ସୁରକ୍ଷାକର୍ମୀଙ୍କୁ ମାଡ଼ ମାରି ଫେରାର ୩୪ ଅନ୍ତେବାସୀ

ହତ୍ୟାକାଣ୍ଡ ପରେ ସେଠାରେ ପରିଚାଳନାରେ ଅବ୍ୟବସ୍ଥା ଦେଖା ଦେଇଥିଲା | ଖାଇବା ଓ ଅନ୍ୟ ଦୈନନ୍ଦିନ ଚଳଣିରେ ଅସୁବିଧା ହୋଇଥିଲା | ହତ୍ୟାକାଣ୍ଡ ପରେ ସେଠାରେ ୪୨ ଜଣ ଅନ୍ତେବାସୀ ରହୁଥିଲେ | ସେମାନେ ଖାଦ୍ୟପେୟ ଓ ପରିଚାଳନା ବ୍ୟବସ୍ଥାକୁ ବିରୋଧ କରି ଆସୁଥିଲେ | ସବୁଦିନ ସୁରକ୍ଷାକର୍ମୀ ନିଶା ନିବାରଣ କେନ୍ଦ୍ର କବାଟ ବାହାର ପଟୁ  ତାଲା ପକାନ୍ତି। କିନ୍ତୁ ଆଜି ତାଲା ପକାଇବାକୁ ଭୁଲି ଯାଇଥିଲେ। ଅନ୍ତେବାସୀମାନେ ପୂର୍ବ ଯୋଜନା ମୁତାବକ ସେଠାରୁ ପଳାଇ ଯିବାକୁ କବାଟ ଖୋଲି ବାହାରିଥିଲେ। ସୁରକ୍ଷାକର୍ମୀ ବିରୋଧ କରିବାରୁ ସେମାନେ ତାଙ୍କୁ ନିସ୍ତୁକ ମାଡ ମାରି ଲହୁଲୁହାଣ କରିଥିଲେ। ଏହା ପରେ ୩୪ ଜଣ ଅନ୍ତେବାସୀ ଫେରାର ହେବାକୁ ସକ୍ଷମ ହୋଇଥିଲେ ସେମାନଙ୍କ ମଧ୍ଯରୁ କେତେକ ନିଜ ଘରକୁ ପଳାଇ ଥିବା ବେଳେ ଆଉ କେତେକ ବାହାରେ ବୁଲୁଥିବା ଜଣାପଡିଛି। ଏତେ ବଡ ଘଟଣା ଘଟିଥିଲେ ମଧ୍ଯ ଏଯାଏଁ ଥାନାରେ ରିପୋର୍ଟ ନ ହେବା ଆଲୋଚନାର ବିଷୟ ପାଲଟିଛି।