Firecracker explosion: ଘର ଭିତରେ ବିସ୍ଫୋରଣ ହେଲା ବାଣ; ଜଣେ ମୃତ, ୪ ଜଣ ଗୁରୁତର

ଜଗତସିଂହପୁରଜିଲ୍ଲା ତିର୍ତୋଲ ଥାନା ଅଧୀନ ମହିଲ ଗ୍ରାମରେ ଆଜି ଅପରାହ୍‌ଣରେ ମନୋରଂଜନ ସ୍ବାଇଁଙ୍କର ଘରେ ବାଣ ଭିଡ଼ା ଚାଲିଥିଲା। ଏହି ସମୟରେ କୌଣସି କାରଣରୁ ବାଣ ଫୁଟିବା ଆରମ୍ଭ ହୋଇଥିଲା। ଘଟଣାସ୍ଥଳରୁ ପରିବାରର ଲୋକମାନେ ଖସିବାକୁ ଚାହୁଁଥିଲେ ମଧ୍ୟ, ସେଠାରୁ ସୁରକ୍ଷିତ ଭାବେ ବାହାରି ପାରି ନଥିଲେ। ବାଣର ନିଆଁ ସେମାନଙ୍କୁ କ୍ଷତବିକ୍ଷତ କରି ଚାଲିଥିଲା।

ବାଣ ଫୁଟିବାର ଶଦ୍ଦ ଶୁଣି ପଡ଼ୋଶୀମାନେ ଘଟଣାସ୍ଥଳକୁ ଦୌଡ଼ି ଆସିଥିଲେ। ସ୍ଥାନୀୟ ପୁଲିସକୁ ସୂଚନା ଦିଆଯାଇଥିଲା। ପରେ ସମସ୍ତଙ୍କୁ ଉଦ୍ଧାର କରାଯାଇ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ସେଠାରେ ଡାକ୍ତର ମ‌ନୋରଂଜନ ସ୍ବାଇଁଙ୍କୁ ମୃତ ଘୋଷଣା କରିଥିଲା ବେଳେ ଅନ୍ୟ ୪ ଜଣଙ୍କୁ ପ୍ରାଥମିକ ଚିକିତ୍ସା କରିଥିଲେ। ମାତ୍ର ସେମାନେ ଗୁରୁତର ଥିବାରୁ ଜଗତସିଂପୁର ଜିଲ୍ଲା ବଡ଼ଡାକ୍ତରଖାନାକୁ ସ୍ଥାନାନ୍ତରିତ କରିଥିଲେ।