Death penalty: ଇରାନୀ ଯମଜ ଭଉଣୀ ଶାସକଙ୍କ କ୍ରୋଧର ସମ୍ମୁଖୀନ

ରହିମି ଭଉଣୀଙ୍କୁ ଇରାନୀ ଗାର୍ଡ଼ସଙ୍କ ନିର୍ଦ୍ଦେଶରେ ଉଠା ଯାଇଥିଲା। ଚାରି ମାସ ପର୍ଯ୍ୟନ୍ତ ସେମାନଙ୍କ ପରିଜନଙ୍କୁ ଜଣାନଥିଲା କି ସେମାନଙ୍କୁ କେଉଁଠାରେ ରଖାଯାଇଛି। ରହିମି ଭଉଣୀଙ୍କ ମା’ ମର୍ଜିହ ନୁରମୋହମଦୀ ନିଜ ଝିଅଙ୍କୁ ହସ୍ପିଟାଲଠାରୁ ଆରମ୍ଭ କରି ସମସ୍ତ ସରକାରୀ ସ୍ଥାନରେ ଖୋଜିଥିଲେ। ବହୁ ଦିନ ପରେ ସେ ଜାଣିବାକୁ ପାଇଥିଲେ ସେ ତାଙ୍କ ଝିଅମାନଙ୍କୁ ଇସଫାହାନର ଜେଲରେ ବନ୍ଦ ରଖାଯାଇଛି। ଶେଷରେ ମେ’ ମାସରେ ତାଙ୍କୁ ତାଙ୍କ ଝିଅମାନଙ୍କୁ ଭେଟିବାକୁ ଅନୁମତି ମିଳିଥିଲା। ସେ ଜେଲରେ ଥିବା ନିଜ ଝିଅମାନଙ୍କୁ ପ୍ରଥମେ ଚିହ୍ନି ପାରିନଥିଲେ। କାରଣ ସେମାନଙ୍କ ମୁହଁର ବିଭିନ୍ନ ସ୍ଥାନରେ ଆଘାତ ଲାଗିଥିଲା ଓ ମୁହଁ ଫୁଲି ଯାଇଥିଲା।

ରହିମି ଭଉଣୀଙ୍କ ସମ୍ପର୍କୀୟ ଭାଇ ମସୁଦ ନୁରମୋହମ୍ମଦୀ କହିଛନ୍ତି, ଜେଲରେ ସେମାନଙ୍କ କହୁଣୀ ଓ ଗୋଡ଼ ଭାଙ୍ଗି ଯାଇଥିଲା। ଜେଲରେ ତାଙ୍କ ଉଭଣୀମାନଙ୍କୁ ଅତ୍ୟଧିକ ନିର୍ଯାତନା ଦିଆଯାଉଛି। ତାରାନେହ ରହିମି କୋର୍ଟରେ କହିଥିଲେ ଯେ, ତାଙ୍କୁ ଖୁବ୍‌ ପ୍ରତାଡ଼ିତ କରାଯାଉଛି। ତାଙ୍କ ଭଉଣୀ ସହିତ ଦୁଷ୍କର୍ମ କରାଯିବାର ମଧ୍ୟ ଧମକ ଦିଆଯାଉଥିଲା। ପରିବାର ଲୋକ କହିଛନ୍ତି, ଜେଲର ଗାର୍ଡ଼ସମାନେ ତାରାନେହଙ୍କୁ ଧମକ ଦେଇଥିଲେ ଯେ, ସେ ସ୍ବୀକାରୋକ୍ତିରେ ଯଦି ଦସ୍ତଖତ ନକରିବେ ତାହାହେଲେ ସେମାନେ ତାଙ୍କ ଆଗରେ ଭଉଣୀ ରୋମିନା ସହିତ ଦୁଷ୍କର୍ମ କରିବେ।