Food Poisoning Under Probe କସ୍ତୁରବା ଗାନ୍ଧୀ ଉପ୍ରା ବିଦ୍ୟାଳୟରେ ଝାଡ଼ାବାନ୍ତି, ଆକ୍ରାନ୍ତଙ୍କ ସଂଖ୍ୟା ୯୨ ଟପିଲା

ସୂଚନା ଅନୁଯାୟୀ ଉକ୍ତ ହଷ୍ଟେଲରେ ଷଷ୍ଠରୁ ୧୦ମ ପର୍ଯ୍ୟନ୍ତ ୨୦୦ ଅନ୍ତେବାସୀଙ୍କ ରହିବା ବ୍ୟବସ୍ଥା ରହିଛି। ସେମାନଙ୍କ ମଧ୍ୟରୁ ପ୍ରାୟ ୧୯୦ ଜଣ ଛାତ୍ରୀ ହଷ୍ଟେଲରେ ରହୁଥିଲେ । ଗତକାଲି ପୂର୍ବାହ୍‌ଣରେ ଅନ୍ତେବାସୀଙ୍କୁ ଜଳଖିଆରେ ଛତୁଆ ଏବଂ ମଧ୍ୟାହ୍ନ ଭୋଜନରେ ଅଣ୍ଡା ତରକାରୀ ଦିଆଯାଇଥିଲା । ଅପରାହ୍ନ ୪ଟା ପାଖାପାଖି ସମୟରେ କିଛି ଛାତ୍ରୀ ଅସୁସ୍ଥତା ଅନୁଭବ କରିଥିଲେ। ପରେ ପେଟବ୍ୟଥା ଓ ବାନ୍ତି ହେବା ଆରମ୍ଭ ହୋଇଥିଲା । ହଷ୍ଟେଲରେ ରହୁଥିବା ମାଟ୍ରନ ଓ ୱାର୍ଡେନ ସେମାନଙ୍କୁ ଓଆର୍‌ଏସ୍ ଦେଇ ପ୍ରଧାନଶିକ୍ଷକଙ୍କୁ ଜଣାଇଥିଲେ। ଧୀରେ ଧୀରେ ସଂଖ୍ୟା ୨୦ରେ ପହଞ୍ଚିଥିଲା।