାମିଂ ପ୍ରଯୁକ୍ତିବିଦ୍ୟା ଇତ୍ୟାଦି କ୍ଷେତ୍ରରେ ଭାରତରେ କାର୍ଯ୍ୟ କରୁଥିବା ଆତଙ୍କବାଦୀ ସଂଗଠନ/ଗ୍ୟାଙ୍ଗକୁ ସହାୟତା ଯୋଗାଇ ଦେଇଥିଲେ। ସୂଚନା ଆଧାରରେ ଏନ୍ଆଇଏ ପ୍ରାୟ ତିନି ମାସ ଧରି ଭାରତର ଉତ୍ତର-ପୂର୍ବ ଅଞ୍ଚଳରେ ସନ୍ଦିଗ୍ଧଙ୍କୁ ଠାବ କରିବା ପାଇଁ କାର୍ଯ୍ୟ କରୁଥିଲେ। ମାର୍ଚ୍ଚ ୧୩ ତାରିଖରେ ଦିଲ୍ଲୀ, ଲକ୍ଷ୍ନୌ ଏବଂ କୋଲକାତାର ବିମାନବନ୍ଦରରୁ ଏହି ସାତ ଜଣଙ୍କୁ ଗିରଫ କରାଯାଇଥିଲା। ଭାନଡାଇକ୍ , ମାକ୍ସିମ୍ ହୋନଚାରୁକ୍, ପେଟ୍ରୋ ହୁବ୍ରା, ସୁକମାନୋଭସ୍କି ଇଭାନ୍, ଷ୍ଟେଫାନକିଭ୍ ମାରିଅନ୍, ସ୍ଲିଭିଆକ୍ ତାରାସ୍ ଏବଂ କାମିନ୍ସକି ଭିକ୍ଟର ଆଦି ୭ ଜଣଙ୍କୁ ଦିଲ୍ଲୀର ଏକ କୋର୍ଟ ମାର୍ଚ୍ଚ ୨୭ ପର୍ଯ୍ୟନ୍ତ ଏନ୍ଆଇ ହେପାଜତକୁ ପଠାଇ ଦେଇଥିଲେ।
ବାକି ଆଠ ଜଣଙ୍କୁ ଖୋଜୁଛନ୍ତି ଅଧିକାରୀ
ଅଟକ ଥିବା ଛଅ ଜଣ ୟୁକ୍ରେନୀୟ ମିଆଁମାର ଯାତ୍ରା କରିଥିବା ୧୪ ଜଣଙ୍କ ଏକ ଗୋଷ୍ଠୀର ଅଂଶ ବୋଲି ଜଣାପଡ଼ିଛି। ଅନ୍ୟ ଆଠ ଜଣ ଏବେ ବି ମିଆଁମାରରେ ଅଛନ୍ତି କି ଭାରତ ଦେଇ ଚାଲିଯାଇଛନ୍ତି ତାହା କର୍ତ୍ତୃପକ୍ଷ ବର୍ତ୍ତମାନ ଜାଣିବାକୁ ଚେଷ୍ଟା କରୁଛନ୍ତି। ଆମେରିକୀୟ ଦୂତାବାସ କେବଳ ଏହା ବିଷୟରେ ଅବଗତ ଥିବା କହି ଅଧିକ କିଛି କହିବାକୁ ମନା କରିଦେଇଛି। ବୁଧବାର ଦିନ ଆମେରିକୀୟ ରାଷ୍ଟ୍ରଦୂତ ସର୍ଗିଓ ଗୋର୍ ସୋସିଆଲ ମିଡିଆରେ କହିଛନ୍ତି ଯେ ତାଙ୍କର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସହ ଏକ ଅତ୍ୟନ୍ତ ଫଳପ୍ରଦ ବୈଠକ ହୋଇଛି ଯେଉଁଥିରେ ଗୁରୁତ୍ୱପୂର୍ଣ୍ଣ ସୁରକ୍ଷା ଏବଂ ଭୂ-ରାଜନୈତିକ ପ୍ରସଙ୍ଗଗୁଡ଼ିକ ଉପରେ ଆଲୋଚନା କରାଯାଇଛି। ଆମେରିକା ଏବଂ ଭାରତ ମଧ୍ୟରେ ରଣନୈତିକ ସହଯୋଗ ଆଗକୁ ବଢ଼ି ଚାଲିଥିବା ସେ କହିଛନ୍ତି। ତେବେ ଆଲୋଚନାରେ ଭାନଡାଇକଙ୍କ ମାମଲା ସ୍ଥାନ ପାଇଛି କି ନାହିଁ ତାହା ନିଶ୍ଚିତ ହୋଇପାରି ନାହିଁ। ୟୁକ୍ରେନୀୟ ରାଷ୍ଟ୍ରଦୂତ ଓଲେକଜାଣ୍ଡର ପୋଲିସଚୁକ୍ କହିଛନ୍ତି, ତାଙ୍କ ଦେଶ ଛଅ ଜଣ ୟୁକ୍ରେନୀୟଙ୍କ ବିରୋଧରେ ତଦନ୍ତରେ ସହଯୋଗ କରିବାକୁ ପ୍ରସ୍ତୁତ ଏବଂ ଏହି ପ୍ରକ୍ରିୟାକୁ ଆମେ ନିରପେକ୍ଷ କରିବାକୁ ଚାହୁଁଛୁ। ଭାରତୀୟ ପକ୍ଷ ୟୁକ୍ରେନୀୟ ବିଶେଷଜ୍ଞମାନଙ୍କୁ ଏହି ମାମଲାରେ ସାମିଲ କରିବା ଉଚିତ । ୟୁକ୍ରେନ ୨୦୦୩ ମସିହାରୁ କାର୍ଯ୍ୟକାରୀ ହୋଇଥିବା ଅପରାଧିକ ମାମଲାରେ ପାରସ୍ପରିକ ଆଇନଗତ ସହାୟତା ଚୁକ୍ତିନାମାର ସର୍ତ୍ତାବଳୀ ଅନୁଯାୟୀ ସହଯୋଗ କରିବାକୁ ପ୍ରସ୍ତୁତ ଥିବା ପୋଲିସ ଚୁକ୍ କହିଛନ୍ତି।
ସୌଜନ୍ୟ ସମ୍ବାଦ
