Asian Games Cricket: ସେମି ଫାଇନାଲ୍ରେ କାହା ସହ ଫାଇଟ୍ କରିବ ଭାରତ ? ନେପାଳ ସ୍ବପ୍ନ ଧୂଳିସାତ କଲା ବର୍ଷା
ନୂଆଦିଲ୍ଲୀ,୨୯/୦୯; ଏସିଆନ୍ ଗେମ୍ସ ୨୦୨୬ରେ କ୍ରିକେଟ୍ ପାଇଁ ଖଳନାୟକ ସାଜିଛି ବର୍ଷା । ବର୍ଷା କ୍ରିକେଟର ରୋମାଞ୍ଚକୁ ନଷ୍ଟ କରିଦେଇଛି। ଦଳର ଆଶା ଧୋଇ ଯାଇଛି । କେବଳ ସେହି ଦଳଗୁଡିକ ବର୍ଷା ଦ୍ୱାରା ଉପକୃତ ହୋଇଛନ୍ତି, ଯେଉଁମାନଙ୍କର ଆଇସିସି ରାଙ୍କିଙ୍ଗ ଭଲ । ୨୦ତମ ଏସୀୟ କ୍ରୀଡ଼ାର ପୁରୁଷ କ୍ରିକେଟ୍ ଇଭେଣ୍ଟର ତୃତୀୟ କ୍ୱାର୍ଟର ଫାଇନାଲ୍ ମଧ୍ୟ ବାତିଲ ହୋଇଛି। ଶ୍ରୀଲଙ୍କା ଓ ନେପାଳ ମଧ୍ୟରେ ଖେଳାଯାଇଥିବା ମ୍ୟାଚରେ ଗୋଟିଏ ବଲ୍ ଖେଳାଯିବା ତ ଦୂରର କଥା, ଗୋଟିଏ ଟସ୍ ମଧ୍ୟ ହୋଇନଥିଲା । ମ୍ୟାଚ୍ ବାତିଲ ହେବାରୁ ଶ୍ରୀଲଙ୍କାକୁ ସେମିଫାଇନାଲ ପାଇଁ ଟିକେଟ୍ ଦିଆଯାଇଥିଲା । ଶ୍ରୀଲଙ୍କା ସେମିଫାଇନାଲ ଖେଳିବା ପାଇଁ ଲାଇସେନ୍ସ ପାଇବାର କାରଣ ହେଉଛି ଏହାର ଆଇସିସି ରାଙ୍କିଙ୍ଗ, ଯାହା ଟି-୨୦ରେ ନେପାଳଠାରୁ ଭଲ । ଭାରତ ବିପକ୍ଷରେ ସେମି ଫାଇନାଲ ଖେଳିବ ଶ୍ରୀଲଙ୍କା ।
ଏସୀୟ କ୍ରୀଡ଼ା ୨୦୨୬ରେ ଶ୍ରୀଲଙ୍କା ବିପକ୍ଷ ମ୍ୟାଚ୍ ନେପାଳ ପାଇଁ ଐତିହାସିକ ଥିଲା । ଏହାର କାରଣ ହେଉଛି ଶ୍ରୀଲଙ୍କା ବିପକ୍ଷରେ ଏହା ନେପାଳର ପ୍ରଥମ ଅନ୍ତର୍ଜାତୀୟ ମ୍ୟାଚ୍ ହୋଇଥାନ୍ତା । ତେବେ ବର୍ଷା ଯୋଗୁଁ ନେପାଳ ଏହି ସଫଳତା ହାସଲ କରିବାରେ ବାଧା ସୃଷ୍ଟି କରିଥିଲା । ଶ୍ରୀଲଙ୍କା ପୂର୍ବରୁ ଭାରତ ଓ ପାକିସ୍ତାନ ଦଳ ମଧ୍ୟ ବର୍ଷା ଯୋଗୁଁ ସେମିଫାଇନାଲରେ ପ୍ରବେଶ କରିଛନ୍ତି । ବର୍ଷା ଯୋଗୁଁ ଭାରତ ଓ ପାକିସ୍ତାନ ମଧ୍ୟରେ ଖେଳାଯିବାକୁ ଥିବା କ୍ୱାର୍ଟର ଫାଇନାଲ ମଧ୍ୟ ବାତିଲ ହୋଇଥିଲା । ଫଳସ୍ୱରୂପ, ପ୍ରତିଦ୍ୱନ୍ଦ୍ୱୀଙ୍କଠାରୁ ଭଲ ମାନ୍ୟତା ଆଧାରରେ ତାଙ୍କୁ ସେମିଫାଇନାଲକୁ ଟିକେଟ୍ ଦିଆଯାଇଥିଲା । ନେପାଳ ଗ୍ରୁପ ଏରେ ଶକ୍ତିଶାଳୀ ଆଫଗାନିସ୍ତାନକୁ ୫ ୱିକେଟରେ ହରାଇଥିଲା । ଗ୍ରୁପରେ ଟପ୍ ପୋଜିସନ୍ ହାସଲ କରିଥିଲା । କ୍ୱାର୍ଟରରେ ସ୍ଥାନ ପକ୍କା କରିଥିଲା । କିନ୍ତୁ ବର୍ଷା ଏବଂ ପାଣିପାଗ ନେପାଳ ସ୍ୱପ୍ନକୁ ଧୂଳିସାତ କରିଛି ।
ସୌଜନ୍ୟ ପ୍ରମେୟ
