ଡିସେମ୍ବର ୨୯ ତାରିଖ, ସୋମବାର ; ଜାଣନ୍ତୁ କେଉଁ ରାଶି ପାଇଁ କେମିତି ରହିବ ଆଜିର ଦିନ

ମେଷ- ରାଶିରେ ଚନ୍ଦ୍ର ଅବସ୍ଥାନ କରୁଥିଲେ ମଧ୍ୟ ଏହା ଘାତ ଚନ୍ଦ୍ର ହୋଇଥିବାରୁ ବିଶେଷ ସତର୍କତା ଆବଶ୍ୟକ। ମାନସିକ ଅସ୍ଥିରତା ଦେଖାଦେଇପାରେ ଏବଂ କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ ଗୁରୁଜନଙ୍କ ପରାମର୍ଶ ନିଅନ୍ତୁ। ଶରୀରରେ ଆଘାତ ଲାଗିବାର ସମ୍ଭାବନା ଥିବାରୁ ଯାନବାହନ ଚଳାଚଳ ବେଳେ ସାବଧାନ ରୁହନ୍ତୁ।

ବୃଷ- ଦ୍ୱାଦଶ ଚନ୍ଦ୍ର ହେତୁ ଅଯଥା ଖର୍ଚ୍ଚ ବଢ଼ିପାରେ ଏବଂ ମନରେ କିଛିଟା ଅଜଣା ଭୟ ରହିବ। ଦୂର ଯାତ୍ରା ସଫଳ ହେବ କିନ୍ତୁ ଆର୍ଥିକ ନେଣଦେଣରେ ସତର୍କ ରୁହନ୍ତୁ। ମା’ ଲକ୍ଷ୍ମୀଙ୍କୁ ପଦ୍ମ ଫୁଲ କିମ୍ବା ଧଳା ଫୁଲ ଅର୍ପଣ କଲେ ଶୁଭ ଫଳ ମିଳିବ।

ମିଥୁନ- ଏକାଦଶ ଚନ୍ଦ୍ର ଯୋଗୁ ଆୟର ନୂତନ ମାର୍ଗ ଫିଟିବ ଏବଂ ବନ୍ଧୁମାନଙ୍କଠାରୁ ସହଯୋଗ ପାଇବେ। ବ୍ୟବସାୟରେ ଆଖିଦୃଶିଆ ଉନ୍ନତି ହେବ ଏବଂ ଦୀର୍ଘ ଦିନରୁ ଅଟକି ଥିବା କାମ ସମ୍ପୂର୍ଣ୍ଣ ହେବ। ପରିବାରରେ ସୁଖ ଶାନ୍ତି ବଜାୟ ରହିବ।

କର୍କଟ- ଦଶମ ଚନ୍ଦ୍ର କର୍ମକ୍ଷେତ୍ରରେ ଆପଣଙ୍କୁ ସଫଳତା ଦେବ ଏବଂ ନୂତନ ନିଯୁକ୍ତିର ଯୋଗ ସୃଷ୍ଟି କରିବ। ସମାଜରେ ମାନ-ସମ୍ମାନ ବୃଦ୍ଧି ପାଇବା ସହ ବରିଷ୍ଠ ଅଧିକାରୀଙ୍କ ପ୍ରଶଂସା ପାଇବେ। ମନ ପ୍ରଫୁଲ୍ଲ ରହିବ ଏବଂ ଶାରୀରିକ ସୁସ୍ଥତା ଅନୁଭବ କରିବେ।

ସିଂହ- ଭାଗ୍ୟ ସ୍ଥାନରେ ଚନ୍ଦ୍ର ରହୁଥିବାରୁ ଆପଣଙ୍କର ଅସମ୍ପୂର୍ଣ୍ଣ କାର୍ଯ୍ୟ ସହଜରେ ଶେଷ ହେବ। ଆଧ୍ୟାତ୍ମିକ କାର୍ଯ୍ୟରେ ମନୋନିବେଶ କରିବେ ଏବଂ ଧାର୍ମିକ ଯାତ୍ରାର ଯୋଗ ରହିଛି। ପିଲାମାନଙ୍କ ସଫଳତା ଆପଣଙ୍କୁ ଖୁସି ଦେବ।

କନ୍ୟା- ଅଷ୍ଟମ ଚନ୍ଦ୍ର ରହୁଥିବାରୁ ଦିନଟି ସତର୍କତାର ସହ ବିତାଇବା ଉଚିତ। କୌଣସି ନୂଆ କାମ ଆରମ୍ଭ କରନ୍ତୁ ନାହିଁ କିମ୍ବା କାହାକୁ ଟଙ୍କା ଧାର ଦିଅନ୍ତୁ ନାହିଁ। ପେଟ ଜନିତ ସମସ୍ୟା କିମ୍ବା ରକ୍ତଚାପ ବୃଦ୍ଧି ହୋଇପାରେ, ତେଣୁ ସ୍ୱାସ୍ଥ୍ୟର ଯତ୍ନ ନିଅନ୍ତୁ।

