ଦେଶ ବିଦେଶ
ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ଆଜିଠାରୁ ସିଜେପିର ଦେଶବ୍ୟାପୀ ଆନ୍ଦୋଳନ
ଜ୍ଞାନେଶ କୁମାରଙ୍କ ବିରୋଧରେ ଆପରାଧିକ ମାମଲା ରୁଜୁ କରିବାପାଇଁ ଏବଂ ସିଇସି ନିଯୁକ୍ତି ପ୍ରକ୍ରିୟାରେ ସ୍ବଚ୍ଛତା ରଖିବାପାଇଁ ଦୀପ୍କେ ଦାବି କରିଛନ୍ତି । ଦୀପ୍କେ ମୁମ୍ବାଇରେ କହିଛନ୍ତି, ସିଇସି ନିଯୁକ୍ତିରେ ସ୍ବଚ୍ଛତା ରହିବା ଉଚିତ ଏବଂ ଏଥିରେ ସିଭିଲ୍ ସୋସାଇଟିର ସମ୍ପୃକ୍ତି ରହିବା ଉଚିତ । ସିଜେପି ମୁଖ୍ୟ ମୁଖପାତ୍ର ସୌରଭ ଦାସ କହିଛନ୍ତି, ଆନ୍ଦୋଳନ ମୁମ୍ବାଇର ଶିବାଜୀ ପାର୍କରେ ଆରମ୍ଭ ହେବ ଏବଂ ପରେ ଏହା ଦେଶର ଅନ୍ୟ ସ୍ଥାନରେ ଚାଲିବ ।
ନୂଆଦିଲ୍ଲୀ : ମୁଖ୍ୟ ନିର୍ବାଚନ କମିସନର (ସିଇସି) ଜ୍ଞାନେଶ କୁମାରଙ୍କ ଇସ୍ତଫା ଦାବିରେ କକ୍ରୋଚ୍ ଜନତା ପାର୍ଟି (ସିଜେପି) ଆସନ୍ତାକାଲିଠାରୁ ଦେଶବ୍ୟାପୀ ଆନ୍ଦୋଳନ କରିବ । ସିଜେପିର ଏହି ଆନ୍ଦୋଳନ ମୁମ୍ବାଇରୁ ଆରମ୍ଭ ହେବ । ଆଜି ସିଜେପି ପ୍ରତିଷ୍ଠାତା ଅଭିଜିତ ଦୀପକେ କହିଛନ୍ତି, ନିର୍ବାଚନ କମିସନ୍ ମୁଖ୍ୟ ଇସ୍ତଫା ନଦେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ।
ସୌଜନ୍ୟ ସମ୍ବାଦ
