Crowd: ସଞ୍ଜ ନଉଁ ନଉଁ ମହୋତ୍ସବରେ ଭିଡ଼

ଏକାଡେମୀ ପୁରସ୍କାରପ୍ରାପ୍ତ ଛଅଟି ବହି: ମାତ୍ର ୬୦୦ ଟଙ୍କାରେ

‘ପୁସ୍ତକ ମହୋତ୍ସବ’ର ଶେଷ ଦୁଇଦିନ ପାଇଁ ଆଜି ‘ଆମ ଓଡି଼ଶା’ ପକ୍ଷରୁ ଶେଷ ରିହାତି ଯୋଜନା ଘୋଷଣା କରାଯାଇଛି। ଏହି ଯୋଜନାରେ, ଓଡ଼ିଶା ସାହିତ୍ୟ ଏକାଡେମୀ ଓ କେନ୍ଦ୍ର ସାହିତ୍ୟ ଅକାଦେମି ପୁରସ୍କାରପ୍ରାପ୍ତ ଛଅଟି ବହି ସ୍ବତନ୍ତ୍ର ରିହାତିରେ ମିଳିବ। ଏହି ବହି ମଧ୍ୟରେ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଦାଶ ବେନହୁରଙ୍କ ‘କୁନାପାଇଁ ଅନାବନା ଗୀତ’, ଅସିତ ମହାନ୍ତିଙ୍କ ଅନୂଦିତ ମନୁ ବେନ୍ ଗାନ୍ଧୀଙ୍କ ‘ବାପୁ- ମୋ ମା’, ରବୀନ୍ଦ୍ରନାଥ ମାଝୀଙ୍କ କିଶୋର ଉପନ୍ୟାସ ‘ନୀଳ ଠେକୁଆ’,  ବିଜୟ କୁମାର ପ୍ରଧାନଙ୍କ ଅନୂଦିତ ମନମୋହନ ବାୱାଙ୍କ ‘ଅଜାତ ସୁନ୍ଦରୀ ଓ ଅନ୍ୟାନ୍ୟ ଗଳ୍ପ’ ଓ ସୀତେଶ ତ୍ରିପାଠୀଙ୍କ ଅନୂଦିତ ବୃନ୍ଦାବନଲାଲ ବର୍ମାଙ୍କ ଉପନ୍ୟାସ ‘ତେଜସ୍ବିନୀ’, ନବକୁମାର ବସୁଙ୍କ ଲିଖିତ ତଥା ଶ୍ରଦ୍ଧାଞ୍ଜଳି କାନୁନଗୋଙ୍କ ଅନୂଦିତ ଉପନ୍ୟାସ ‘ଶ୍ରୀମୟୀ ମା’ ରହିଛି। ଉଲ୍ଲେଖନୀୟ ଯେ ‘ତେଜସ୍ବିନୀ’ ଝାନସୀ ରାଣୀ ଲକ୍ଷ୍ମୀବାଇଙ୍କ ଜୀବନଚରିତ ଆଧାରିତ ଉପନ୍ୟାସ ହୋଇଥିବା ବେଳେ ‘ଶ୍ରୀମୟୀ ମା’ ରାମକୃଷ୍ଣ ପରମହଂସ ଓ ସାରଦା ଦେବୀଙ୍କ ଜୀବନଚରିତ ଆଧାରିତ ଯୁଗ୍ମ-ଉପନ୍ୟାସ। ଏହି ଛଅଟି ବହିର ମୋଟ ମୂଲ୍ୟ ୮୨୦ ଟଙ୍କା ହୋଇଥିବା ବେଳେ  ଷ୍ଟଲ୍ ନମ୍ବର ଏ-୩/୪୭-୪୮ରେ ଏହା ମାତ୍ର ୬୦୦ ଟଙ୍କାରେ ମିଳିପାରିବ।