ତୁଳା- ସପ୍ତମ ଚନ୍ଦ୍ର ହେତୁ ଦାମ୍ପତ୍ୟ ଜୀବନ ବହୁତ ମଧୁର ରହିବ ଏବଂ ଜୀବନସାଥୀଙ୍କ ପରାମର୍ଶରେ ଲାଭବାନ ହେବେ। ବ୍ୟବସାୟିକ ଅଂଶୀଦାରଙ୍କ ସହ ସମ୍ପର୍କ ସୁଧୁରିବ ଏବଂ ନୂତନ ଚୁକ୍ତି ସ୍ୱାକ୍ଷରିତ ହୋଇପାରେ। ଶୁଭ ରଙ୍ଗର ବସ୍ତ୍ର ପିନ୍ଧିଲେ ଆତ୍ମବିଶ୍ୱାସ ବଢ଼ିବ।

ବିଛା- ଷଷ୍ଠ ଚନ୍ଦ୍ର ଆପଣଙ୍କୁ ଶତ୍ରୁଙ୍କ ଉପରେ ବିଜୟ ପ୍ରଦାନ କରିବ ଏବଂ କୋର୍ଟ ମାମଲାରେ ସଫଳତା ମିଳିବ। ରୋଗ ଓ ଋଣରୁ ମୁକ୍ତି ମିଳିବାର ସୁଯୋଗ ରହିଛି। ପରିଶ୍ରମ ଅନୁସାରେ ଫଳ ପ୍ରାପ୍ତି ହେବ ଏବଂ ମନରେ ଶାନ୍ତି ରହିବ।

ଧନୁ- ପଞ୍ଚମ ଚନ୍ଦ୍ର ଶିକ୍ଷା ଓ ପ୍ରେମ ସମ୍ପର୍କ ପାଇଁ ଅତ୍ୟନ୍ତ ଶୁଭ ଫଳଦାୟକ ହେବ। ବିଦ୍ୟାର୍ଥୀମାନେ ପ୍ରତିଯୋଗିତାମୂଳକ ପରୀକ୍ଷାରେ କୃତକାର୍ଯ୍ୟ ହେବେ ଏବଂ ସନ୍ତାନଙ୍କ ପକ୍ଷରୁ ଶୁଭ ଖବର ମିଳିବ। କଳା ଓ ସାହିତ୍ୟ କ୍ଷେତ୍ରରେ ଆପଣଙ୍କର ରୁଚି ବୃଦ୍ଧି ପାଇବ।

ମକର- ଚତୁର୍ଥ ଚନ୍ଦ୍ର ପାରିବାରିକ ସୁଖ ଓ ଶାନ୍ତି ପ୍ରଦାନ କରିବ। ନୂତନ ଗୃହୋପକରଣ କିମ୍ବା ଯାନବାହନ କ୍ରୟ ପାଇଁ ଯୋଜନା କରିପାରନ୍ତି। ମାଆଙ୍କ ସ୍ୱାସ୍ଥ୍ୟରେ ସୁଧାର ଆସିବ ଏବଂ କର୍ମକ୍ଷେତ୍ରରେ ସ୍ଥିତି ମଜଭୁତ୍ ରହିବ।

କୁମ୍ଭ- ତୃତୀୟ ଚନ୍ଦ୍ର ଯୋଗୁ ଆପଣଙ୍କର ସାହସ ଓ ପରାକ୍ରମ ବୃଦ୍ଧି ପାଇବ। ଭାଇଭଉଣୀଙ୍କ ସହ ଥିବା ମନାନ୍ତର ଦୂର ହେବ ଏବଂ କ୍ଷୁଦ୍ର ଯାତ୍ରାରୁ ଲାଭ ମିଳିବ। ସାମାଜିକ ପ୍ରତିଷ୍ଠା ବଢ଼ିବା ସହ ନୂତନ ବନ୍ଧୁ ସ୍ଥାପନ ହେବ।

ମୀନ- ଦ୍ୱିତୀୟ ଚନ୍ଦ୍ର ଆପଣଙ୍କ ପାଇଁ ଆର୍ଥିକ ଉନ୍ନତିର ସୁଯୋଗ ଆଣିଦେବ। ବାଣୀରେ ସଂଯମତା ରକ୍ଷା କଲେ ପୁରୁଣା ବିବାଦର ସମାଧାନ ହୋଇପାରିବ। ପରିବାରରେ କୌଣସି ଶୁଭ କାର୍ଯ୍ୟକୁ ନେଇ ଚର୍ଚ୍ଚା ହେବ ଏବଂ ମନୋବାଞ୍ଛିତ ଫଳ ମିଳିବ।

ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – 8249826682

ସୌଜନ୍ୟ ସମ୍ବାଦ