Badrinath: ବଦ୍ରିନାଥ ତପ୍ତ କୁଣ୍ଡରେ ସ୍ନାନ କରୁଥିବା ଭକ୍ତଙ୍କ ପାଇଁ ସତର୍କତା

ରିପୋର୍ଟ ଅନୁସାରେ, ସେପ୍ଟେମ୍ବର ୧୧ ସକାଳେ ରାଜସ୍ଥାନର ଦୁଇ ଭଉଣୀ ବଦ୍ରିନାଥ ମନ୍ଦିର ନିକଟସ୍ଥ ତପ୍ତ କୁଣ୍ଡରେ ସ୍ନାନ କରୁଥିଲେ। ମୃତ ଦୁଇ ମହିଳାଙ୍କ ମଧ୍ୟରୁ ଜଣଙ୍କ ବୟସ ୭୧ ବର୍ଷ ଏବଂ ଅନ୍ୟଜଣଙ୍କ ବୟସ ୬୩ ବର୍ଷ ବୋଲି ଜଣାପଡ଼ିଛି। ଧାର୍ମିକ ବିଶ୍ୱାସରେ ସେମାନେ ତପ୍ତ କୁଣ୍ଡରେ ୧୦୮ ଥର ବୁଡ଼ ପକାଇଥିଲେ ତା’ପରେ ତାଙ୍କର ମୃତ୍ୟୁ ହାଇଥିବା ରିପୋର୍ଟରେ ଉଲ୍ଲେଖ ରହିଛି।

ଗରମ ପାଣିରେ ଅଧିକ ସମୟ ରହିବା ବିପଦ

ବଦ୍ରିନାଥ ମନ୍ଦିରକୁ ଯିବା ପୂର୍ବରୁ ତପ୍ତ କୁଣ୍ଡରେ ସ୍ନାନ କରିବାର ଧାର୍ମିକ ପରମ୍ପରା ରହିଛି। ତେବେ ଏହି ଗରମ ପାଣିରେ ଦୀର୍ଘ ସମୟ ରହିବା ସ୍ୱାସ୍ଥ୍ୟ ପାଇଁ ବିପଦଜନକ ହୋଇପାରେ। ରିପୋର୍ଟ ଅନୁସାରେ, ତପ୍ତ କୁଣ୍ଡର ପାଣିର ତାପମାତ୍ରା ପ୍ରାୟ ୪୫ରୁ ୫୫ ଡିଗ୍ରି ସେଲସିୟସ୍ ମଧ୍ୟରେ ରହିଥାଏ। ଏପରି ଗରମ ପାଣିରେ ରହିଲେ ଶରୀରର ରକ୍ତବାହୀ ନଳୀ ପ୍ରଶସ୍ତ ହୋଇ ରକ୍ତଚାପ କମିପାରେ। ଏହା ସହ ଶରୀରକୁ ଆରାମ ମିଳିଥାଏ। ତେବେ ଗରମ ପାଣିରେ ଅଧିକ ସମୟ ରହିବା ଦ୍ୱାରା ଶରୀରରେ ଅତ୍ୟଧିକ ତାପ ବୃଦ୍ଧି, ଡିହାଇଡ୍ରେସନ୍ ଓ ରକ୍ତଚାପ ହ୍ରାସ ଭଳି ସମସ୍ୟା ଦେଖାଦେଇପାରେ। ତେଣୁ ତପ୍ତ କୁଣ୍ଡରେ ୧୦ରୁ ୧୫ ମିନିଟ୍ରୁ ଅଧିକ ସମୟ ନ ରହିବାକୁ ପରାମର୍ଶ ଦିଆଯାଇଛି।