Vaibhav: ବୈଭବଙ୍କୁ ଛିଗୁଲେଇ ସୈମ ସମାଲୋଚିତ: ଅହଙ୍କାର ଦେଖାଇଲେ, ମୁହଁତୋଡ଼ ଜବାବ ପାଇଲେ

ଅହଙ୍କାର ଦେଖାଇଲେ, ମୁହଁତୋଡ଼ ଜବାବ ପାଇଲେ 
ନିଜ ଦେଶରେ ପାକ୍ ଖେଳାଳିଙ୍କୁ ଗାଳି ଓ ଟ୍ରୋଲ୍

ଫାଇନାଲରେ ବୈଭବ ଆରମ୍ଭରୁ ଆକ୍ରମଣାତ୍ମକ ଖେଳି ୯ଟି ବଲ୍‌ରୁ ୧୫ ରନ୍‌ ସଂଗ୍ରହ କରିଥିଲେ। ତାଙ୍କ ବ୍ୟାଟ୍‌ରୁ ଦୁଇଟି ଛକା ମଧ୍ୟ ବାହାରିଥିଲା। ତେବେ ଆୟୁବଙ୍କ ବଲ୍‌ରେ ବୈଭବ ଆଉଟ ହେବା ପରେ ସୈମ ତାଙ୍କୁ ଶିଶୁ ବୋଲି କଟାକ୍ଷ କରି ଉପହାସ କରିଥିଲେ। ତେବେ ଏହି ଘଟଣାରେ ପ୍ରତିକ୍ରିୟାଶୀଳ ହେବା ପରିବର୍ତ୍ତେ ଭାରତୀୟ ଦଳର ଅନ୍ୟତମ ଓପନର୍ ଅଭିଷେକ ଶର୍ମା ବ୍ୟାଟ୍‌ରେ ହିଁ ଏହାର ଜବାବ ଦେଇଥିଲେ। ସୈମଙ୍କ ସେହି ଓଭରରେ ହିଁ ଅଭିଷେକ ଚୌକା ଓ ଛକା ବର୍ଷା କରି ପାକିସ୍ତାନୀ ବୋଲରଙ୍କ ଅହଙ୍କାରକୁ ଚୂରମାର କରିଦେଇଥିଲେ। ଭାରତ ୧୯ ରନ୍‌ରେ ବିଜୟୀ ହୋଇ ସ୍ୱର୍ଣ୍ଣପଦକ ବି ହାସଲ କରିଥିଲା। ବିଜୟ ପରେ ଭାରତୀୟ ଖେଳାଳିମାନେ ମଧ୍ୟ ପାକିସ୍ତାନୀ ଖେଳାଳିଙ୍କ ପୂର୍ବ ଅଙ୍ଗଭଙ୍ଗୀକୁ ମନେ ପକାଇ ସମାନ ଢଙ୍ଗରେ ପାଲଟା ଜବାବ ଦେଇଥିବା ଭିଡିଓ ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରିଛି।