Welcome Director : ନାନା ପାଟେକରଙ୍କ ମୃତ୍ୟୁ ଖବର ପାଇ ଭାଙ୍ଗିପଡ଼ିଛନ୍ତି ‘ୱେଲକମ୍’ ନିର୍ଦ୍ଦେଶକ; କଥା ହେବା ପାଇଁ କରିଦେଇଛନ୍ତି ମନା

ନାନାଙ୍କ ମୃତ୍ୟୁ ପରେ ଅନୀସ ବଜ୍‌ମୀଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ି ଯାଇଛି।  ସେ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି ଯେ, ଏହି ସମୟରେ ସେ କାହା ସହ କଥା ହେବାର ସ୍ଥିତିରେ ନାହାନ୍ତି।

‘ମୁଁ କଥା ହେବାର ସ୍ଥିତିରେ ନାହିଁ’

ନାନା ପାଟେକରଙ୍କ ମୃତ୍ୟୁ ଖବର ପାଇବା ପରେ ଅନୀସ ବଜ୍‌ମୀ ଇନ୍‌ଷ୍ଟାଗ୍ରାମ୍‌ରେ ତାଙ୍କ ସହ ଏକ ଫଟୋ ସେୟାର କରି ଲେଖିଛନ୍ତି—‘ଗଭୀର ଭାବେ ମର୍ମାହତ… ଅସହ୍ୟ ଯନ୍ତ୍ରଣା… ଏହା ଏକ ଅପୂରଣୀୟ କ୍ଷତି। ଏହି ସମୟରେ ମୁଁ କଥା ହେବାର ସ୍ଥିତିରେ ନାହିଁ। ମୁଁ ଗଭୀର ଭାବେ ମର୍ମାହତ ଏବଂ ଯାହା ଘଟିଛି, ତାହାକୁ ଏପର୍ଯ୍ୟନ୍ତ ଗ୍ରହଣ କରିପାରୁନାହିଁ। ଦୟାକରି ମୋତେ କିଛି ସମୟ ଦିଅନ୍ତୁ। ସତ କହିବାକୁ ଗଲେ, ଏହି ସମୟରେ ମୋ ପାଖରେ କହିବା ପାଇଁ ନା ଶବ୍ଦ ଅଛି, ନା ସେଭଳି ମାନସିକ ସ୍ଥିତି। ଏହା ମୋ ପାଇଁ ଏବଂ ଆମ ସମସ୍ତଙ୍କ ପାଇଁ ଏକ ଅସହ୍ୟ କ୍ଷତି ଓ ଅସହ୍ୟ ଯନ୍ତ୍ରଣା। ଆପଣମାନେ ମୋ ପରିସ୍ଥିତି ବୁଝି ପାରୁଥିବେ ବୋଲି ଆଶା କରୁଛି।’