Kangana-Madhavan pair: ପୁଣି କଙ୍ଗନା-ମାଧବନ ଯୋଡ଼ି!

୨୦୧୧ ମସିହାରେ ‘ତନୁ ୱେଡ୍‌ସ ମନୁ’ ଏବଂ ୨୦୧୫ରେ ଏହାର ଦ୍ୱିତୀୟ ଭାଗ ‘ତନୁ ୱେଡ୍‌ସ ମନୁ ରିଟର୍ନସ୍‌’ର ନିର୍ଦ୍ଦେଶନା ଦେଇଥିଲେ ଆନନ୍ଦ ଏଲ୍ ରାୟ। ଉଭୟ ଫିଲ୍ମ ଦର୍ଶକଙ୍କ ମଧ୍ୟରେ ବେଶ୍ ଲୋକପ୍ରିୟ ହୋଇଥିଲା। କଙ୍ଗନା ରାଣାୱତଙ୍କ ଜୀବନ୍ତ ଅଭିନୟ ଓ ଆର୍. ମାଧବନଙ୍କ ସରଳ ସାବଲୀଳ ଅଭିନୟ ଦର୍ଶକଙ୍କ ମନ ଜିତିଥିଲା। ତେଣୁ ଏହାର ତୃତୀୟ ଭାଗରେ ମଧ୍ୟ ଏହି ଯୋଡ଼ିଙ୍କୁ ଦେଖିବାକୁ ମିଳିବା ନେଇ ନିର୍ଦ୍ଦେଶକଙ୍କ ବୟାନ ପ୍ରଶଂସକଙ୍କ ମଧ୍ୟରେ ଉତ୍ସାହ ବଢ଼ାଇଛି। ଏହି ଫିଲ୍ମର ତୃତୀୟ ଭାଗ ନିର୍ମାଣ ପାଇଁ ଭଲ କାହାଣୀ ମିଳିବା ଜରୁରି ବୋଲି ଆନନ୍ଦ ସୂଚାଇଛନ୍ତି। ତାଙ୍କ ମତରେ, ଗୋଟାଏ ସିନେମାର ସଫଳତା ପାଇଁ ବଜେଟ୍‌ଠାରୁ କାହାଣୀର ଗୁରୁତ୍ୱ ଅଧିକ। ତେଣୁ ଦର୍ଶକଙ୍କୁ ଆକର୍ଷିତ କରିପାରୁଥିବା ପରି ଏକ ଭଲ କାହାଣୀ ମିଳିଲେ ହିଁ ଏହି ଲୋକପ୍ରିୟ ଫ୍ରାଞ୍ଚାଇଜ୍‌ର ତୃତୀୟ ଭାଗ ନିର୍ମାଣ ଦିଗରେ ନିର୍ଦ୍ଦେଶକ ଆଗକୁ ବଢ଼ିବେ ବୋଲି ଆଶା କରାଯାଉଛି।