ନୂଆଦିଲ୍ଲୀ,୦୬/୧୦: ଭାରତରେ ପାର୍ବଣ ଋତୁ ଆରମ୍ଭ ହେବା ସହିତ, ଅନଲାଇନ୍ ସପିଂ, ୟୁପିଆଇ ପେମେଣ୍ଟ ଏବଂ ଡିଜିଟାଲ୍ ଅଫରର ବ୍ୟବହାର ବହୁତ ବୃଦ୍ଧି ପାଏ। ମୋବାଇଲ୍ ଫୋନ ଗୁଡ଼ିକୁ ସେର୍ ଏବଂ କ୍ୟାସବ୍ୟାକ୍ ବିଷୟରେ ବାରମ୍ବାର ମେସେଜ ଆସୁଛି। ଇ-କମର୍ସ ଆପ୍ସରେ ଅଫର ଭରପୁର ଦେଖିବାକୁ ମିଳେ ଏବଂ ପ୍ରାୟତଃ ଡେଲିଭରି, ରିଫଣ୍ଡ କିମ୍ବା ବ୍ୟାଙ୍କିଂ ସମ୍ବନ୍ଧୀୟ ମେସେଜ୍ ଦେଖାଯାଏ। ସାଇବର ଅପରାଧୀମାନେ ମଧ୍ୟ ଏହି ବର୍ଦ୍ଧିତ ଡିଜିଟାଲ୍ କାର୍ଯ୍ୟକଳାପର ଫାଇଦା ନେବାକୁ ଚେଷ୍ଟା କରନ୍ତି।
ପର୍ବପର୍ବାଣୀ ସମୟରେ ଲୋକମାନେ କିଣାକିଣି, ବୁଲାବୁଲି ଏବଂ ପେମେଣ୍ଟ କରିବାରେ ବ୍ୟସ୍ତ ଥାଆନ୍ତି। ଏପରି ପରିସ୍ଥିତିରେ, ଠକମାନେ ନକଲି ରିହାତି, କ୍ୟାସବ୍ୟାକ୍, ରିଫଣ୍ଡ କିମ୍ବା ଗୁରୁତ୍ୱପୂର୍ଣ୍ଣ ଅପଡେଟ୍ ପ୍ରଦାନ କରି ଲୋକଙ୍କୁ ତରବର ନିଷ୍ପତ୍ତି ନେବାକୁ ବାଧ୍ୟ କରିପାରନ୍ତି। କ୍ୱିକ୍ ହିଲର ଇଣ୍ଡିଆ ସାଇବର ଥ୍ରେଟ୍ ରିପୋର୍ଟ ୨୦୨୫ ଅନୁଯାୟୀ, ଭାରତରେ ୮.୪୪ ମିଲିୟନ ଏଣ୍ଡପଏଣ୍ଟରେ ୩୬୯.୦୧ ମିଲିୟନ ମାଲୱେର୍ ଚିହ୍ନଟ କରାଯାଇଛି। ଏହାର ଅର୍ଥ ହେଉଛି ପ୍ରତି ମିନିଟରେ ହାରାହାରି ୭୦୨ ଟି ମାଲଓ୍ବେର୍ ଡିଟେକ୍ସନ ହୋଇଛି। ତେଣୁ, ପର୍ବପର୍ବାଣୀ ସମୟରେ କିଛି ଛୋଟ ସତର୍କତା ଅବଲମ୍ବନ କରିବା ଅନଲାଇନ୍ ଠକେଇରୁ ରକ୍ଷା କରିବାରେ ବହୁତ ସାହାଯ୍ୟ କରିପାରିବ।
ସୌଜନ୍ୟ ପ୍ରମେୟ
